Saturday 31 October 2015

nafarat ki aag.....

"Nafarat ki aag mein aaj ye jal raha insaan hai,

Baha rakt nirdosho ka ye duniya desh mahan hai,


Jaati-dharm se naata jinka iska hi ye parinam hai,

Dwand ki is agni mein duniya bani shamshan hai,


Behte ashko ki peeda na puchhe koi ab to yaha,

Rote-bilakhte mazloomo ka hi ab to ye zahan hai,


Mar chuki insaaniyat yaha chhayi to shetaniat hai,

Hridayhin is duniya ka aaj devta hi bana shetan hai,


Kabhi zindagi bhi mahakti thi yaha gulshan mein,

Aaj dikhte nahi yaha aise kahi wo nishaan hai, 


Lut rahi khushi kahi to lut rahi yaha insaaniyat hai,

Lutera in bebasi ka wo shakhs kya yaha nadan hai,


Feli har taraf ye cheetkar behti rakt nadiyo ki dhaar,

Har taraf ashruon ka fela pada yaha ye saaman hai,


Maar kar aaj apno ko kaise fakra karta khada hai jo,

Kuchal dharaa ko perro tale muskura raha insan hai,

Nafarat ki aag..............."

aaj hi ka din hai jab tum-kavta

Archu
"aaj hi ka din hai jab tanha tum kar gaye the,
aaj hi ka din hai jab akela tum kar gaye the,
roti bilakhti din-raat tadapti tumhare intzar mein,
aaj hi ka din hai jab dil tum mera tod gaye the,
aaj hi ka din hai jab tum dur mujhse ho gaye the,
aaj hi ka din hai jab tum khwab mera tod gaye the,
khushi ki ik hasrat hi to maine tumse bas ki thi,
aaj hi ka din hai jab tum rula kahi chale gaye the"

Thursday 29 October 2015

do alfaz

"ek teri hi aas hai dil mein
bas ek Teri hi pyas hai dilme,
tujhe kya pata ae hamdam,
har pal tera hi ahsas hai dilme,"


"Tumse milan ki aas hai dime,
Ek tere  ishq ki pyas hai dime,
Dur   raho yĆ    raho   tum  paas
Har lamha tera ahsas hai dime"



ishwar vaani-110, ishwar aur devta

Ishwar kahte hain ''yadhhapi mera koi roop rang aur aakar nahi hai, bhakto ki ichha anusar evam desh/kaal/paristithyo ke anurup main roop leta hoon,

Kintu main hi shrishti nirman hetu vibhinn roop mein sarvapratham utpann hua jinhe log bhinn bhinn naamo se log desh/kaal/paristithyo ke anusar jante hain,

Mere yahi roop bhi ishwar aur devta mein bhed ka pratik hai,

Main tumhe aaj fir saral shabdo mein ishwar aur devta mein bhed batlata noon,

Ishwar usse kahte hain Jo sarvashaktiman to hai kitu uska apna koi aakar nahi hai, jisko kisi ne janm nahi diya na uska ant hoga,

Devta yadhhpi usme mere saman hi shaktiya hoti hai kintu meri ichha anusaar hi uska sansar mein janm hota hai aur nishchit samay baad uske bhi bhotik swaroop ka ant,

Kintu isme do raaye nahi hai ki sabkuch meri ichha se hota hai, kahi na kahi ye sab mujhse juda hai, isliye tum chahe jis roop aur jaise bhi mujhe ya mere kisi bhi roop ko yaad Karo par karo jarur, ishwar ya devta jise pukaro par pukaro WO hi tumhara kalyan karenge, ye WO vibhinn maarg hain jin par tum chal kar mujhe prapt karte ho,

Jesus Jo mera arthaat ishwar ka putra kahlaye unki bhakti tumhe mujh tak hi pahuchati hai, iske saath hi ishwar aur devta mein Jo antar hai WO darshati hai yadhapi jesus mein mujhse kam shaktiya nahi thi kintu wo ishwar ka putra hi rah, usi tarah mere anya roop hai, tum chahe jiski aaradhna karo par mujh tak hi pauchoge, aisa nahi hai log 33 karod mere roop mante hain aur unke alag lok, priye bhakto lok to ek hi hai WO hai mera kintu jiski bhakti karte ho WO mujh tak tumhe laane ka mere dwaara hi banaya gaya marg hai"


