Sunday 28 February 2016

for my sweet baby

"Aa tere kadmo mein do zahan main rakh du,   

                            aa tere naam apni ye jaan main kar du,  

     muskurata rahe tu  sada yuhi 'gulab' ki tarah,

      teri ik hassi par khudko kurban main kar du"

Friday 26 February 2016

meethi-khushi

"Dard bewafai ka aur ab sahaa nahi jaata,
tere bin akele aur ab rahaa nahi jaata,
tod diya waada Jo tumne kiya tha kabhi,
'Meethi' ko 'khushi' se yu juda kiya nahi jata"


"Sab hain saath mere bas Teri hi kami hai,
sab hain paas mere bas ankho mein nami hai,
hai duniya ki bheed mein kitni tanha ye 'meethi',
'Khushi' ke bina na aasma na ye zamin hai"

Tuesday 23 February 2016

shri ram tumhi ho

"Meri to har shaam tumhi ho,
Mere to ghanshyam tumhi ho,

Mera to hai ye maan tumhi se,
Mera to har samman tumhi ho,

Mere har armaan tumhi se,
Meri to har shaan tumhi ho,

Meri hai ye pahchan tumhi se,
Mera dil aur ye jaan tumhi ho,

Mere dilki ye dhadkan tumhi se,
Mere to bas shri ram tumhi ho''

Monday 22 February 2016

ishwar vaani-126, ishwar aur devta

Ishwar kahte hain "hey manushyo tum moorti puja karte ho karo, kyonki ye tumhe mujh tak pahuchane ka maarg hai, kintu ye jaan lo jinki tum upaasna kar rahe ho WO ishwar nahi devta athwa bhagwan hai,

Bhagwan WO hota hai jisne kisi samaaj ke kalyan hetu swam kasht sah kar samaaj ka uthhan kiya ho tatha prem days sahanubhooti ke saath netikta ka bhi jisne pura dhyaan rakha ho,

Ek devta athwa bhagwan ko sharir dhaaran evam nishchit samay baad tyagna padta hai kintu ishwar na janm lete na mrityu paate hai jabki bhagwan ki aatma mujhse aagya le naye kaarya ki purti hetu nikal jaati hai'

ishwar vaani125-aadhyatm kya hai_?

Ishwar kahte hain "hey manushyo main tumhe aaj aadhyatm shabd ke vishay mein batata hoon, aadhyatm shabd ka arth hai aatma dwaara parmatma aur uske divya evam param satya ke gyaan ka adhyan, aisa gyaan Jo ved aur saashto se bhi aaj kahi chhooth gaya hai, aisa param satya ka gyaan hi aadhyatm hai'

Ishwar aage kahte hain "chooki anek ved puraan likhne walo ko aadhyatm ki anubhuti hui aur unhone apne anubhav evam baate isme likhi kintu sadaa hi desh kaal aur paristithi ke anusaar isme pariwartan hota rahta hai, kintu jisko bhi aadhyatm ka gyaan athwa bodh hua hai WO iska prachaar prasaar karre taaki iske gyaan ki roshni se ek uchh samaj ka nirman ho sake"


ishwar vaani-124, shakti ka swaroop

Ishwar khte hain "hey manushyo you to main ajanma aur niralar hoon, na main paida  hua aur na hi mrityu mujhe aayegi,

Maine hi shrishti nirman hetu tridev (desh/kaal/paristithi ke anurup bhinn naam se log unhe jante hai) ko banaya evam unki sahayta hetu trideviyo ko banaya, tridevi yaani shakti,

Hey manushyu deviyo ka shrishti nirman mein sahyog tumhe anek baat sikhata hai, sabse pahle koi bhi purush stree ke bina adhoora, ye stree kisi bhi roop mein kyon na ho usse poorn banati hai ek stree sadaa hi shakti ka roop rahi hai, jiv ke janm ka aadhar rahi hai, bade she bade shaktishali log bina stree ke sansaar mein aa hi nahi sakte,

