aa paas mere-kavita

Aa paas mere tujhe is dil ki baat baatata hoon,
Karib aa Sun tu jara ye sangit tujhe sunata hoon,

Rahti hai tu yaha dil mein mere dhadkan bankar,
Ae zindagi tujhe hi to apna manmit bulata hoon,

Rahti Har khwaaishon mein hai ab tu hi tu meri,
Aa paas mere tujhe ye prem geet sunaata hoon,

Tu hi din mera tu hi to meri shubah aur shaam,
Meri khushi tujhe hi to apni preet bulaata hoon,

Meethi si baate teri dilme mere utarti jaati hai,
Tuhi baazi meri har jeet tujhe main batata hoon,

Kaisa dooba main teri mohabbat ki sarita mein,
Aa paas mere tujhe ye ishk ki reet batata hoon,

Aa paas mere tujhe is dil ki baat baatata hoon,

Karib aa Sun tu jara ye sangit tujhe sunata hoon,

chaar paktiya mere grandson ke liye

"Meri khushi meri jaan hai tu,
Is meethi ka guman hai tu,
Aur main kahu tujhse kya,
Meri zindagi aur abhiman hai tu,"

horror

Macks Archu

"sooni sadak hai raat kaali,
hai kaisi vichitra ye kheli,
na waha koi banda na hai parinda,
kitni bhayanak hai WO haweli
suni hai sabne jaha jiski kahani,
hai nahi koi WO to nayi naveli,
nahi hai uska ab yaha koi saathi,
hai nahi yaha ab uski koi saheli,
Ghana andhera viraan ye raasta,
jaane kya hai raz kya hai paheli

for my grandson Boss

"aaya mere ghar ek nanha shetan,
hai jis par mujhe to abhimaan,
bholi hai surat natkhat si uski ada,
hai zindagi hamari meri wo shaan,
naam se hi nahi kaam se wo 'Boss',
hai hamari wo khushi meri wo jaan,
nadan pyari meethi baate hai jiski,
fakra hai jispar hame hai gumaan"
I love you my baby Boss, love you a lot

ishwar vaani-134, samaanta

Ishwar kahte hain, "hey manushyo kisi manushya ko uske karm anusaar kam ya adhik na samjho, usse uchh ya nich na samjho,

Koi shikshak jo imandari se shiksha deta hai, udeshak jo imandari se updesh deta hai, safai karmi jo imandari se safai karta hai, pandit imandari se panditai karta hai, shhatriye apne karm ka imaandari se kaarya karta hai, ye karm hi asal mein uska dharm hai jisse WO imaandari se kar raha hai, isliye kisi bhi vyakti ko hey manushya tum hey drishti se nahi dekh sakte,"


Ishwar kahte hain, " hey manushyo jis desh mein evam jaha tum rahte ho, apni jarurat puri karte ho, jaha ka shashak tumhari aur tumhare jaise anyaa logo ki raksha karta hai aur jinne ke saadhan uplabdh karata hai uske saath chhal na karna anyatha tumhara apraadh mere saath kiye chhal ke samaan hi maana jayega"

ishwar vaani-133, manviye sanvednaye

Ishwar kahte hain, "dukh dard tamam taklif, amir-garib, khushi-gam, prem-durbhawana, uncha-nicha, pavitrata-apavitrata, muskan-ashru ye sab kewal maanviye sanvednaaye hai, ishwar ka inse koi sarokaar nahi hai,

Jo vyakti Maya mein fassa hai usse in sab ko bhogna hi padta hai, kintu jisne maya par vijay haasil kar li wohi in sanvednao aur in vichaaro se mukti pa ishwar ka karibi aur ek sachha saint banta hai,

Ek sachhe saint mein prani jaati ke  kalyaan aur meri upaasna ke atirikt koi sanvedna nahi hoti, kintu saint ka choga pahan Maya ke pichhe jo vyakti bhagte hain aise pakhandi ko saint kah is shabd ko lazzit nahi karna chahiye kyonki sachha saint mujhe ati priye hai aur jo is naam ko dharan kar galat kratya karta hai mere kop ka bhaagi hota hai"

ishwar vaani-132, brahm hatya dosh

Kisi ne mujhse prashna kiya tha ki Ramayana mein shri ram ko brahm dosh laga rawan ko maarne ke baad lekin lakshman aur hanuman sahit baaki ko ye dosh kyon nahi laga, haalaki bhagwan Ram ne Lashman sahit anya saathiyo sahit Ayodhya mein brahm hatya ke dosh dur karne hetu puja karai gayi thi,


Is vishaye mein ishwar kahte hain, " Ye to hui pavitra granth ki baat, doosra satya ye hai, hanuman Ji sahit samast sena shri ram ke bhakt the aur unhe apna swami mante the, isliye jaise ek sewak apne swami ki aagya maan kar uske hi dwara diye aadesh ke anusar hi kaarya karta hai fir chahe galat ho ya sahi wo poorn roop se isme sahbhaagi nai hota, poorn roop se sehbhagi uska swAami hi hota hai,

Ussi tarah lakshman sahit baaki sabhi sena ko brahmdosh to laga par uska prabhav utna un par nahi tha jitna shri ram ko tha q ki baaki sabhi kewal apni swami bhakti nibha yudhh kar rahe the kintu ram kewal apni patni ke liye yudhh kar rahe the,

Isliye baaki sabke paap harne hetu khud prabhu shri ram the waha unke swaami ban kintu unke paap harne wala koi na tha, isliye unhe brahm hatya ki puja karna anivaarya hua"