Tumhara kalyan ho






ishwar vaani-109, ishwar ke grahasth hone ka pratik

 Ishwar kahte hain "hey manushyo yadhapi tumne mere adhiktar grahasth jeevan ke darshan kiye hain, kintu shayad hi iska abhipraaye aur pratik pata ho,

Aaj main tumhe iska abhipraye aur pratik batata hu,
Mere grahasth aur shadishuda is baat ka sanket hai sansaar mein stree-purush dono hi behat mahatwapurn hain evam sansar mein utpatti ke liye inki kitni aavshyakta hai,

Iske saath hi ye is baat ka pratik hai ki main hi tumhara evam srashti samast ka janak palak aur sanharak hoon"


Tumhara kalyan ho

Saturday 24 October 2015

muktak-ek masoom si kali

'ek maasoom si   kali ho  tum,
mujhse kabhi na  mili ho  tum,
samai par ho mann  mein aise,
banke pushp dilme khili ho tum"

Friday 23 October 2015

dhokhe hazar hain-rachna

"Mohabbat ki mehfil mein dhokhe hazar  hai,
Dur talak dikhne par ye lagti kitni gulzar  hai,

Ishk ki chahat liye har dil kaise  tadaptaa  hai,
Mohabbat ke liye aaj saje jismo ke bazar  hai,

Mohabbat   ke to aaj saudagar hai  beshumar,
Sachhi chahat ki aaj ye dekh bani mazar   hai,

Ishk ke naam  par aaj jismo ke hai  karkhaane,
Kisi ko marne ka ishk ab ek behtarin auzar hai,

Mohabbat   ki mehfil  mein dhokhe   hazaar  hai,
Dur talak dikhne par ye lagti kitni gulzaar hai,-2"

Thursday 22 October 2015

na jaane kis soch mein hain ham-kavita

"Na jaane kis soch mein baithe hain ham,
Kabhi haste to kabhi rote hain ham,

Kabhi rahte gumsum se to kabhi kahte hai ham,
Kabhi kuch kahte kabhi kahte rukte hain,

Kya ye unse rishta pyar kaYehi soch badbadate hai,
Chalte huye sochte hai Kahi dur na nikal aaye ham,

Wakt aur rasto ka na pata hai kuch,
anjan in rasto par bahak na jaye ham,

Har kisi ko bhula sabse nszar chura
 kis oor bada rahe hain apne kadam,

Sath unka pa hu har kisi se bekhabar
Bhula apni manzil pe bad rahe hain ham,

Na Jaane kis soch mein baithe hain ham,
Kabhi haste kabhi rote hain ham-3"



Wednesday 21 October 2015

ishwar vaani-108, manushya kya ishwar se bada hai? ek sawal..

Ishwar kahte hain "hey manushyon jis prakar main praniyon mein bhed nahi karta, sabko saman prem aur samman deta hoon tum kyon karte ho,

Hey manushyon kya tum mujhse bhi samajhdar aur vayask ho Jo aisa vyavhaar na sirf praniyo apitu apni manav jaati evam apne hi ghar mein bhi karte ho,

Hey manushyo jaise mere grah Jo tumne apni aastha anusaar banwaye, waha tumhare atirikt vibhinn jeev jaise machhar, chhikali, kukoor aadi jeev aa jaate hai kintu main ghrina nahi karta kyonki main janta hoon ye meri hi santaan hai, maine hi unhe janm diya, to bhala apni hi santaan ke saath kaisa bhed bhaaw,

Kintu hey manushyo tum na sirf meri banayi har rachna chahe prani jaati ho ya prakati usme bhed bhaaw evam uska shoshan karte ho, yaha tak ki apne hi pariwaar mein stree-purush mein bhed karte ho, tumhari aisi pravatti manviye nahi hai, yadhhapi tum jaise na dikhne bolne walon ki pravatti tumse shresht hai, WO bhed-bhaaw rahit jeevan jeete hain,