Log kanya pujan karte hai unhe mata yani shakti maan kar kintu unhi ke saath agle pal vyabhichar bhi karte hai,

Hey nirlajj manushyo ye na bhoolo tumhare bheetar bhi ek stree tatva virajit hai WO hai tumhari shakti, ek stree ko hi maine santaan janne ka adhikaar diya taaki jab ko kisi stree ya purush ko janm de to ek hissa stree tatva ka sadaa usme samahit rahe, ek purush chahe khud ko kitna hi stree se door rakhe ya durbhaawna rakhe kintu apne andar shakti roopi stree tatva ko WO kaise mitaa sakta hai, athwaa uspar kaise kudrishti daal sakta hai, kyonki agar usne aisa kiya to uska ant turant ho jayga,

Hey moorkh manushyo is prakaar anya stree ke vishay mein bura karne athwa vyabhichar karne se pahle apne andar ke us stree tatva ke vishay mein avashya vichar kar lena, kyoki Jo apne bheetar ki stree ko samman dega WO anya stree ko bhi dega, aur Jo stree ko samman dega WO mujhe maan de meri kripa paayega"








Saturday 20 February 2016

kavita-yu aise mile

"duniya Ki mehfil mein ham yu aise mile,
banzar si zamin par jaise gul ho khile,
behte akele dariya sa jivan tha hamara,
nadiyo ki do dhaar jaise aaj ye dil mile

Apne milan se shuru huye ye fir silsile,
Na rahe dil mein koi shikwe aur ye gile,
Har baat bhula karib aaye yu ham aise,
Mit gayi har duri aur dilo ke ye faasle"

ishwar vaani-123, ishwar jivito ke hai

Ishwar kahte hain "hey manushyo main kewal jivito ka hoon, jivito ka hi udhhar karta hu, jivit hi mujhse shatruta aur mitrata rakhte hai, jivit hi meri aaradhna upasna karte hai, isliye main sirf jivito ka hoon,

Hey manushyu tum deh ke moh mein ulajh kar bhautik sharir se kisi ke jivit hone aur na hone ka anumaan lagate ho, jabki Jo bhautik hai uska naash hoga hi, kintu mritu nahi kisi jiv ki hogi, tum baadan ho isliye shok karte ho ki tumhara priye ab nahi raha, kintu satya to ye hai wo kisi dusri yaatra par chal pada,

Hey manushyo na bhoolo ye aatma aur tumhara shookshm sharir kabhi na mine wala hai, jis din ye mit jayega uss din sachh mein tumhe mrityu prapt hogi, kintu ye brahmand ke mitne ke baad bhi nahi mitega apitu nayi shrishti mein fir bhautik roop le kar janm lenge, kintu tab tak ye mere paas mere priye ban kar rahenge,

Hey manushyon jo meri aagya par chalega wo ananat sukh bhogega kintu Jo iska ulanghan karega ananat dukh paayega, hey manushyo Jo vyakti sochte hai deh tyaag kar wo mrityu ko prapt kar lenge kintu ye asatya hai, wo naye jivan mein pravesh karte hai, kintu jivan chakra se mukti nahi pa sakte,

Kayi janm aise hai jeev aatma ko shookshm sharir ke saath tab tak jina padta hai jab tak deh na mil jaaye,
 Kuntu jivan chakra se mukti nahi milti,

Hey manushyo Jo kisi ki hatya kar khush hote hai unka khush hona vyarth hai, wo maatra sharir ko haani paucha sakte hai Jo bhautik hai kintu shookshm sharir ko nahi, kintu aisa kar khud ke karm avashya kharab karte hain"

Friday 19 February 2016

aadhunik bahu par rachna

"Bani malkin tode khaat bahu aaj din raat,
Saas karti kaam aaj garmi ho ya barsat,

Ban mahaarani ab wo Bas hukum sunaati,

Aankh dikhati, aise daarati, dandti binbaat,

Bhukhi pyasi kolhu bana saas se kam karati,

baasi roti de bahu roz sunati sau sau baat,

Sunati sau sau baat, bilkhati saas na bhati,

Kar bahane gaali deti, maarti ghoose laat,

Dekhti ye nazara 'Meethi' 'Khushi' se kahti,
Nahi karti samman bado ka kya unki aukat,

