Wednesday 30 March 2016

ishwar vaani-134, samaanta

Ishwar kahte hain, "hey manushyo kisi manushya ko uske karm anusaar kam ya adhik na samjho, usse uchh ya nich na samjho,

Koi shikshak jo imandari se shiksha deta hai, udeshak jo imandari se updesh deta hai, safai karmi jo imandari se safai karta hai, pandit imandari se panditai karta hai, shhatriye apne karm ka imaandari se kaarya karta hai, ye karm hi asal mein uska dharm hai jisse WO imaandari se kar raha hai, isliye kisi bhi vyakti ko hey manushya tum hey drishti se nahi dekh sakte,"


Ishwar kahte hain, " hey manushyo jis desh mein evam jaha tum rahte ho, apni jarurat puri karte ho, jaha ka shashak tumhari aur tumhare jaise anyaa logo ki raksha karta hai aur jinne ke saadhan uplabdh karata hai uske saath chhal na karna anyatha tumhara apraadh mere saath kiye chhal ke samaan hi maana jayega"



ishwar vaani-133, manviye sanvednaye

Ishwar kahte hain, "dukh dard tamam taklif, amir-garib, khushi-gam, prem-durbhawana, uncha-nicha, pavitrata-apavitrata, muskan-ashru ye sab kewal maanviye sanvednaaye hai, ishwar ka inse koi sarokaar nahi hai,

Jo vyakti Maya mein fassa hai usse in sab ko bhogna hi padta hai, kintu jisne maya par vijay haasil kar li wohi in sanvednao aur in vichaaro se mukti pa ishwar ka karibi aur ek sachha saint banta hai,

Ek sachhe saint mein prani jaati ke  kalyaan aur meri upaasna ke atirikt koi sanvedna nahi hoti, kintu saint ka choga pahan Maya ke pichhe jo vyakti bhagte hain aise pakhandi ko saint kah is shabd ko lazzit nahi karna chahiye kyonki sachha saint mujhe ati priye hai aur jo is naam ko dharan kar galat kratya karta hai mere kop ka bhaagi hota hai"

Saturday 26 March 2016

ishwar vaani-132, brahm hatya dosh

Kisi ne mujhse prashna kiya tha ki Ramayana mein shri ram ko brahm dosh laga rawan ko maarne ke baad lekin lakshman aur hanuman sahit baaki ko ye dosh kyon nahi laga, haalaki bhagwan Ram ne Lashman sahit anya saathiyo sahit Ayodhya mein brahm hatya ke dosh dur karne hetu puja karai gayi thi,


Is vishaye mein ishwar kahte hain, " Ye to hui pavitra granth ki baat, doosra satya ye hai, hanuman Ji sahit samast sena shri ram ke bhakt the aur unhe apna swami mante the, isliye jaise ek sewak apne swami ki aagya maan kar uske hi dwara diye aadesh ke anusar hi kaarya karta hai fir chahe galat ho ya sahi wo poorn roop se isme sahbhaagi nai hota, poorn roop se sehbhagi uska swAami hi hota hai,

Ussi tarah lakshman sahit baaki sabhi sena ko brahmdosh to laga par uska prabhav utna un par nahi tha jitna shri ram ko tha q ki baaki sabhi kewal apni swami bhakti nibha yudhh kar rahe the kintu ram kewal apni patni ke liye yudhh kar rahe the,

Isliye baaki sabke paap harne hetu khud prabhu shri ram the waha unke swaami ban kintu unke paap harne wala koi na tha, isliye unhe brahm hatya ki puja karna anivaarya hua"

Friday 25 March 2016

ishwar vaani-131, ishwar us vraksh ke samaan

Ishwar kahte hain, "main us vraksh ke samaan hoon jiski anek jad tatha shakha hai, koi meri kisi bhi jad par JAL arpan kare mujhe hi milta hai issi prakar meri kisi bhi shakha par pushp khile wo bhi mujhme hi hota hai,

