jab chunna tha dost aur pyaar mein se kisi ek ko....... (story)

Hiii doston mera naam Rohan hai aur meri umar 45 saal hai, main ek news channel mein bataur camera man kaam karta hoon, aaj main apni zindagi ki kahani aapko sunane ja raha hoon, aapke liye ye bhale ek kahani ho par ye meri zindagi ka ek sachh hai jisse maine jiye hai, meri zidagi ek aisa modd jisme mujhe dosti aur pyaar mein se kisi ek ko chunna tha, main asmanjhas ki haalat mein tha ki mujhe kya karna chahiye, apni khushi k liye apne pyaar ko apne saath rakhna chahiye ye fir dost ki zindagi tabah hone se bachane k liye apne pyaar ko kurbaan  kar dena chahiye, par mere pyaar ne meri haalat ko samjha aur mujhe dosti nibhane k  liye dost k haath saup kar wo khud door chala gaya, aisa kya huaa mere saath aapko main ye batata hoon..

  aaj se kareeb 15 saal pahle ki baat hai jab mera tabadla Delhi se  2 saal k liye London kar diya gaya tha, main kaafi khush tha iss baat ko le kar par thoda dukhi bhi tha kyon ki ye pahli baar tha jab main apni family se door ja raha tha aur mera swabhaav bhi aisa nhi hai ki jaldi hi kisi k saath ghul mil jaau aur dost bana lu, mujhe dost banane mein bhi time lagta hai, isliye thoda dukhi bhi tha, par apne career k liye itnaa sacrifice to karna hi padta hai, aakhir main  Delhi se London pahuch gaya, rahne k liye office ki taraf se hi ek flat mila tha mujhe waha pe, aur ek hafte baad meri naye desh k office mein joining thi, main iss ek hafte bas ye hi sochta raha ki mere saath jo reporter kaam karega pata nhi kaisa hoga, koi Indian reporter hoga ya fir British, ye hi soch soch kar ek hafta nikal gaya aur aakhir wo din aa hi gaya jab mujhe apne naye office mein apne sahyogi reporter se milna tha,

    main time pe taiyaar ho kar office pahuch gaya aur mere boss ne mujhe kuch derr baahar baith kar wait karne ko kaha, kareeb 10 min baad unhone mujhe apne cabin mein bulaya, main andar gaya to boss k paas behad khoobsurat aur ek masoom see Indian ladki khadi thi, usse dekh kar mujhe laga shayad ye boss ki patni, beti, saali ya shayad fir uski beti hogi aur ab mujhe iski bhi gulaami karne padegi, fir maine socha koi baat nahi Indian hai kar lenge gulaami, kam se kam koi angrez to nahi hai, main iss udhedbun mein hi tha ki boss ne mujhe batya ki ye humaree honhaar reporter Divyanka hai,aur kal se ye tumhare saath hi kaam karegi, boss ne mujhe bataya ki ye tumhare hi aparment mein rahti hai, isliye ek hi jagah rahne aur donon k indian hone ki wazah se maine tum donon ko saath mein kaam karne k liye chuna hai, tum donon hi talented ho and i hope ki tum apna best humare news channel ko doge, main to ye sun kar jaise barf ki tarh jam sa gaya,iske saath hi khush bhi bahut huaa ki itnee achhi ladki k saath kaam karne ka mauka mil raha hai, socha bhi nhi tha maine ki London mein meri kismat aisa modd legi, par  kisi ki kismat mein kya likha hota hai ye to aane wala waqt hi hme batata hai,