Ladti jhagdti aaj bahu, bewazah jise satati,

Milti zindagi mein usse bhi fir yahi saugat,


Bani malkin tode khaat bahu aaj din raat,
Saas karti kaam aaj garmi ho ya barsat-2"


meethi khushi

"Tumse pyara kaun hai ae meri zindagi,
ik tumhi to ho mere hamnashinn,
 chhoothe na fir kabhi saath tumhara,
tumse hi to hai ye tumhari 'Meethi-Khushi"

Thursday 18 February 2016

for my babies-happy, sweety, micky

"din beete, mahine beete, beet gaye saalo saal,
teri mohabbat mein meri jaan hua mera aisa haal,
tu kya jaane o jaane wale pichhe tere kaise jiye ham,
judai teri sah na sake ham Jo huye aise yuh  behaal"
                               miss my babies


"meri yaado mein tumhi rahte ho,
meri baaton mein tumhi hote ho,
chale gaye mujhe tanha karke tum,

mere khyalato mein tumhi to rahte 

kavita-prem ka geet

kavita

"prem ka ye geet gaaya hai maine,
tujhe apna meet banaya hai maine,
bana dhadkan dilme chhipa le mujhe,
in baharon mein preet paya hai maine,

in fizaaon se tujhe churaya hai maine,
man mandir mein tujhe basaya hai Maine,
rag rag mein rahta hai tu zindagi ban kar,
apni saanso mein tujhe samaya hai maine,


jaane kitni ibadat se paaya hai tujhe maine,
laakho duaao se paaya hai tujhe maine,
dosto ki kya dushmano ki fariyad rab ne suni,
tab apne nasib se paaya hai tujhe maine,

tere liye har geet likha hai maine,
prem ka sangit sunaya hai maine,
Meri har gazal aur nazm tumhi ho  
Tujhe apna meet banaya hai maine"

Wednesday 17 February 2016

akhand vishwa ka nirman-kavita

"Aao manav dharm ka nimaan kare ham,
Mil kar akhand vishwa ki neev rakhe ham,

Na koi hindu na koi Muslim, mazhab se dur,
Aao akhand vishwa ki jyoot aaj jalaye ham

Bahut rahe khando mein, Ji liye dango mein, 
Aao milkar fir navyug ka nirman kare ham,

Shaanti aur prem ka uphaar aao baate ham,
Aao milkar akhand vishwa ka dhyaan kare ham,

Ekta aur akhandta ki ek fir misaal bane ham,
Aao milkar akhand vishwa ki neev rakhe ham"

       

us bewafa ki yaad- kavita

'Us bewafa ki yaad  bahut aati hai,
Us bewafa ki yaad bahut tadpati hai,

Kasur uska nahi mera hi to hai shayad,
Soch kar bas ye baat aankh bhigi jaati hai,

Umar bhar ka ye rishta jise kahta tha Jo,
Toote huye rishte ki peer badi satati hai,

Khushi ki ik bas chahat sang jiske ki thi,
Ussi ki bewafai bahut mujhe rulati hai,

Tod kar har rishta chala gaya dur mujhse,
Aaj akele is jivan ki tanhai khaaye jaati hai,

Behate hain ye ashq mere banke dhaar,
Rote huye is dil se bas ek aah nikal aati hai,


Us bewafa ki yaad  bahut aati hai,
Us bewafa ki yaad bahut tadpati hai,-2'

