Tuesday 31 March 2015

mere dil ki baat aapke saath

Ab jab maine puri tarah se sanyaas le kar ishwar ki sewa karne ka mann bana liya h to log mujhe mere is faisle ko jaldbaazi ka faisla kah kar peechhe lautne ko kah rahe hain,

Par ye log nai jante aakhir main bhi to insaan hu, Maine bhi kabhi sapne dekhe honge, aam insaano ki hu tarah jeene hasrat ki hogi, Jo hasin pariwaar aur career ko le kar sab khwaab dekhte h Maine bhi dekhe honge,

Par aaj Jo faisla Maine kiya h na to WO kayartapoorn h aur na apni samsyao se bhagna h, samasyaye to jab tak h tab tak ham jivit h, isliye ye kahna galat hoga ki apne karmo aur samasyaao se ghabra kar ye faisla kiya h,


Bachpan se hi mujhe auron se alag kaha jata that shyad mere vichaar alag the, pariwaar ki galat aur ladka-ladki ki bhed-bhaaw poorn neeti iske saath hi naari virodhi prachin paramparao ka khul kar virodh kiya, iske liye daant aur maar bhi khub padi, us wakt neri umar 10 saal se kam hi rahi thi,

Shayad tabi mujhe log kahte main alag hu, bahut buraa bhi lagta ye sun kar, iske baad mere school time hi 3rd standard ki baat hogi mere face par kuch ajib si pimples aa gayi, 2 saal tak pas bhare in pimples ne mera chehra puri tarah khrab kar diya, jab ye thik hui to gehre daag chhod gyi face par, aur inhi ki wazah se school/Ghar har jagah mera pura shoshan hota raha, mujhe duniya ki sabse badsurat ladki kah kar log meree seerat dekhe binaa mujhse duri banate rahe aur achhooto jaisa vartaav karte rahe,

Par un halato main bhi Maine khud ko dhaal liya aur  apni padai par dhyaan de kar badne lage, par shayad ye meri innocence thi jo logon ko na jaan saki, umar ke saath sabne mera shoshan bahut kiya, jis shakhs se galat bardast nai kuch hota tha kadam kadam pe apna kahne walo ne galat kiya,


Isliye jivan k har dard aur apne kuch priyejan ko khone k gam ko seene me le kar ye faisla kiya aur yakin h mujhe ye sahi h, ishwar ne mujhe aaj apnaya h jaha sabne thukraya h, main alag hu isliye usne mujhe apne kadmo me jagah di h, main uske sath khush hu, apne liye khush hu,



Dhanywaad





Monday 30 March 2015

aaj bhi yaad aati hai

Jab bhi ye barkha ki boonde dhara par girti hai, dil mein mere you halchal si hoti hai, beete lamho ki WO baate mujhe kitna satati hain, you tera meri zindagi mein aana, wo tera khushi ka mujhe khwaab dikhana, chalte huye in raaho par girte huye mujhe yu sambhalna, tera you hasna tera yu mushkurana, bahut yaad aata hai tere sang jiya har lamha, in barkha ki boondo mein sang tere bheegne ki WO tamanna, khwaaish umar bhar sang tere chalna, aaj ye barkha ki boonde bhi wahi hai din-raat bhi ye wahi hai, bas nahi hai to sirf aaj zindagi mein meri nahi hai, hai tu bewafa ye malum tha mujhe ye jaankar bhi tujhse mohabbat Maine ki thi, dega daga aur dard bewfai ka ye jaankar bhi tujhse chahat Maine ki, har ummido se pare tujhse aashiki Maine ki, in barkha ki dhara par girti boondo ke saath mere bhoole huye kal WO yaade aaj bhi kitna tadpati hai aur meri aankhe jhalak aati hai, meri aankho se girte ashk mujhse kahte hai milti hai yaha saza sachhi mohabbat ko par yaar bewafa se dil yaha har koi laga hi leta hai, milti hai mohabbat unko jinhe dilo se khelna aata hai, sachhi aashiki karne walo ke dil mein tees aur aankhe roti hain....