Hey maanavon apni pravtti par ankush lagao, in bhed-bhaaw ke jeevan shely ka ant kar sabhi pradiyo se prem karo, yadi tumne kisi bhi jeev ko kasht diya to WO kasht mujhe milta hai ye jaan lo, tum meri rachna ka uphaas aur upeksha nahi kar sakte, yadi apna vartman vyavhar tumne na sudhara to nishchit hi main manav jaati ka sanhaar karne sheeghra upastith hona jiska uttardayi manav swam hoga"

Apka kalyan ho

Sadguru shri Archana Ji ki ishwar vaani





ishwar vaani-107, sachhe guru ke lakshan

Ishwar kahte hain "priye bhakton yadhhapi aap sabhi ne prithvi lok par apni apni vichardhara ke anusaar guru banaye honge, unka maan samman mere tulya hi karte honge, unki baat brham vaakya maan unke aadesh ka palan karte hone, unki katha aur pravachan sunte honge, ye achhi baat hai, kintu aaj main tumhe batane ja raha hoon ki guru ki kaun kaun si baat hain Jo apko nahi manni chahiye aur kyon.

Aksar guru kahte sune jaate hain Maya ka tyaag karo, bahut se to kahte hain apni dhan-sampatti mujhe do, taki aashram vasiyo ka palan poshan ho sake,

Kintu bhakto aisa kadapi na kare, kaaran main batata hoon, yadi guru sachha saint hai to usse is maya aur dhan-dampatti ki kya aavshyakta, usse daan ye yadi tum doge to tum bhi paap ke bhaagi banoge aur WO bhi, kyon?? Kyonki tum ye sab de kar usse moh Maya mein uljha rahe ho jabki WO iska tyaag kar chuka hai, iske saath hi wo is daan ko sweekar karta hai to wo paap ka bhaagi hota hai, saath hi ye uske paakhand ka pramaan bhi hai, ek sachha saint tumhe maya tyagne ki baat avashya kahega kintu kisi bhi roop mei tumse bhi na lega,

Maya tyagne ka asal abhipraaye jitni tumhari saamarth hai, jitna tum apne guru ko daan dene ki ichha rakhte ho, utna daan jaruratmand insan, pashu-pakshi ki sewa aur bhalai mein lagao, aur Jo guru aashram ke vasiyo ke liye dhan mangte hain, bhoomi aadi kuch bhi mangte hai, mat do, karan aisa karne se unme aalasya, dharm ke naam par thagi, aur maya dosh lagega aur tum bhi barabar ke bhaagi hoge,

Isliye jo aashram karmi sharirik roop se swasthya hai, wo prachin bhiksha vidhi, guru shishya parampara anusaar guru dakshina mein kuch dhan arjit kar sakte hain jintu utna hi guru dakshina mein le sakte hai Jo uchit ho aur jiska moolya ameer-gareeb mein bhed na karta ho,

Aisa saadhak hi sachha guru hai, anyatha pakhandi"


Aapka kalyaan ho

Sadguru Archana Ji ki ishwar vaani






Monday 19 October 2015

ishwar vaani-106, sadguru shri Archana ji ki ishwar vaani- yug kya hai..

Ishwar kahte hain "yadhhpi tum sabhi ne yug pratha ke vishay mein sun rakha hai  pratham yug Satyug dwitiye Treta tratiye Dwapar chaturth Vartman yani ki kaliyug,


Aksar vibhinn dharnao ke log manavo ko bhramit karne hetu ye kahte jaate hain 'kaliyug jaane wala hai satyug aane wala hai, kintu unhe yug vaastav mein hota kya hai ye nahi pata


Yug koi devta ya shetan nahi hai jiske aane jaane se achha ya bura hoga, vaastav mein ye shrasti ki avasthaaye hai jaise ek vyakti ki chaar avasthaaye mukhya hai-sheshvastha, balyavastha, prodavastha, vradhhavastha, iske baad uske bhautik shareer ka ant aur aatma ek nayi kaya aur naye kaarya hetu chali jaati hai,

Usi prakar hai yug pratha Jo shrashti ki chaar avasthaye hain, Satyug hai sheshav avastha, us kaal ke log ek shishu ki bhati nihswarth aur pavitra hote the, saatvik hote the, samast buraiyo se dur unka mann ek shishu ki bhaati sachha pak aur paawan hota tha,