Monday 15 February 2016

prem ka sahi matlab-kahani

"Happy Valentine day kavita" ye kahte huye saarthak  ne ek bada sa gift ka dabbba aur phoolo ka badaa sa guldasta Kavita ko dete huye kaha, kavita isse dekh bahut khush hui aur boli 'thanks', par agle hi pal boli tum mummy-papa, mukesh bhaiya renu bhabhi aur divya didi ko kya gift de rahe ho aaj,
Ye sun kar Sarthak bola "dear bholi kavita aaj premiyo ka din hai pariwar ka din nahi hai Jo sabko gift deta firu aur na hi janmdin hai kisi ka, isliye aaj ka din tumhare naam aur ye gift sirf tumhare naam, i love you kavita so much",
Kuch derr sochne me baad kavita boli "hamari shaadi ko kitna mahina ho gaya hai?", saarthak "11 mahine my dear", kavita fir boli "tum kitne saal se apne mata pita bhai bahan ke saath ho?", saarthak "main janm se unke saath hoon, main 30 saal ka hoo.n aur tabhi se unke saath hoon, par tum kyon ye puchh rahi ho?",
Kavita "agar main unme se jinke saath tumne itne saal bitaaye hai  unme aur mujhe kisi ek ko chunne ko du to kise chunoge??", saarthak "ye kaisa sawal hai, main kisi ek ko nahi chun sakta", kavita"par kyon, kya tum mujhse prem nahi karte, agar karte ho to mujhe chunne mein kya dikkat hai?", saarthak" haan main tumse bahut prem karta hoon par itna hi unse bhi karta hoon, main kisi ek ko nahi chun sakta, apne pariwaar ko nahi baat sakta",
Kavita "fir Valentine day ka gift mere liye laana bekar hai, ye tumhe un sabke liye Lena chahiye jinse tum sachha pyaar karte ho, aur pyaar pure pariwaar se barabar hi kiya jaata hai, isme bhed bhaaw ki gunjaish nahi hoti, aur rahi baat patni ko khaas mehsoos karane ki to karwa chauth ka din hai, jab patni pati ke liye vrat rakh usse khaas banati hai, par aaj ka din pati patni ka nahi balki pure pariwar aur apno ko prem de unhe khaas aur mahatwapurnmahatwapurn mehsoos  karane ka din hai, jisme mata-pita bhai-bahan, pati patni, dadi Dada Nana nani sabhi shamil hote hai, aakhir pati aur patni hi pariwar nahi hote, pariwar sabhiko mila kar banta hai, aur ye din pariwar ko jod unhe khaas mehsus karane ka din hai",
Saarthak "tumne meri aankhe khol di, aage se iska main khyaal rakhuga, ab main jaata hoon thik hai, koi puchhe to kahna bazaar gaya hoon", kavita "bazar kyon jaa rahe ho?", saarthak "sabke liye uphaar lene", kavita "thaharo maine pahle hi sabke liye uphaar le liye hai, chalo mil kar dete hai aur wish sabko wish karte hai", saarthak "haan kavita iske saath sabko prem ki sahi seekh sabko dete hain"
Is tarah saarthak aur kavita ne sabko Valentine day par gift de unke chehre khila diye, saarthak ke bade bhai bhaabhi jinhone kabhi is din kisi ko koi uphaar nahi diya tha unse isse le kar sharminda huye aur bole "prem ka sahi MATLAB tumse aaj hamne jaana hai, Jo pure pariwar ko ek banaye wohi sachha prem hai, ishwar har ghar mein aisi soch wale pati patni de"

Tuesday 9 February 2016

aa paas mere- kavita

"As paas mere ye ailaan main aaj kar du,
Apni har khushi aaj main tere naam kar du,
Rahe sadaa baahon mein meri yu hi tu,
Aa paas mere ye dua rabse main aaj kar du,

Teri ik muskaan pe jaan ye nisaar main kar du,
Le apni baho mein tujhe izhaar aaj main kar du,
Muskurata rahe sadaa tu phoolo ki tarah yu hi,
Aa paas mere aisa pyaar tujhse main aaj kar du,

Apne dil ke tukde se hi dil ki baat main kah du,
Tham kar haath tumhara tujhe apna main kar du,
Judai ek pal ki sahi jaati nahi tujhse meri to aur ab,
Karib aa mere ye jaan apni main tere naam likh du"