Hey manushyo tum chaahe jis naam ka smaran karo aur meri aaradhna karo mujh tak hi pahuchne ka marg hai, 

Ye sampoorn sansaar mere us vraksh roopi dehh par lage pushp ke saman hai, sansar mein pratek jeev jahan bhi janm le, jis roop mein janm le wo mera hi to pushp hai, mujhse alag ho uska kya astitwa,

Hey manushyo maine tumhe sansaar mein bheja, satyug mein tum ek saath ek sthaan par rahte the kintu main treta yug aate aate tumhe dharti ke khando ke saath alag sthaano par bhej diya, taki desh/kaal/paristithi ke anuroop anek naam aur roop mein tum mujhe pukaaro aur mere dikhaaye marg par chalo saath hi ye gyaan tumhe mile ishwar ek hi hai jisse tum jis naam aur roop mein pukaro aur meri upaasna karo, saath hi mujhe praapt karne ke nimn marg apnao,

Hey manushyo mujhe prapt karne ka Jo bhi marg apnaao, sachha saatvik marg tumhe mujh tak pahuchata hai chahe jis vidhi vidhaan se mujhe pukaro par pukaro aur meri vyavstha ke anuroop chalo,

Tumhara kalyan ho

Wednesday 23 March 2016

ishwar vaani-128, ishwar dwara pavitra thehrana

shwar kahte hain "hey manushyo jise maine pavitra thehraya hai usse tum apni jhoothi vyavshtha mein pad kar kaise apvatri kaise thehra sakte ho kya tumhari vyavstha mujhse bhi badi hai, jaati/dharm/bhasha/sampradaye, stree-purush mein antar, rang-roop mein bhed, ye tum sab kaise kar sakte ho, maine tumhe manav banaya taki sansaar roopi is bagiya ke tum maali ban pratek praani ki raksha karo, har jiv tumhare liye ek pushp ki bhaati tha, lekin tum khud ko maali nahi malik samajh baithe, aur meri is bagiya ko ujaad rahe ho, hey manushyo tum jaan lo main hi is bagiya ka asal maalik hoon aur hamesha rahunga kintu yadi tum na sudhare to nishchit hi main tumse tumhari maali ki ye padwi avashya hi chheen lunga aur tab tum apni durdasha ke khud bhaagi hoge"

ishwar vaani-130, vrat upwaas

Ishwar kahte hain, "hey manushyo tum vrat upwas karte ho bhahwan ko prasann karne ke liye, kintu jab WO bhautik sharir ke saath tumhare saath hote hai tab koi vrat aadi nahi karta kyonki tab WO saakshat unke darshan kar jivan safal kar sakta hai,

Kya aapne suna hai Krishna janmashtmi ya ram navami unke janm se pahle ya jab WO bhautik roop mein dharti par the tab kabhi vrat upwaas rakha tha ya rakha jata tha,

Isliye ishwar kisi bhi roop mein jab tak dharati par avtarit rahte hai unke liye vrat upwas unhe prasann karne ke liye nahi hote jaise pitra paksh mein kewal unhi priye Jan ki puja hawan aadi kiye jaate hai Jo bhautik sharir tyaag chuke hai, kintu jab tak WO bhautik sharir ke saath the tab tum unki puja aradhna nahi karte the, unhe prasann karne ke liye hawan aadi nahi karte the,

Yahi ishwar ke vishay mein hai, jab WO shashrir vidhhman ho to kisi hawan vrat upwaas ki aavshyakta nahi hoti'