Fir aaya Treta yug, yaani ki yug ka balyakal, ek balak ki bhaati us samay kuch kuch swaarth to kuch kuch bholapan ek shishu ki bhaati raha, is yug mein shetaan balak ki bhaati kuch manushyo ka vyavhaar raha jise raakshhash ki Santa di gyi,

Fir aaya Dwaapar yug athwa prod yug, is yug ke maanavo ka vyavhaar prodon ke saman swarthy tha, chori, jhooth, fareb, streeyon evam bujurgon ka apman, satta aur shakti ke liye apno ka rakt bahana, is prakar ka vyavhaar us yug mein manav ka raha,

Fir aaya vartman kaliyug, ye ek vradhh yug hai, is yug mein maanav ki budhhi bradht evam bujurgo jaisi hogi, paap aur swaarth apne charam par hoga, apne bheetar sabhi yugo ka anubhav isse hoga kintu umar ke is padaaw ke kaaran sahi aur galat mein bhed na kar payega, aur is tarah nishchit samay baat mritu ko prapt hoga, jiske falswaroop samast brahmand nasht hoga, jeev nasht honge kintu is yug mein bhi satyug jaisi soch aur kaarya karne wale log hi jeevit bachenge aur shashreer ishwar ke paas jaynge aur fir se is yug pratha mein sarvprtham janm lenge"

Apka kalyaan ho









Friday 16 October 2015

mera naam dil-geet

"Tera naam kya ,mera naam dil,tera naam kyamera naam dil,
Tera kaam kya,Mohabbat hai mera kaam,Suna hoga premiyo se naam,
Tera kaam kya,Mohabbat hai mera kaam,Suna hoga premiyo se naam,
Tera naam kya?Dhadkan hai mera naam,
Tera naam kya?dhadkan hai mera naam,
Tera kya kaam,Dilme rahna mera kaam,Bin dhadkan dil to hai beman,
Tera kya kaam,Dilme rahna mera kaam,bin dhadkan dil to hai beman,
Sun haan sun,dil tu to jara sun,
Kyo aksar tu kho jata hai,Tera sauda ishq mein kyon ho jata hai,
Rahta hai tu kisi ke seene mein,Fir kaise premiyo ke paas chala jata hai,

Ae meri dhadkan sun,Mujhme basne wali tu bhi ye sun,
Hoon main mohabbat mein badnaam,Bin mere aashiq ka kya hai kaam,
Aakhon se utar karMohabbat mujh take aati hai,
Pahle milte hain nena,Aankhon aankhon mein baat ho jati hai,Dil mein basti hai soorat sanam ki,Dhadkan to hoti hai seene mein,Aashiq usi se ho jaati hai,
Do nena sanam ke mujhe chura le jaate hai,Rahe chaahe dur jitna WO sajan se,Har taraf usse hi to wo paate hain,
Sun dhadkan ye hai mera kaam,Isliye hoon main to badnaam,
Sun dhadkan sun,Haan sun dhadkan sun,
Rahti hai tu mujhme par hai tera kya kasm,Oo kya hai tera kaam,
Sun dil deewane meri bhi tu sun,Haan sun dil deewane meri bhi tu sun
Chala jaata hai tu premiyo ke sang,Par bin mere bekar hai shareer ka tu ang
Dil ka sauda karte hai premi,Par dhadkano par tasvir uski lagate hai,Muh se kuch na bole WO par,Dhadkano se hi pukarte hai uska naam,
Ae sun dil deewane jaan le tu bhi mera ye kaam,Bin mere tu kuch bhi nahi hai,Jo main nahi to dil ho ke bhi nahi hai,Hoon main khaas kitni ye tu bhi le ab man,

Oo tera naam kya,mera naam dil,
Tera naam kya,Dhadkan hai mera naam,
Tera naam kya,Mera naam dil
Tera naam kya,Dhadkan hai mera naam"




Thursday 15 October 2015

kabhi rote the-2 alfaaz

"kabhi rote the jinki yaad mein din aur raat,
aaj yaad kar haste hain un lamho ki har baat,
apni aashiqi pe mitne ki jo sochte the kabhi,
aaj yaad kar us nadani ko jine ki sochte hain.."

mujhe nafrat hai-2 alfaz

"Aaj mujhe nafrat hai usse jitni kabhi mohabbat thi,

Thi kabhi is dil mein us bewafa ke liye chahat ki aag is kadar,

Jaise ik bas siwaaye uske meri na koi khushi na zindagi thi"

