Monday 28 September 2015

ishwar vaani-103

Sadguru shri Archana Ji ke anusaar:

Priye paathakgan jaise ki aap sabhi prani jaati ke shareer ko panch tatvon se bana hua jaante hain (jal, prithvi arthaat mitti, agni, vaayu, aakash), ye satya bhi hai kintu kya aap apne shareer mein mauzood un panch tatvon ko pahchante hain? Aaj ham aapko un panch tatvon ke vishay mein aapko batate hai jinse is bhautik shareer ka nirman hua hai,


Sabse pahle Jo bhautik shareer ka aadhar hai wo hai JAL yani paani,
Bhautik shareer mein behta rakt evam vibhinn taral hi jo shareer mein vidhmaan hai JAL hai,

Bhautik shareer koshika, khaal, haddiya hi mitti hai,

Bhautik sharrer mein behti swaas hi vaayu hai,

Bhautik shareer ka taap hi agni hai,

Bhautik shareer ko sanchalit karne wali aatma athwa wo sookshm shareer hi aakash hai"

ishwar vaani-102

"aksar log devi-devta aur us parmeshwar ko ek hi maan lete hain kintu inme bhed hai,
devi-devta un tamam vikratiyo, buaraiyo, kamiyo se dur Jo Jan sadharan mein hoti hain unse dur hote hain, unka jeevan prani aur samaaj kalyan ke liye samarpit hota hai, unka janm hi iske liye hota hai, log unhe iske atirikt saint, mahatma, farista, saadhu jaise naamo se bhi pukarte hain, unki pavitrata ke karan hi ishwar ke behad karib hote hain, inki araadhna karne par ishwar prasann hote hain aur manoradh poorn karte hain jisse inka yash felta hai, kintu ye ishwar nahi kitu unke saman hi pujniye hain, moorti poojak inhi mein ishwar ke darshan kar inhe ishwar maan puja karta hai, ye galat to nahi hai kintu ye hi ishwar hain ye dharna galat hai,
ishwar to wo hai nirakar, nashwar, jatat aur prani ka malik, sabhi aatmao ka swami hone ke karan hi usse paramatma kaha jata hai. parmatma yani param aatma Jo param hai, pratham hai, aatmao ki janni hai, palak hai, wo hi parmatma hai,
devi-devta desh/kaal /paristithiyo ke anurup ishwar ka sahi aur sachha sandesh le ke aate rahe aur shrashti ko ishwar ki mahtta batlate rahe"

Wednesday 23 September 2015

mera bhajan- mere shyam

"Chidya chahaki har Kali Kali,
 Koyal kooki har gali gali,
Banke baawri main chali chali,
Aaj shyaam se mili mili,

Shyaam roop chaal hanswaali,
Dekh usse dilki kali khili khili,
Murat mohak Surat sawali sawali,
Dekh jise main na hili hili,

Mere prabhu shyaam sawale,
Unhi se nazre hain mili mili
Krishna ne jab hai bansi bajai,
Lok laz tyag Main daudi chali aayi,

Sun kar dhwani main muskai,
Har raag ragni se aaj mili mili,
Dekh apne sawale ko kuch na boli boli,
Sawle rang mein rang kar,
har sans shyam naam boli boli,

Chidiya chahki har Kali Kali
Koyal kooki har gali gali-3"



Saturday 19 September 2015

kavita- pahle nazre milti hain

"Pahle nazre milti hain,
fir dil dhadkta hai,

Fir aahe hoti hain,
badi becheni hoti hai,

Kisi ki yaad hoti hoti,
kisi ki chahat hoti hai,

Fir ikraar hota hai,
kisi se pyaar hota hai,

Kabhi ajnabi milte hain,
fir wo saath chale hain,

Kuch wo baat karte hain,
mulakat karte hain,

Apne zazbaat rakhte hain,
ye ahsaas rakhte hain,

Ishq ki baat karte hain,
mohabbat ki aas karte hain,

Zindagi ki baat karte hain,
umarbhar saath chalte hain,

Hamesha paas rahte hain,
Jo dilse pyaar karte hain,

Pahle nazre milti hain,
Fir dil dhadkta hai....- 4"






maine bhi kabhi pyaar kiya tha-geet

"Dheere dheere dil mera bhi bekarar hua tha,
Nazre mili thi kabhi, dil bhi ye tadpa tha,

Haan maine bhi kabhi pyaar kiya tha,
Muskura kar ye gunah ek baar kiya tha,

Kisi ke liye ye mann bechen ek baar hua tha,
Ek bewafa se mujhe bhi kabhi pyaar hua tha,

Samajh kar usse apni zindagi ye dil diya tha,
Haan maine bhi kabhi pyaar kiya tha,

Jod kar usse hi har khushi maine pyaar kiya tha,
Bas zindagi mein ye gunah ek baar kiya tha,

Haan maine bhi kabi pyaar kiya tha,
Muskura kar ye gunah ek baar kiya tha,

Dheere dheere dil mera bhi bekarar hua tha,
Nazre mili thi kabhi, dil bhi ye tadpa tha,

Haan Maine bhi kabhi pyaar kiya tha,
Muskura kar ye gunah ek baar kiya tha."