din raat pukaru tujhko

Din- raat pukaru tujhko din-raat yaad karu,
Ek tera hi naam ho laboon par na kisiko ab pukaru,

Rahu sada bhakti mein Teri na kisi ki mansha ho,
Chhoote Jo sansaar mujhse nahi kisi ki chinta ho,


Chahe mile ab kaante pag-pag na phoolo ki raahe ho,
Mile mujhe ab aansoo jitne na khushi ki chhaya ho,

Mil jaaye mujhe Jo tu prabhu na kisi ki khwaish ho,
Din-raat pukaru tujhko din-raat yaad karu,


Din-raat pukaru tujhko din-raat yaad karu,
 Ek tera hi naam ho laboo par na kisi ko ab pukaru





na main kavi hu

"Na main kavi hu, na main shayar hu,
Na main lekhak hu, na main parichayak hu,

Na main vicharak hu, na main sahayak hu,
Maine to likhe hain bas apne zazbaat yaha par,


Par hai nahi budhhi mujhme, isliye na to budhhimaan hu main, na hi samajhdaar hu main

Sunday 29 March 2015

prabhu vandana

'Kar liya aitbaar jagat ka ab prabhu ka kar tum,
Jee liya jivan apna ab prabhu ke ban lo tum,-4


Chhod jagat ki maya ko moh prabhu ke bandhlo-2 tum,
Kar liya aitbaar jagat ka ab prabhu ka kar lo tum-2


Japa naam din raat jinka(rishte-naate)ab prabhu ka jap lo tum,-2
Kahi ram kahi rahim mukh se to ab bolo tum,-2


Chhod duniyadaari ab to usse pukaro tum,
Kar liya aitbaat jagat ka ab prabhu ka kar lo tum,-2


Na dange na fasaad karo, pal pal use pukaro tum,
Kabhi ishwar kabhi Allah kah kar bas use pukaro tum-2



Ban kar insaan na hewaniyat se haaro tum,
Kar liya aitbaar jagat ka ab prabhu ka kar tum,-2


Dukh mein yaad sab karte hain sukh mein bhi use pukaro tum,-2
Dard mein yaad sab karte hain dise (nihswarth) kabhu pukaro tum,-2

Raho akele ya ho duniya ke mele pag-pag use pukaro tum,-2
Chahe ho saath ye rishte-naate chahe bane kitni baate ab to bas use pukaro tum-2

Kar liya aitbaar jagat ka an prabhu ka kar lo tum,
Ji liya jivan apna ab prabhu ke ban lo tum-4


Tuesday 24 March 2015

kis oor ye duniya aaj ja rahi hai

"Insaan par ye kaisi insaniyat chha rahi hai,
Dur khadi hewaniyat bhi sharma rahi hai,
Pyasa hai insaan in nirdosho ke lahoo ka,
Dekh tamasha duniya ka dharti bhi karah rahi hai,


 kis oor ye duniya aaj jaa rahi hai,
Har taraf dard bhari ye aawaz aa rahi hai,
Hai ashk mein doobi aaj har ek aankh,
Kyon har ek Ghar se in masumo ki arthi ja rahi hai,

Aakhir kyon duniya ye dehsat fela rahi hai,
Har kone se aatank ki baat aaj aa rahi hai,
Sukoon se jeena chahta hai har koi yaha,
Mazhab ka naam le kar insaniyat bhula rahi hai,



Sunday 22 March 2015

meri jaan hai tu

"Meri jaan hai tu, mera abhiman hai tu,
Mera ghumaan hai tu,mera imaan hai tu,-2


Mera swabhiman hai tu, mera arman hai tu,
Mera jahaan hai tu, mera samman hai tu,-2

Meri shaan hai tu, meri pehchaan hai tu,
 Mera ghumaan hai tu, mera imaan hai tu,-2