Monday 8 February 2016

kavita-'banjar hai zindagi'

"Banjar hai zindagi bas thakna mana hai,
Kisi ko ab to yaha apna kahna mana hai,

Kaatni hai zindagi akele aur tanhai mein,
Bas kisi se ab to dil lagana mana hai,

Umago se bhari hai zindagi bahut meri,
Rango se bharna isse ab to mana hai,

Thokare lagi hame anek uth kar fir chale,
Ab un raaston par chalna fir mana hai,

Kaanto se bhari har rahe hai teri 'Meethi',
'Khushi' ke bina yaha fir aana mana hai,

Banjar hai zindagi bas thakna mana hai,
Kisi ko ab to yaha apna kahna mana hai"

kavita"Ban kar suman ghar mehkati ho tum,

"Ban kar suman ghar mehkati ho tum,
Fir wo hi gazal gugunati ho tum,

Bas apne milan ka hai ek tarana yaha,
Bana kar  geet usse  sunati ho tum,

Kaise uljha teri julfon ke saaye mein tha,
Sabhi ko ye kisse batati ho tum,

Bana hoon tera diwana meri mehbooba,
Ban kar nazm zuba pe aati ho tum,

hoon sangeet tumhara tum sargam meri,
Bas yahi nagme gaati ho tum,

Main hoon chaand chakor sirf ab tumhara,
Ban chandni ghar chamkati ho tum,

Ban kar suman ghar mehkati ho tum,
Fir wo hi gazal gugunati ho tum"

Saturday 6 February 2016

ishwar vaani-122, ishwariye shiksha

'ishwar kahte hain, "hey dharmavlambi manushyon tumne mere gyaan aur shiksha ko apne swaarth ke mutabik badal diya hai evam uski hi shikshha ka prachaar prasaar tumne kiya hai aur kar rahe ho, iska dand nishchay hi tumhe milega, janm janmo tak iska dand tum bhogoge".

Friday 5 February 2016

ishwar vaani-121, ishwar ko arpan karo apna dhan

Ishwar kahte hain "hey maanavo tum mere paas aao meri aradhna karo, tum tujhe daan do yadi tum dena chahate ho, kintu mujhe tum apna arjit wo dhan do Jo tumne apne karmo se kamaya hai,

Yadhhapi ye bhautik sharir, swaasthya, ghar makan, sampatti, khet khalihan, rupaye paise tumhe lagta hai tumne kamaya hai, hey maanavo tum is kaabil bhi nahi meri ichha ke virudh vivah ke liye uchit saathi bhi pa sako, meri ichha ke virudhh janm le bhi sako evam saans bhi le sako,

Hey manushyo ye sab Maine hi tumhare issi janm evam pichhle janmo ke karm anusaar diya hai, karm anusaar hi ek baalak jhopdi mein paida hota hai to ek baalak mahal mein, karm anusaar hi jhopadi mein janm lene wala mahal mein palta hai to ek mahal ka janma jhopde mein,

Hey maanvo tumne abhi tak apna apne karmo se kya kamaya hai, Jo kamaya hai mujhe wo do, hey manushyo tumne kewal paap hi kamaya hai, tumhe bhale lagta hai ki maine kya gunah ya paap kiya, kintu jaane anjaane tum kitne hi nirdosh jivo ki hatya kar dete ho tumhe pata bhi nahi chalta, kab kisi nirdosh ka dil dukha dete ho, jaane kitne hi paap hai tum har roz karte ho,

Hey manushyo isliye tum mujhe apni burai de do badle mein main tumhe pavitrata dunga, main us peepal ke pedd ke samaan hoon jise jitni kharab vaayu jivan ghatak vaayu di jaaye kintu sada wo jivan daayak hi vaayu deta hai, isliye jitni tum mujhe apni burai doge tum paap mukt hoge"

Wednesday 3 February 2016

betiya

"ishwar ka aashirwad hoti hain betiyaa,
na koi avsaad deti hain betiyaa,
kar deti hain har mod pe kurban zindagi,
fir bhi bhed-bhaaw ka shikar hoti hain betiyaa"