Monday 14 September 2015

meri shayri

"hain Jo raaz zahan mein unhe raaz rahne do,
hain zazbaat Jo dilme unhe tum sone do,
hai Jo jwalamukhi hriday ki is preda mein,
na chhedo isse na iska lawa tum bahne do"

"Boond boond tarsa hai man mohabbat ke liye,
Pal pal tadpa hai dil kisi ki chahat paane ke liye,
n roko mujhe mohabbat ki barish mein bhigne do,
Har din tarsa hai dil is barish mein bhigne ke liye"

"mehandi rachai mohabbat mein teri,
Bindiya lagai mohabbat mein teri,
Par tune ki bewagai chahat mein meri,
Zindagi gawayi mohabbat mein teri"

"Ishwar ka roop kabhi samjha tha mohabbat ko apni,
Duniya mein kya khub samjha tha mohabbat koapni,
Loot kar le gaya wo mere laboon se har khushi,
Ek Bewafa ko samajh liya tha mohabbat ko apni,"


ishwar vaani-101, viprit pratikul paristithyo ka maatvah

Ishwar kahte hain "yadi tumhe kayi mushkil aur viprit parishtithiyo ka samna karna pade, ek ke baad ek nayi mushkil apni baahe felaaye tumhara aalingan kare, tum ghabrao mat,

Ye hi mushkil aur viprit parishtithiya tumhe ek din shresht aur safal banayngi, har yug mein jitne bhi mahanayak huye in sabne aise hi anek viprit haalato ka na sirf saamna kiya apitu apne hausle se unme vijay paayi,

Hey manushyo isliye hey manushyo yadi tum ye dekho ki tumhare mitra ananat sukh bhog rahe hai, tamam aishvarya ki ki samagri ka WO upbhog kar rahe hai kintu tumhare paas aavshyakta ki cheezo ka bhi abhaaw hai, aise mein tum unse irshya mat rakhna, bhale apni vartman stithi par ahankaar kar WO tumse mitrata tod de athwa tumne unke bure wakt mein unka saath diya ye wo bhul jaye, kintu unhe agyani maan unpe crodh mat karna kyonki yadi WO agyani nahi hote to aisa vyavhar swam na karte,


Iske viprit apni pratikool parishtithyo ko ishwar Ji vishesh kripa maan kar haste huye isse sweekar kare kyonki ye jaan lo ishwar ne tumhe vishesh kaarya ke liye chuna hai, aur ye viprit pratikul halat isliye tumhe diye taki tum in kaaryo ko kar sako jinhe WO sukh bhogne wale nahi kar sakte,

Isliye dukh kasht aur sankat ki stithi mein ghabraye nahi apitu ishwar ko dhanyawad dein ki unhone tumhe iske kaabil samjha jaise ek eent ko mazbut banane ke liye usse aag mein pakaya jata hai waise hi ishwar manushya ko virit haalat dekar achhe wakt ke liye taiyar krta hai kintu yadi sukh mile zindagi mein to samjhna ishwar ne tumhe apne vishesh uddeshyo ke liye nahi chuna hai kitu agar zazba hai to apne poorva janmo ke karm anusaar samaj ke liye kuch kar sakte ho, kintu ahakar ki bhawana she nhi ishwar ki ichha maan kar samaj ke liye kaarya kare,


Tumhara kalyan ho.."





