Tuesday 29 January 2013

teri khushi ke siwa na chaaha tha maine kabhi kuch ....

na chaha tha kuch ek tere pyar ke siwa, na manga tha kuch ek tere saath ke siwa, ek teri chaahat ke siwa aur kya ki thi maine khata aaj tu mujhe ye to bata de, meri mohabbat ke badle na ab koi saza de, nahi kar sakega ab mera ye dil aitbaar kisi aur pe kyon ki ek sirf teri hi nazaron mein pyaar ke siwa aur na chaaha tha maine kabhi kuch,  zindagi ke har modd par saath dene ki tamanna thi meri, bani rahe muskan tere chehre pe sadaa iske siwa na chahat thi meri kuch, teri khushi ke siwa na chaaha tha maine kabhi kuch ....

--
Thanks and Regards
 *****Archana*****

Nafarat


Nafarat

"kabi  mohbbat-ae-alfaaz bhi adhure se lagte the apni chahat ko bayan krne ke liye, aaj nafrat bhari nigah bhi beimaan c lagti h, kabhi chaahaton ke taraane bhaate the mujhe  aur aaj nafarat bhare afsaane achhe laagte hain, kabhi jalta tha chirag dil mein mere tere Ishk ka aaj jalti hai jwaala nafarat ki iss dil mein, hoti thi kurbaan jo  kabhi zindagi meri tujhpe tere pyar mein aur aaj nafarat ki chita mein jal gaya wo rishta humari chaahaton ka , khatm ho chuka hai har silsila humari chaahaton ka aur toote huye dil ke tukdon ke saath  mar chuke hain hum aaj ek dusre ke liye jo kabhi the zinda to ek dusre k liye, nafarat ki diwar mein dafan ho  chukka hai aaj ab wo ikraar humara, aaj nafarat ki aag mein jal kar khaak ho gaya wo saath humara, kabhi  hasrate thi dil mein humare ek doosre ki baahon mein zindagi bitaane ki aaj jafrat ke jwala mein jal kar raakh ho chuki wo beete lamhon ki baatein saari, nafarat ki aag mein jal chuki hai aaj yaari humari, khatm ho chuki hai aaj wo dilon mein thi jo chaahaton ki chingaari, kabhi mohabbat ae alfaaz bhi adhure se lagte the  apni chaahto ko bayan karne ke liye aur aaj….."

hume tumse hi ye pyaar kyon hai.


hume tumse hi ye pyaar kyon hai.. 

"jane aaj bhi hume tumse pyar kyon hai, tod diye hain tumse har rishte apne fir bhi tumhara hi intezaar hume kyon hai, dur karte hain apna mann tumse jitna hum par usse tumse fir kahin milan ki aas kyon hai, jhooth aur fareb ki iss duniya me ek sachhe humsafar ki chaah mujhe kyon hai, milte hain jahan dhokhe iss duniya ke bazaar mein fir bhi meri har ek dhadkan sirf tumhari hi ek pyaar bhari nazar ki mohtaaz kyon hai,  tod kar chale gaye jo dil mera unse fir se kisi mulaqat ki wo tamanna mujhe kyon hai, ruthhe huye tum ho hmse aur khafa hum bhi hain tumse jane kyon fir se maan jane ki ummid hume kyon hai, waqt ne badla hume ya haalat se haar kar juda huye hum lekin aaj bhi hume tumse hi ye pyaar kyon hai..  "

Dost


Dost

"khuda ki rehmat hote hain dost, dur hote huye bhi dil k paas hote hain dost, rote huye ko hassa jate hain dost, dekh le jo koi ashk aankho me pochh usse aankho se khud ro jate hain dost, toote huye dil mein fir nayi ummid jaga jate hain dost, bhatke jo mazil ki talash me sahi raasta dikha jate hain dost, na hota hain  rishta khoon ka unse koi fir bhi har rishte se bad kar hote hain dost,  rab ka sabse hasin tohfa hote hain dost ya shaayad rab ka hi ek aks hote hain dost,zindagi mein behad khaas hote hain dost, jeene ki aas hote hain dost, ek pyar bhara ahsaas hote hain dost, q ki har pal dil k paas hote hain dost, khushnaseeb hote hain wo log jinke paas hote hain sachhe dost.."

prabhu rahte hain.............