    dheere dheere humari Divyanka aur meri mulakate (kaam k silsile mein) dosti mein badli aur ye dosti kab pyaar mein badal gayi kuch pata nhi chala, kuch din baad humare apartment mein ek ladki rahne aayi, dikhe mein Bharat ya Pakistani jaisi hi lag rahi thi, waise hmare apartment mein sirf main aur Divyanka hi Indian the baaki sab UK k hi log the, bt fir jab uss ladki ko dekha ki ye to angrej nahi hai Bhaarat ya Pakistani jaise hai, fir socha isse baat karni chahiye ki ye kahan ki hai aur kya karti hai, maine Divyanka ko usse baat karne ko kaha, Divyanka ne baat cheet mein pata kiya ki  uska naam sofiya hai aur wo Pakistani hai aur waha k ek sarkaari news channel mein reporter hai, waqt  k saath hum teeno hi bahut achhe dost ban gaye, sofiya ne bataya ki uski shadi hone wali hai ussi k pasand k ladke k saath jo ki uske mama ka beta hai, usne mujhe aur Divyanka ko bhi shaadi mein invite kiya, humne kaha jab date fix ho jaye to bata dena hum 2 din pahle tumhari shaadi attend karne pakistaan aa jaynge, usne kaha ki dec mein 27 taarikh ki shaadi hai, bt 27 taarikh dec mein ko to ab bas ek mahine bacha tha, humne kaha fir tum kab yaha se nikalne wali ho kyonki shadi ko to tym jyada hai nahi, usne kaha ek hafte mein wo chali jaayngi par saath mein usne kaha ki promise karo ki tum dono bhi jaldi shaadi kar loge aur meri shaadi mein b jaroor aoge, humne kaha done, bt tumhari shaadi k baad hum apni shaadi karenge and tumhari shaadi k 2 din pahle hi waha pahuchenge, usne kaha ok, fir ek hafte baad wo chali gayi,

   fir jaisa ki humne kaha usse kaha tha ki shaadi k 2 din pahle hum pakistaan uske yaha pahuch jaaynge hum waha pahuche, par waha ka nazaara dekh k to hosh hi udd gaye, waha shaadi ki khushiyon ki jagah gamm ka aalam tha, manhoosiyat thi, humne wazah jaanne ki koshish ki to pata chala ki sofiya k hone wale pati aur bhai ko aatankwadiyon ne maar diya hai, aur ye sab bas kal subah hi huaa hai, ye jaan kar hmare to perro tale jaise zameen hi nikal gayi, fir jaisa taisa khud ko sambhala aur sofiya avam uske pareewar ko sambhala, takreeban 10 din baad hum waha se wapas UK aa gaye, aur sofiya k lautne ka intzaar karne lage,

 2 maheene baad sofiya wapas London aayi, par ab wo pahle jaisee bilkul bhi nahi thi, hmesha gumsum rahti thi, maine aur Divyanka ne usse khush rakhne ki koshish ki par naakam rahe, par ek din jaise hi main uske ghar pahucha to mere hosh udd gaye, usne kitchen mein khud ko band kar rakha tha aur guess on kar rakhi thi, guess ki badboo poore ghar mein fell chuki thi, maine kisi tarah khidki k raaste kitchen mein ja kar sabse pahle guess band ki aur aadhi behoshi ki halat mein padi sofiya ko bhi baahar nikaala aur usse dr. k paas le gaya, jab usse hosh aaya to Divyanaka aur maine usse wazah puchhi ki aakhir usne apni jaan dene ki koshish kyon ki, jo chala gaya wo wapas to nahi aa sakta, purani yadon ko bhula kar usse apni zindagi k bare mein naye sire se sochna chahiye, apne aur apne pareewar k baaki logon k bare mein usse sochna chahiye uski iss harkat se unhe kitnee takleef hogi,sofiya ne kaha jo ateet hai wo mere aaj ko prabhavit kar raha hai, aur rahi baat ghar walon ki to unke saath bhi to maine badnaami wala kaam hi kiya hai, humne kaha matlab kya hai tumhara, usne bataya ki wo pregnant hai, Altaaf jisse uski shaadi hone wali thi wo iss bachhe ka baap hai, par wo agar bin byaahi maa ban gayi to badi badnaami hogi  aur wo iss bachhe ko girwa bhi nahi sakti kyon ki ye uske pyaar ki aakhiri nishaani hai, isliye usne apnee jaan dene ka faisla liya, humne usse kaha ki ya uska aur Altaf ka pareewar ye jaanta hai, to usne kaha nhi, agar janta to wo log mujhe ya fir mere hone wale bachhe jisne abhi to duniya mein kadam tak nhi rakha hai Pakistaan mein hi maar daalte, usne kaha ki bas ab wo ye bojh aur nhi dhona chahti, apne bachhe k saath khud bhi mar jana chahti hai, aur apne bachhe ko apne jeete je wo apni kokh mein maar bhi nahi sakti, uski baat sun kar main aur Divyanka sadme mein aa gaye ki ab aage kya kare, fir humne Sofiya se kaha ki tum chinta mat karo hum koi na koi raasta nikaal lenge par ab tum aisa kuch bhi nahi karoge, apni kasam de kar humne usse mana to liya par hum dono hi ek gahri chinta mein doob gayi ki aage kya kare aur kaise kare,