Wednesday 9 September 2015

pauranik katha

Bahut purani baat hai, ek Brahman tha Jo har roz nadi mein snaan karne jata uske baad apne aashram mein anya kaarya karta,

Kintu ek din usne dekha nadi mein ek bichhu doob raha hai, apne praan bachane hetu bilakh raha hai, Brahman ko taras as gaya. Usne us bichhu ko bahar nikala par jaise hi usne bahar nikala bichhu ne usse dank maar liya, Brahman dard se karahne laga aur usne bichhu ko nadi mein chhod diya. Bichhu fir tadapne laga Brahman ne fir usse nikal liya par jaise hi nikala usne fir dank maar diya,

Aisa kayi baar dohra, isse dekh Brahman ke sishya ne puchha guru dev ye bichhu baar baar aapko hani pahucha raha hai fir bhi aap iski jaan bachane ki koshish kyon or rahe hain, Brahman bola jab ye ek bichhu ho kar apni pravatti  dank marne ki nahi chhod sakta fir main manushya ho kar isse bachane ki pravtti kaise chhod sakta hoon..

chori chori-geet


"Chori chori chupke chupke jaadu kar gaya, 
neend le gaya mera chenn le gaya,-2

Dheere-dheere mere dime bas gaya,
Dil le gaya koi dil le gaya,-2

Jaane kaise kab uska jaadu chal gaya,
Holey holey mere dilme bas gaya,

Duniya se begani anjaani kar gaya,
Chupkse apni deewani kar gaya,

Chori chori chupke chupke jaadu kar gaya,
Neend le gaya mera chenn le gaya-,2

Kaise kab wo dhandan mein bas gaya,
Saanso se ho kar rooh mein aa gaya,

WO ajnabi jaane ye kya kar gaya,
Dil le gaya mera dil gaya,

Din raat khyaalo mein koi kyon aane laga,
Ye hasin khwaab koi dikhane laga,

Har pal chehra uska hi mujhe to dikhne laga,
Dur ho kar bhi paas mujhe wo to lagne laga,

Dheere dheere mujhe ye kya ho gaya,
Jaane kaise kab dil uska ho gaya,


Chori-chori chupke chupke jaadu kar gaya,
Neend le gaya mera chenn le gaya-3

Monday 7 September 2015

dil mein hai Hindustan


Ye lines un logo ke liye hai ya kahe un logo ke dil ki awaz hai jinki shadi bharat ya pak mein mulko ki deewar tod kar Ki jaati hai, par jab unse kisi ek mulk ko chunne ke liye kaha jaata hai tab unke dilme kya uthal puthal hoti h kise dost kahe kise dushman




"dil mein hai hindustan dhadkan mein pakistan, saans mein hai hindustan rag rag mein pakistan, zindagi hai hindustan rooh mein pakistan, kise dost kahu kise dushman, aankho mein hai Hindustan nazro mein Pakistan"

Sunday 6 September 2015

meri shayri

"aa teri zindagi mein khushya hazar bhar du, Teri zindagi se har gam dur main kar du,
tere laboon par mushkan hazar kar du,
aa mere paas har dard se tujhe juda main kar du"



"Is hawa ke jhoke mein tum ho,
In fazao ki khushbu mein tum ho,
Jhup gaye ho in badlo mein kahi,
Falak ke har sitare mein tum ho"


"Mohabbat karna to aaya unhe,
Mohabbat nibha na sake WO,
Dil lagana to aaya unhe,
Dhadkano mein basa na sake WO"


"Mere har ahsaas mein tum ho,
Mere har zazbaat mein tum ho,
Door  raho chaahe jitna mujhse,
Meri har saans mein tum ho "

pauranik katha-12, pluto aur bali

Ek baar Athens ke varshik mahotsav me Pluto ko Jane ka avsar mila. Lekin waha ja kar Jo usne dekha use dekh kar bada dukhi hua. Log aastha k naam par nirih pashuo ki berahmi se hatya kar rahe the aur unke tadap-2 k pran tyagne par nach ga kar khushi manaa rahe the,

Ye sab dekh Pluto beech me hi isse chhod kar Jane lage tabhi kisi ne puchha kya hua, aap q ja rahe h, abhi to karyakram baaki h, abi aapko b ye hi krna h, aapko hmare devta ko Bali deni h,

Iske baad Pluto k liye Bali k liye bakra laya gaya, lekin Pluto ne use alag hata kar zamin par mitti ka bakra banya aur uski devta k samaksh Bali di,

Ye dekh kar athens k log bahut naraz huye, isse apne devta ka apman kahne lage, tab Pluto ne kaha Jo aisa Bali k naam par in nirih pashuo ki Bali dete h WO iske saath insaniyat ki b Bali dete h, ye sun kar waha k log bole ye pratha hmne nai hmare bujurgo ne chalai h, kya WO murkh the Jo ye ptatha chalai,

Pluto bole jisne b chalai ye pratha. Usne iske sath manavta aur uske gun ki hatya ki, manav ka GUn h daya Jo nirih pashuo ko bhakti k naam par bejan ishwar k samne jeete jagte pashu ki hatya kar de, WO insaan nahi. Usne puri tarah insaniyat ki hatya kar di h,

Iske baad puto bole tumhara ishwar nirjiv h uske liye jeete jaagte jeev ki hatya nai apitu maati k bane is nirjiv bakre ki Bali hi kaafi h, ye sun kar athens k log pluto se bahut prabhavit huge.
.