Phool nahi khushoo hoti hain betiya,
Kyon itni mazbur hoti hain betiya,
Mehkati hai ghar aagan ko sadaa year,
Fir bhi barabari ke hak se dur hoti hai betiya,

ishwar vaani-120, aatma se prem

Ishwar kahte hain "hey manushyo tum kabhi kisi jeev ke saath durvyavhaar mat karo, na hi manav mein bhed bhaaw rakho,

Hey manushyo sabhi praniyon ko unki dehh dekh kar nahi kewal aatma samajh kar samman karo, kyonki dehh to mithhya hai aur aatma satya hai, isliye na to dehh ka abhiman karo aur na kisi ki deh ka tiraskar,

Jaise JAL (paani) jis bartan mein daal jama diya jaata hai waisa hi barf ka roop WO le leta hai, waise hi ye aatma hai, Jo us JAL ke saman hai sharir us bartan ke saman aur karm us Jami hui barf ke saman,

Jaise JAL (paani) us bartan mein jam kar ussi aakar ki barf ban gaya kintu isse iska mool tatwa arthaat paani tatwa nasht to nahi hua, aadhar to wahi raha, waise hi aatma chahe jis roop mein rahe, sharir mutabik karm kare kintu rahegi to wahi aatma,

Isliye pratek jeev ki aatma se prem kaho, sabhi ko aatma maano, jab bhi milo kisi se usse aatma hi kaho, aisa isliye bhi aavshyak hai aatma amar hai, yadi ham kisi se aatmik prem karte hai to tumhara priye sadda tumhare saath rahega kintu dehh se prem ek din usse juda kar dega,

Hey manushyo isliye na to jeebh ke swaad ke liye kisi jiv ki hatya karo na kisi ka shoshan, sabhi ko aatma kah prem karo, meri drishti mein sabhi jiv barabàr hai, main shoshan nahi karta kisi ka fir tum kaun hote ho aisa karne wale,

Hey manusyo ye yaad rahe aaj tum jiska bura kar rahe ho bhale is janm mein tumhe tumhare pichhle karm anusaar adhik na bhogna pade par aane wale aur janmo mein uchid dand milega, isliye meri har rachna ki raksha karo, sabhhi jivo se prem karo"

Tuesday 2 February 2016

ishwar vaani-119, saint, sanyasi ka dharm

Ishwar vaani-119

Ishwar kahte hain "ek saint aur sanyasi ke liye jaati/dharm/sampradaaye mahatwa nahi rakhta kyonki ye sab maanav nirmit vyavastha hai, aur ek sachha saint aur sanyaasi manav nirtmit vyvastha se dur kewal ishwar ki vyavastha ko sweekar karta hai,



Uske liye smpurn vishwa hi uska ghar hai, samast jiv jantu hi uska pariwar hai, yadi koi saint ya sanyaasi vishesh jaati ya dharm ka gungaan kare to samajh Lena WO pakhandi hai, kyonki wo manviye vyavstha par chal raha hai, aisi vyavastha Jo manav ko manav se ladwati hai, unka dohan shoshan karwati hai, ye yaad rakhna sansaar mein kewal mein hi satya hoon, isliye meri vyavsth aur mera hi naam hi satya hai, jaati/dharm/sampradaye sab desh/kaal/paristithyo ke anusar bane waha ki riti aur kuriti ke anusaar, isliye na koi dharm kam hai na jyada, sirf khud ko shresth batana murkhta hai kyonki mujhse shreshth koi nahi,


Dusri taraf jo log khud ko sanyasi kah saint kah kewal maanav ko mahatwa dete hai, athwa unkee sanstha par chalne walo ko hi hi mahatwa dete hai, WO pakhandi hai, WO manav ko aur apni in sansthao par yakin karne walon ko mahatwa dete hai kyonki wo unke pakhand ki kamayi ka shrot hotte hai,