Monday 12 October 2015

kavita..apne bahte huye ashq

"Apne bahte huye ashkon mein teri hi chhavi dikhti hai,
Har taraf har pal mujhe to sirf ik soorat teri hi dikhti hai,
Mitaana   chaha apne dil   ki deewaron se    tujhe maine,
Bas tujhe hi pukarata hai har lamha ye nadan man mera,
Kaash sun sakta tu ye pukar tadapte dil ki ye    chitkar,
Bhulana chaha tujhe apne zahan se har lamha  maine,
Ik harzaai ko hai aaj bhi chahta bhola ye mann  mera,
Apne bahte huye in ashko mein teri hi chhavi dikhti hai,

Apne bahte huye in ashko mein teri hi chhavi dikhti hai,

mere sine ki har dhadkan ko bas pyas ik teri hi rahti hai,
yad mein teri in ankhon se ansuo ki nadiya Hi bahti  hai,
Teri hi yaad mein har ghadi meri to aankhiya   roti hai,
Phir bhi saanson ko bas ik teri aas har pal hi rahti hai,
Dil ki gehraai mein moorat mujhe to teri hi dikhti  hai,
Har taraf har pal mujhe to sirf ik soorat teri   dikhti hai"

teri kami hai- do alfaaz

Sab hain saath mere bas Teri kami hai,
Sab hai paas mere bas aankho mein nami hai,

Gagan nahi naseeb mein mere to hua kya,
Kadam choomne ke liye poori ye zami hai"

ma mamta ki moorat hoti hai

''suna hai   Maine ma   mamta ki   moorat hoti hai,
Phir kyon beti ke liye    itni wo    beraham hoti hai,
Kya fark karna santan me use sikhaya bhagwan ne ,
ya apne saath huye anyaay ka badla beti se leti hai,"



"Beti ke  janm par uski ma hi pahle roti hai,
dekh apni godd mein bete ko jitna wo khush hoti hai , beti ko baaho me lekar usse jyada wo roti hai,
ye sawal hai mera har ma se kyon ye bhedbhaw apni mamta mein karti hai,
 jabki kahte hai ma to mamta ki moorat hoti haihai"

Sunday 11 October 2015

wo rishta hi kya-kavita

"WO riahta hi kya Jo ik pal mein toot jaaye,

Wo rishta hi kya Jo ik pal mein bikhar jaaye,

Wo rishta hi kya Jo ik pal mein gum ho jaaye,

Wo rishta hi kya Jo vishwas pe na tik paye,

Wo rishta hi kya Jo sharton pe nibhaye,

Wo rishta hi kya Jo har rishton se dur kar jaye"

meri shayri

"Na kuch bole WO na hamne kuch suna,
Ye to dil ka rishta hai shaayad,
Tabhi dilne kuch kaha aur dhadkano ne
Suna",

"Meri mohabbat ko na  samjhe   wo,
Sitam har pal mujhpe karte rahe wo,
Kasoor unka bhi to nahi hai shayad,
In ashko  ki bhaasha na samjhe  wo"

Saturday 10 October 2015

chhipa rakha wo raaz-kavita


"Chhipa rakha  wo raaz batau    kaise,
Apne har   zazbaat aaj jataau     kaise,
Hai mujhe ik mohabbat bas tumhi se,
Dhadkanse tumhara naam mitau kaise,

Dhyaan apna ik tumse hataau   kaise,
Dilki diwaar se tera naam mitau kaise,
Hai saagar se bhi gehri meri   aashiqi,
Ashko ki zubaan se ab batlaau  kaise,


Gam-ae-mohabbat  tujhe sunaau  kaise,
Har apne wo  zakhm tujhe dikhau kaise,
Hai mera ye dil sirf tujh par hi yuh fidaa,
Apni chahat ko fir aaj main bhulau kaise"

saawali soorat- kavita

"Saawali soorat mohani moorat chal matwali,
Thumak thumak chali aati karti hassi thitholi,

Mand mand muskaye holey se jaam jhalkati,
Bhar leti aaghosh mein apni jab nisha gehrati,

Chhan chhan har aangan mein payal khankati,
Ood saawari sitaro wali chunaiya kaise itraati,