“jab dhoondne chala main iss jagat ke maalik ko to kisi ne kaha ki wo to  rahta hai mandir mein par dekha jab maine waha ja kar na mila mujhe prabhu waha tu, mili koi moorat  jise log kahne lage ye hi to hai prabhu oo moorakh, fir kisi ne kaha tu dhoondta hai moorakh kahan uss duniya banana wale ko, wo na milenge tujhe inn mandir ke ujiyaalon mein kyon ki wo to rahte hai masjid ki galiyaaron mein, sun kar uski baat maine fir dhoonda uss rab ko masjid ki deewaron  se bane galiyaron mein, par waha bhi khaalipan ke siwa na dikha mujhe kuch, puchha maine kaha hai yaha duniya banana wala to kaha yahi to hai wo kar dua teri kubul hogi, wo rab rahta hai bas yahi, sunta hai  apne bandon bas yahi,  fir kisi ne kaha moorakh kahan dhoondta hai tu uss rab ko, wo na milege tujhe yaha waha kyon ki unka to hai aashiya gurudware ke chaubare pe, dekha maine ja kar jab waha na thi koi moorat aur na tha galiyaron ka sa soonapan waha, par jo dhoondne gaya main waha apne prabhu ko wo bhi na dikhe mujhe waha, maine puchha kahan hain prabhu yaha to kisi ne kaha ye hi to wo jagah  rahte hai duniye ke sachhe baadshah jahan, chalte chalte fir kisi ne mujhe pukaara aur kaha dhoondte ho tum uss duniya banane wale ko yaha waha wo to tujhe milege Girja(churcha) ke dwaare, ja dekh unhe tu, dhoond unhe waha tu, rahte hai prabhu waha, wahi tujhse honge wo ru-b-ru, jab maine Girja(Church) mein jaise hi kadam rakha main hua bhochakka, na mile waha prabhu aur na hua main unse waha ru-b-ru, dekha to ek moorat thi mohak si, dekh usse karte the naman sabhi, maine puchha kaha hai prabhu to kaha kisi ne kaha ye hi to hai wo duniya banane wale, dekh ye sab nazara maine ghar aane ka mann tha ab banaya, nahi mile prabhu mujhe iss duniya ki chaahar deewari mein, nahi rahte agar wo yaha to kaha milenge mujhe wo duniya banane wale, sochh sochh kar kadam badte the mere ja rahe tabhi kisi ki pukaar mujhe thi ab sunai dene lagi koi ajanabi swar tha mujhe nadi ki taraf se pukar raha , dekha jab maine uss oor  tha doob raha koi ajnabi uss behti dhaara ki oor jahan sunai de raha tha ye maanav dhwani ka shoor , dekh mujhe wo chilla kar paas bulane laga, chahiye thi ek madad kisi madadgaar ki usse, sab kuch bhool kar main ab usko bachane ke liye paani mein fri kood pada, nikaal usse jab nadiya se main baahar laaya dekha to aakash se dharti pe koi aakrati thi mujhe ab gherre huye, kahne lagi wo mujhe ab, teri talash ho gayi hai poori, teri jigyaasha ne mujhe fir se iss duniya mein la diya, mera vibhaajan karne wale se door tune aaj mujhe hai pa liya, maine puchha kaun hai aap wo aakrati kahne lagi main hoon teri abhilaasha ko trapt karne  wala, main hi hoon duniya ka nirmaan karne wala sirf teri achhai ke badle hi aaj mujhe yaha hai aana pada, tu dhoond raha tha mujhe yaha waha dekh apne dil ki gehrai mein waha milega tujhe wo duniya banane wala, waha dikhai dega tujhe wo mera aashiya, maine kaha par log to tujhe dhoondne jate hai jane kahan kahan par tum kahte ho tum rahte ho dil ke gehrai mein aur waha hai tumhra aashiya, to kahne laga wo duniya banane wala jo hai paapi wo hi dhoonte hai mujhe apne dil ko chhod kar yaha waha, par sachh to ye hi hai duniya ki naasvan bhotikta se door main to hoon har kahi aur har jagah, rahta hoon main to bas uss jagah jaha leta hai jo naam sachhe dil se mera main to hoon har uss jagah, main to hoon har uss jagah jahan pukara jata hai mujhe dil se har uss jagah, duniya ki banai kisi bhotikta mein nahi main to  hoon bas uss jagah jahan pukara jata hai dil se mujhe main to hoon har uss jagah, na dhoondna tum ab mujhe har jagah  jab chaahat kare mujhse milne ki dil ki gerai mein mujhe jhaank lena, lena naam mera sachhi bhaavna se aur karna sada aise hi nihswaarth upkaar har musibat se ghire huye prani ki tab tum sada rah sakoge mere apne kareeb, Prabhu milenge tumhe bas ab yahi aur har kahi… ”

meri zindagi ki shurat se le kar ant tak bas aap hi ho prabhu ji mere saath...