Ek sachhe saint aur sanyasi ko isse koi matlab nahi hota unki drishti mein sab samaan hai, chahe koi unpe aastha rakhe ya na rakhe, unhe dhan aur tadak-bhadak ka lobh nahi, sadgi hi unki sarlta hi sabhi jivo par daya hi unki pehchan hai"

ishwar vaani-118, ishwar ki prapti

Ishwar kahte hain "hey manushyo main aaj tumhe grahsth jivan netikta aur sanyaas ke vishay mein jankari deta hoon,

Gharasth jivan evam vivah samaj vishesh roop se manav samaj ko aage badane ke llye aavshyak hai, kintu anya jivo mein vivah nahi hote kintu samaj to unka bhi badta hai ye tark bahut se log dete hai aur kahte hai ki manav ke liye hi vivah bandhan kyon??

Iska uttar hai unke samaj mein roodiya aur riti riwaz nahi hote iske saath WO kisi se kisi bhiprakar se anetik sambandh nahi banate, aisa kewal manushya hi karte hai aur vyabhichaar felaate hai, isse rokne ke liye vivah naamak evam grahsthi naamak vyavstha ko laagu kiya gaya hai,

Yadhhpi samast brahmand evam praani jagat ki utpatti hetu sabhi jivo mein stree-purush milan aavshyak hai kintu maanav jaati ke liye vishesh niyam hai jinka usse palan karna chahiye,

Iske saath hi yadi koi vyakti kisi ko kudrashti se dekh le athwa vichar bhi main le aaye, ye bhi vyabhichar karne ke barabar hai, aur ek vyabhichari ko chhama kewal wohi kar Sakta hai jiske saath usne vyabhichar kiya hai,

Ab baat aati hai sanyasi ki, ek sanyasi ko jagat ki utpatti karne se koi matlab nahi kintu samaj ke kalyan hetu evam manav ko vyabhichar se door rakhne hetu avashya salagn rahta hai,


Iske saath hi kaliyug mein saadhu/saint/sanyasi ke roop mein anek aise log huye hai aur ho rahe hai Jo tumhe bargala kar, udhhar ke naam par brahmcharya ka palan karne ko kahte hai, hey manushyo main tumse kahta hoon kewal kisi ke behkaawe mein as kar na sanyaas lo aur na brahmcharya ka palan karo, Jo tumse aisa karne ko kahte hai WO kitne bade brahmchari aur sanyasi hai pahle ye pata karo, aadhunik samay mein yahi log vyabhichar fela rahe hai, khud ko saadhu/saint/sanyasi kah dhan arjit Marne mein  lage hai, isliye inse savdhan raho,

Mere bataye marg path par chalo aur apna udhhar karo, yadi tumse kahe koi grahasth jivan tyaag sanyaas le lo to sabse pahle apne kartavyo ke baare mein sochna fir mera smaran karna, main tumhe Jo aagya du uska palan karna tabhi tum mujhe pa sakoge anyatha nahi saath hi dharm ke in paakhandiyo se dur rah tamam chamak damak tyaag kewal saadgi se evam balak saman maasoom ho kar mujhe tum pa sakte ho yadhpi tum grahsth ho, saadhu/saint/sanyasi hi kyon na ho par vyabhichari na ho''





ek ajib si khamosi

"ek ajib si khamosi hai chehre pe tumhare,
aakhir kyon maahusi hai chehre pe tumhare,
hai dard koi ya gam is dilme chhipa shayad,
Saaf jhalkti hai ye udasi chehre se tumhare"

"Jara mud kar to dekh mere meet ye hasin nazare,
Kabhi yaha huye the tum to bas sirf pritam hamare,
Aaj chhudaa kar baahe dur chale gaye hamse tum,
Kaise gi sakenge aur ham akele tanha bin tumhare",

"Chalte-chalte baith gaye ham yu hi dariya kinare,
Kaise ye chhin gaye mujhse mere jine ke sahare,
Kabhi mehkti thi Meethi-Khushi in laboon par yaha,
Aaj akele hai zaha mein bilkul tanha aur thake hare'