  3, 4 din gahan sochne vichaar k baad main iss nateeje par pahucha  ki main sofiya se shaadi karunga aur uske bachhe ko apna naam dunga, isse na to bin byaahi maa banegi aur na hi uski badnaami hogi iske saath hi uske pyaar ki nishaani bhi surakshit rahegi, par ye sab main Divyanka se kaise kahu, wo kya sochegi, main sochne laga ki Divyanka na kahi kuch galat kar le kyon ki wo bhi mujhse bahut pyaar karti hai, par dil par pathhar rakh kar main Divyanka k saamne aakhir pahuch hi gaya aur badi mushkil se apne dil ki baat usse batayi, par ye kya, Divyanka ne kuch bhi nhi kaha, kuch derr shaant rahne k baad usne kaha ki ye to main bhi soch rahi thi par himmat nahi jutaa pa rahi thi, thank god ki tumne mere mann ki baat khud hi kah di, usne kaha ki mujhe sofiya se shaadi kar leni chahiye, iss waqt usse jyada sofiya ko meri jarurat hai, usne khushi khushi mujhe sofiya k hawale kar diya,

    ye wo daur tha jab main ek aise duraahe par khada tha jaha ek taraf mera pyaar tha, mere sapne the aur doosri taraf meri dosti, jiska mere siwa koi aur na tha sahara,jiske saath apni hi nhi ek nanhi si jaan bhi judi hui thi, mujhe kise chunna chahiye ye meri samajh se pare ja raha tha, par aise mein mere pyaar ne mujhe dosti nibhaane ko kaha, mere pyaar ne kaha jeevan saathi wo hi banta hai jo naseeb mein hota hai par agar ek baar achha dost chala gaya zindagi se to bas afsoos karne k siwaye aur kuch bhi nahi rah jaata, usne kaha shayad hum ek doosre k naseeb mein nahi hai jaise sofiya k naseeb mein Altaaf nahi tha, par agar tumne soffiya se shaadi ki to mujhe khud pe garv hoga ki maine jiss shaksh se pyaar kiya wo ek mahaan insaan hai jisne apne dost ki zindagi aur khushiyon k liye apne pyaar ko kurbaan kar diya, mujhe tum par humesha naaz rahega,

Divyanka ne mujhe apni aur humare pyaar ki kasam de kar mujhe dosti nibhaane k liye vivash kar diya, 

    Divnaka ki baat maan kar main ab Sofiya se shaadi karne ko maan gaya, kuch dino mein hmari shaadi hui fir kuch mahne baad Sofiya ne ek beti ko janm diya (jisse hum pyaar se Divya bulate hain), par Sofiya k ghar wale humari shaadi se khafa the kyon ki main ek hindu hoon aur sofiya ek muslim par lagbhag ek saal baad Divynka ne Sofiya k ghar walon ko bhi mana liya, aur iske baad ek din achaanak Divyanka London se kahi door chali gayi bina kuch kahe, bina kuch bataye, maine aur Sofiya ne usse bahut dhoonda aur talaash kiya par wo kahi na mili, 

main aaj apni ptni sofiya aur bachhi Divya k saath bahut khush hoon par mujhe ye khushi dene wali ladki jane kaha chali gayi hai mujhe nhi pata, pichle 15 saal se main usse dhoond raha hoon par wo mujhe aaj tak nhi mili, meri iss kahani ka maksad bhi usse dhoonda hi hai, kaash wo ye kahani pade aur mujhse ek baar sampar kare..........Pleas Divyanka mujhse ek baar sampark karo, tumhara aur sirf tumhara Rohan(i still love you Divyanka)...

--
Thanks and Regards
 *****Archana*****