Mere hi ghar nahi sabke dwaar wo khatkhaati,
Seene se laga sabhi ko sabki thakaan mitaati,

Jab gagan mein chidiyaa bhor sangeet sunati,
Holey se chuda ke baiya fir chupke se chali jati,

Fir milne tumse aaungi ye vaayeda kar jaati,
Dhalti sandhya wohi ood chunariya chali aati,

Na todati niyam WO puraanaa roz aa jaati,
Meethe sapno ke sang nayi duniya dikhati,

Chipte Ravi ke wo to dheere se kadam badati,
Madhos behake kadamo sang roz fir chali aati,

Saawali soorat mohani moorat chaal matwaali,
Thumak thumak chali aati karti hassi thitholi,

Friday 9 October 2015

ishwar vaani-105, doodh ki nadiya

Ishwar kahte hain "yadhi aap sabhi ne sun rakha hai prachin kaal mein dharti par dhoodh ki nadiya bahti thi, kintu ab nahi dikhti,

Kintu log nahi jaante us samay nadi to JAL arthaat paani ki hi hoti thi kintu wo JAL itna shudhh hota tha jitna vartman mein doodh tak nahi milta. Uski shudhhi ke kaaran usme doodh jaise hi guno ki maatra hoti thi jiski wazah se kaha jaane laga ki us yug mein doodh ki nadi bahti thi",

Ishwar kahte hain "yadi maanav ab bhi apne samast paap karm tyaag ishwariye maarg par chale, prakti aur praani jaati se prem kar inki suraksha kare nishchit hi poorva ki bhaati ek baar fir prathvi par doodh ki nadiya bahengi'

dil ye bekarar hai-geet

"Dil ye bekarar hai raja tujhse hi to pyaar hai aaja,
Dil ye bekarar hai raja tujhse hi to pyaar hai aaja,


Guzar na jaaye ye zindagi fir kahi
 dhal na jaaye ye shaam fir kabhi,

Aakar chupke se in dhadkano mein samaja,
Thaam le haath mera dil mein tu aaja,

Dil ye bekarar hai raja.......................

Guzri hain kitni shaamo shubah bin tere,
Rahi hu tanha raat aur din main to bin tere,

Nahi hote meri zindagi ke tum bin ab savere,
Rahti hu khoyi khoyi jaise na ho koi sath mere,

Dilko teri hi aas hai aaja kitna tu khaas hai raja,
Teri hi to pyas hai raja ab to paas mere aaja,

Dil ye bekarar hai raja tujhse hi to pyaar hai aaja,
Dil ye bekarar hai raja tujhse hi to pyaar hai aaja-2"



meri shayri

"Meri wafa ka rang na bhaya zamane ko,


Diya imtihaan har pal  unhe azmane ko,


Aaj ye meri bhalai ka hi natiza hai,


Duniya hai saath mere pal dil par tanhaiyo ka pahra hai.."

Wednesday 7 October 2015

do lines

"Dilki baat batana na aaya hame, jhuki palko ka raaz wo samajh na sake,

Apni mohabbat ki gehrai jatana na aaya hame nam aankhon ki baat wo samajh na sake"

Tuesday 6 October 2015

yaad mujhe aati hai-kavita

"Beete guzre lamho ki yaad mujhe aati hai,
Un  lamhon ki har   baat mujhe satati   hai,
Ek khata mohabbat ki hamne kya kar    di,
Meri  aashiqi hi aaj yuh mujhe rulati      hai,

Uski chhavi har taraf mujhe nazar aati  hai,
Dhadkano se uski hi aawaz bahar aati   hai,
Hai WO to bewafa mujhe hai ye khoob pata,
Fir bhi yaad uski ashq ban kar chali aati hai,

Kismat se mili daga ye baat bahut rulati hai,
Kabhi kahte the wo ki ham diya aur baati hai,
Har khwaab tod tanha kar gaya ek pal   mein,
Apne is soonepan mein koi baat na suhati hai,

akele hu ya rahu bheed mein uski yaad aati hai,
Chalte-chalte fir meri aankhen nam ho jaati hai,
Sochta hai kitna ye dil us farebi ko aaj bhi mera,
Yad mein us bewafa ki dhadkan bhi rukti jati hai,