Note: aisa ham sabko karna chahiye, ishwar ko aage kar is prakar pashuo ki nirmam hatya par ROK lagni chahiye..

Amen




Wednesday 2 September 2015

chhod aayi piya ki gali- aadhunik bahu par aadharit kavita

"Laaz sharm sab tyaag kar chhod aayi piya ki gali,
Wo laal chunar tyaag kar chhod aayi piya ki gali,

Tod ke khwaab sasural ke main to mayike chali ayi,
Kara ke vidayi sathiya ki chhod aayi piya ki gali,

Wo purane rashmo-riwaz saas-sasur ke charan,
Tod ke bandhan riwaazo ke chhod aayi piya ki gali,

Sujhaw unke na bhate lagte hardam kateele kaate,
Bhula ke un rishto ko chhod aayi piya ki gali,

Nanad ki baat tana lagti dewar ki baat besura gana,
Chubhti un aawazo ko tyaag chhod aayi piya ki gali,

Banati roti sewa karti par dhan daulat se haari main,
Kyon muft mein kaam karu chhod aayi piya ki gali,

Ma ki gaali pyaari lagti bhai ke bol suhaane lagte,
Thukra ke sasural ki seedi chhod aayi piya ki gali,

Bani dulhan waha ki doolhe ko Vida kara laayi,
Ghodi chade sanam le use chhod aayi piya ki gali,

Sapne jaane kitne toot kar bikhar gaye mere,
Ban kar sangini sanam ki chhod aayi piya ki gali

Rishta bana piya ka apno se juda use kar layi,
Maiyke na tyaga maine chhod aayi piya ki gali,

Sasural ko apnana na sikhaya ma ne bani ladli,
Le sang sanam ko chhod aayi piya ki gali,

Ma meri durga jagdamba bhai Ram Bharat milap,
Saas lage dushman mujhe chhod aayi piya ki gali,

Sasur dushmano ka sardar dewar lage dhokhebaz,
Mat-pita bhai bhale lage mere chhod aayi piya ki gali,

Nanad ko dekhte hi jalne lage dil aankh se aaye pani,
Main dulari sajan ki sath uske chhod aayi piya ki gali,

Naye rishte daste mujhko main bhookhi dhanki naari,
Daulat mein na tola mujhko jo chhod aayi piya ki gali,

Har roz naye gahne kapde roz chhappn bhog mile,
Ho dhan-daulat ka saath sada chhod aayi piya ki gali,

Mile dikbar ya rahe juda dil ko khwaish nahi kisiki,
Apni chaahato ki hi khaatir chhod aayi piya ki gali,

Toote dil kisi ka ya toote ghar ab chaahe,
Har rishto ko tyaag kar chhod aayi piya ki gali"







ateet ka tarana bahut yaad aata hai

"Ateet ka tarana bahut yaad aata hai,
Ghar wo purana bahut yaad aata hai,

Wo gaaw se shahar tak mitti ka rasta,
Raaho pe daudna bahut yaad aata hai,

Karachi ke in jharokho se unka jhakna,
Wo hasin chehra bahut yaad aata hai,

Lahore ki fizao mein unka gungunana,
Unki awaz ka jadu bahut yaad aata hai,

Salma ka Seeta sang Ram leela jana,
Sath yu nibhana bahut yaad aata hai,

Ram ka Rahim ko bhai kah kar bulana,
Hind hai ham bahut yaad aata hai,

Ghar wo purana maati ka aashiyanaa,
Ruksana ka aana bahut yaad aata hai,

WO aam ka pedd wo bagiya mein Jana,
huddang machana bahut yaad aata hai,

Sookhe patto par karr karr karte chalna,
Fasaado pe hasna bahut yaad aata hai,

Pandit ka mulla sang ek saath chalna,
Mohlle par btiiyana bahut yaad aata hai

Batwaare ne baat diye masjid gurdware,
Sang tyohar mnana bahut yaad aata hai,

Wo aam ki bagiya amrood ki daliyaa,
Amiya churana bahut yaad aata hai,

Bharat ke veer hain ham ye batlana,
Beeta wo zamana bahut yaad aata hai,

Ateet ka tarana bahut yaad aata hai,
Ghar wo purana bahut yaad aata hai"