"meri zindagi ki ek nayi roshani ho aap, mere gamgin aankho ki khushi ho aap, mere rote huye chehre pe aayi muskan ho aap, mere sune jeevan mein aayi ek bahaar ho aap, mere tanha mann mein fir se aane wale navjivan ki aas ho aap, bhatkate huye jivan ki ek manzil ho aap, bhule huye har rishte ki pyas ho aap, dorahe pe khade chanchal mann k mere margdarshak ho aap, dishahin prakrati k meri sahi disha dikhane wale ho aap, papo k andhkar mei dubi hui meri sanso ko taarne wale ho aap, jhuth aur burai k bhavar me uljhi meri har dhadkan ko sahi rah dikhane wale ho aap, hai nhi aap iss duniya ki banai kisi roop ki diwar mein kyoki iss naasvan bhotik  jagat ki har khaami se dur rahte hai mere mann mandir mein bas aap, baste hain mere rag rag me sirf Prabhu ji aap, hey parmeshwar bas aap, meri zindagi ki shurat se le kar ant tak bas aap hi ho prabhu ji mere saath...  "

bhool ja ab usse-sad shayari



ye dil mera kise puraakrta hai, ae mere paagal mann tu kiski raah dekhta hai, jo dete rahe hai ab tak tujhe sirf gam aur aansu tu unhi ki raah kyon taakta hai, tujhe nahi hai pata iss sansaar ka zara bhi, tujhe nahi koi khabar iss duniya ki thodi bhi, log milte hai, ek rishta banaate hai, kuch unn rishton ko aaj ya kal mein tod jaate hai aur kuch unhe kuch aur pal tak nibhaate hain par ant mien anjaam to fir wo hi unhe chhod k jaana hi hota hai, ae mere paagal mann kuch to ab samajh tu bhi, jinki rakhi hui hai aas tune milne ki, hai jo tere mann ki gehrai mein ek wo ummid unka pyaar pane ki, tu jo sochta hai wo karte  tujhse hai pyaar, tujhe rakhenge apne dil mein aur denge har lamha khushiyon ki bahaar,

 to jaan le ae mere paagal mann wo na to kabhi karte the tujhse pyaar aur na kar sakenge kabhi tujhse pyaar, khushiyon ki bahaar to door tujhe sirf denge aansu aur gam beshumaar, tujhe ab tak lagta tha ki wo nahi hai auron jaise rishte bana kar unhe yu chhod kar jaane wale, par jaan le ae mere paagal mann hai to wo bhi ek saadharn insaan, wo kaise kar sakte hai maanav vayvhaar se khud ko alag, zazbaaton ko jaise insaan rondta hai apne matlab k liye perron tale waise hi unhone bhi teri har baat aur aur zazbaat ko kuchla hai perron tale, nahi tha unhe matlab tujhse aur teri baaton se, unhe jo tha matlab wo tha jo ek maanav ka apne vipreet k liye aaj tak, ae mere paagal mann isliye tujhse baar baar meri ye hi ek vinati hai bhool ja ab usse, bhool ja wo sab, bhool ja har pal jo jiya tha tune unke saath, chala tha kuch door tu bhi unke, kuch dekhe the sang unke khwaab tune, bhool ja ae mere paagal mann sab kuch tu bhool ja, aur agar na bhool saka tu usse, milega dard har pal tujhe, ruaalate rahenge har pal wo tujhe, aankhon se behati ye nadi ki dhaara na kabhi rukegi teri, inhe dekh kar humesha unke chehare pe muskurahat bhi bani rahegi,  har pal milegi sunapan aur tanhari tujhe unse, na ho sakegi fir kabhi iskee koi bharpai kabhi, 

isliye ae mere paagal mann  kisi k liye nahi tu apne liye sab kuch bhool ja, jeena seekh ja tu ab unke bina, rahna seekh ja tu ab unke bina, wo kaun sa door ja kar tujhse tujhe yaad karte honge, wo kaun sa tujhe waha par pukaarte honge, khush honge wo apne jeevan ki rang raliyon  mein waha fir tu kyon karta hai koi fikar unki, jaise wo khush hai tujhse door ja kar, tu bhi ab unke bin khush hone ki aadat bana le aur seekh ja bin unke khush rahna tu bhi, soch le tu bhi ae mere paaagal mann, ek na ek din to unhe tujhse door jana hi tha, wo tujhse door jaane ka ek aur kahar dhaate isse pahle hi tune unpe koi ek to sitam kiya, unse mile anek dard mein se koi ek to unhe diya, jo todte wo rishta tujhse na hota sahan tujhse, tune tod kar rishta ye ahsaan kiya hai khud pe, bas ek fariyaad hai ae mere paagal mann jaise tune tod diya hai rishta unse par saagar ki gehrai se bhi jyada jo tere mann ki gehrai hai usse bhi kar de juda ab usse, bhool ja ab usse, jee le apne liye, bhool ja ab usse ae mere paagal mann bhool ja ab usse bhula de ab usse.........


thanks & Regards
Archu