Dilse har lamha bas ye hi baat nikal ke aatee hai,
Ek bewafa se dil lagane ki  khata tujhe satati hai,
Main to thi nadaan na jani us bewafa ki pahchan,
Ab Ye hi baat pal-pal mujhe to bas tadpaati hai,

 Beete guzre lamho ki yaad mujhe aati  hai, 
Un lamhon ki  har baat mujhe   satati hai,
Ek khata  mohabbat ki hamne   kya kar      di,
Meri aashiqi    hi aaj yuh   mujhe rulati     hai,"

Sunday 4 October 2015

bhajan-hey prabhu dayanidhan

Hey prabhu dayanidhan, karta hai kalyaan,
Dhanya tu, teri mahima badi mahan,

Jo jan nit dar tere sheesh nawaye
Dukh pareshani sab harr jaaye,

Hriday se jo teri katha sunata,
Paap karm se mukti paata,

Teri leela ka karu gurgaan,
Tu sarvshakti, tu hai mahan,

Sab rajaon mein ek raja tu,
sab daas tumhare ek maalik tu,

Daaniyo mein mahadani tu,
Sab hai bhikshuk ek data tu,

Jo jan nit teri pooja karta,
Jis roop mein bhi tuje yaad karta,

Kasht uske sab harte jaawe,
Shatru bhi mitra ban jaawe,


Teri shakti aprampar,teri daya se mile pariwar
Teri kripa se mile dhan-dhanya aur satkaar,

Ye hai ishwar ka hi vidhaan,
Uski daya se mile bhojan aur paridhan,


Hey prabhu dayanidhan, karta hai kalyaan,
Dhanya hai tu, Teri mahima badi mahan-3

Thursday 1 October 2015

sadguru shri Archana ji ke anusaar

sadguru shri Archana Ji ke anusaar..
'kisi ka vishwaas khona aasan hai paane ki apeksha, isliye uss cheez ko na kho jise tum pa na sako, vishwaas ek amoolya dharohar hai Jo ek baar chala jaaye zindagi bhar ki aur zamane bhar ki daulat usse lauta nahi sakti, isliye Jo tum par bharosa karte hai, apna samjhte hain unka hriday tod kar vishwasghaat mat karo, aisa karne se unhe to kewal peeda hi hogo Jo chand Dino mein ek seekh de kar kam ho jaygi lekin tum usse kho doge sada ke liye Jo tumhare liye anmol tha'

ishwar vaani 104, ishwariye satta

Ishwar kahte hain "yadhpi is shrishti aur prani jaati ka swaami main hi hoon, mera roop-swaroop nirakar hai, Maine hi apne is nirakar roop se sakti ko utpann kiya aur usne Brahma-Vishnu-Mahesh ko janm diya jinhone meri hi aagya se nimn kaarya shrishti evam brahmand aur prani jaati ke nirman mein sahayak bane,

Yadhpi prani jaati ke ishwar aur devi-devta wo kahlaaye kyonki vibhinn aur moort roop mein unhone prani jaati ki sahayata ki, aur is prakaar jab jab logon ko ishwariye sahayta ki aavshyakta hui  unhone unhe hi yaad kiya is prakaar wo prani jaati ke ishwar kahlaye, kintu wo mere upasak hai, meri hi aagya anusaar wo kaarya karte hain, jab jab dharti par ishwar ki shakti ko chunoti di in devi-devtao ne vibhinn roopon mein desh/kaal/paristithi ke anusaar janm le kar ishwar ki satta sthapit kar ishwar ki mahhatta ko chahu oor felaya hai,

Isliye hey manushyo tum jis roop mein mujhe pukaro main tumhare saath hoon,

Bhrahma, Vishnu, Mahesh sahit shakti Jo ki samast brahmand mein virajit ho uska sanchalan karti hai, mera hi ek roop ho kar devi-devtao ka roop hai, vibhinn yugon mein inke avtaar issi ka pratiroop hai,

Yadhapi main nirakar hoon evam in samast devi-devtao sahit Maine hi brahmand ke kan kan ka nirman kiya hai, main hi unke dwara desh/kaal/paristithiyo ke anusar janm le kar shrishti  ko ishwariye satta chaaro oor felaa kar prani jaati ka kalyan karta hoon.."