Tuesday 22 March 2016

ishwar vaani-129, manav sabhyata

''Ishwar kahte hai kayi varsh poorva jab samast dharti alag alag khando mein vibhajit na thi tab uske kendra mein manav jivan utpann hua, iske baad jaise jaise manav samooh banne lage dharti alag alag bhaago mein bant ke vighatit ho naye naye deep samoho mein vibhajit ho gayi, jisme is prakatik prakriya mein kayi maanav maare gaye aur jo bache alag alag deep samooho mein unhone waha desh/kaal/paristithi ke anurup apni alag sabhyata aur sanskriti apnaayi, issi ka saakshya hai jaha aaj registan hai waha kabhi athaah sagar hota tha aur jo aaj sagar hai waha bhoomi hoti thi'

ishwar vaani-127, ishwar jagat ka kumbhar

Ishwar kahte hain "main us kumbhaar ki bhaati hoon Jo nit roh miitti ke sundar bartan banata hai, kintu yadi unme koi kami ho jaati hai to punah unhe ya to nasht kar ya yadi sudharne layak koi bartan hai usme sudhar karta hai,
Hey manushyo issi tarah samast brahmand evam sabhi prani mere liye us bartan ke samaan hai jise main banata hoon, kintu jab jab isme kami aane lagti hai ya bartan purana ho khrab hone lagta hai tab main desh/kaal/paristithi ke anuroop prakat ho usse sudharta hoon kintu yadi kami aisi hai jo thik hone ke layak nahi tab us bartan arthaat pralay la sab kuch nasht kar deta hoon,
Kintu jaisa ki vibhinn pavitra shaastro mein likha hai us wakt bhi bahut saari jagah desh/kaal/paristithi ke anuroop hai WO bach jayngi Jo mere paas surakshit rahengi kintu nayi shrishti nirman ke baad unhe punah waha sthaapit kar diya jayega taki pavitra shaastro par manav ka vishwas bana rahe aur unka kathan satya saabit ho"

apna dil ye haara- kavita

"Jis par main hoon apna dil ye haara,
Tu hi hai ik jis par hoon main vaara,

Na jana tum mujhe tanha chhod kar,
Tere bin main to jaaunga fir ab maara,

Hai jivan ki khushi teri muskan mein,
Bin Meethi main hoon kitna bechara,

Aankho ki thandak dilka bas sukoon tu,
Bin tere nahi koi apna yahaa ab sahara,

Kitna akela aur tanha hoon tum bin yaha,
Bas ik tu hi to mera dilbar mera yaraa,

Dekhe Khushi ke rishte maine zaha mein,
Meethi ka ye har rishta hai sabse pyara,


Jis par main hoon apna dil ye haara,
Tu hi hai ik jis par hoon main vaara-2"

Thursday 3 March 2016

chaar lines

'Uski   khubsurati  hi   uska  gunah   thi,
Bas   baag   mein  kali milana mana thi,
Phool  Jo  banti  WO  mehkaati   bagiya,
Bas nazuk si yehi komlta uska gunah thi'

chhanika

'Uski khubsurati hi uska gunah thi,
Bas baag mein kali milana mana thi,
Phool Jo banti WO mehkaati bagiya,
Bas nazuk si yehi komlta uska gunah thi'

Tuesday 1 March 2016

mera geet- dhoondti hai jise meri ye nazar

"Dhoondti hai jise meri ye nazar,
Chhipa hoga wo shayad yahi idhar,-2
Mera raja wo is dil ka shahzada,
Hai tu jaane mere dilbar kidhar,-2

Meri saanso mein rahta hai tu,

Dil ki baate bas karta hai tu,
Kyon bas sapno mein aata tu nazar,
Hai tu jaane mere dilbar kidhar,

Bhatakti hoon main in raaho mein,

Aa bhar le mujhe tu baaho mein,
Bin tere soona har manzar,
Hai tu jaane mere dilbar kidhar,

Puchhti hoon haal tera in hawao se,

Karti hoon shikayat in fizao se,
Kyon nahi dete mujhe teri khabar,
Hai tu jaane mere dilbar kidhar,


Dhoondti hai jise meri ye nazar,
Chhipa hoga wo shayad yahi idhar,-2
Mera raja wo is dil ka shahzada,
Hai tu jaane mere dilbar kidhar,-2