Meri jaan hai tu, mera abhiman hai tu,
Mera ghumaan hai tu, mera imaan hai tu-4"





These lines for my sweet one year old baby named Boss, uuuuummmmaahh love you beta

Thursday 19 March 2015

kanya daan ek kupratha

 Hindu paramparao me ladki ke kanyadan ki pratha sadiyo se chali aa rahi hai, kanyadan ke bina na to ladki ka vivah sambhav hai na ladke ka, isliye Hindu sanskrati me iska bada mahatv hai, iske saath hi kanyadan ko hinduo ke samast daano me shresht sthaan prapt hai, kahte hai jinki apni kanya nahi hoti wo doosro ki kanya ka daan kar punya paate hai, isliye ise samast daano me. Shresht sthaan prapt hai,

Par sadiyo se chali aa rahi is parampara ke kaaran naari ki samaaj ke samne kya sthiti hui hai shayad hi isse pahle kisi ne vichaar kiya ho, khud stree ne bhi sadiyo purani parampara ke karan ho rahe uske astitwa ke hanan ke vishya me vichaar kiya ho,

Sabse pahle hame ye jaanna chahiye daan un vastuo ka hota hai Jo nirjiv hai yaha "vastu" shabd par vishesh dhyaan de, iske atirikt gaaye aadi pashuo ka bhi daan kiya jaata hai kyoki ki manav unhe apni sampatti samjhta hai haalaki wo nirjiv nahi hai kintu daan unka kiya jata hai taki jiske Ghar wo jaaye usse labhanvit kare jaise hame kiya,

Kintu stree jiska kanya ke roop me daan kiya jaata hai use kya samjha jaaye ek vastu nirjiv jiska daan kiya jaata hai ya ek pashu, sawal ye uthtaa hai naari ki samaaj ke samne kya ahmiyat hai, sadiyo pahle log stree ko mahaj apni sampatti samjhte the, chooki wo nirjiv nahi thi isliye pashuo par apne malikana hak ke madhyanazar uska wo daan karte the naari ko bhi isi roop me maan kar daan karne lage,

Is baat ka koi thoss praman nahi ki aadi kaal se kanyadan ki pratha rahi hai, mahaz kuch kahaniyo aur lok manyatao ke aadhar par ham kah dete hai ki aadi kaal se ye parampara rahi hai jabki ise aadi kaal na kah kar sadiyo kahna jyada sahi hai, kanyadan ek aisi parampara jisme janm dene wale mata-pita apni
kanya ko doosre pariwaar mein kisi ki vadhu ke roop me daan karte hai, iske baad jis Ghar me uska vivah hota hai chahe waha jitni bhi takleef aur kasht ho use apna Ghar vivah ke baad use hi man kar wahi rahna hai. Kahte hai ma-baap ke Ghar se ladki ki doly uthti hai aur pati ke Ghar se arthi,

Vivahupraant mata-pita kanya ke Ghar ka paani tak peena paap samajhte hai, vivah poorva Jisé poore din Ghar ke kaamo me lagaye rahte the, jiski banai roti khate the an dooje Ghar ki bahu kya hui paani tak nai pi sakte jaise ab WO zahar ho gaya ho,

In sab riwaazo ne naari ki sthiti ko pursho ke samakh doyam kar diya, sarvpratham dahej jaisi kuriti ka janm kanyadan roopi kuriti ke saath hi hua kyoki mana Jane laga ki kanya ke daan ke saath anya bhotik vastuo ka daan uske daampatya jeevan ki nayi shuruaat me kaam aaynge kintu isse aur adhik lene ki ichha var paksh ke logo me badne lagi falswaroop dahej naamak kuriti ko janm diya, is kuriti ki aag me Jane kitni kanyaye aaj bhi sadiyo ki bhaati hi JAL rahi hai,


Iske saath hi bete-beti me bhed-bhaaw shuru hua, ladkiyo ko doosre ke Ghar ki amanat kah kar use bete jitna na to mata-pita ka pyar mila na apnapan, pal-pal ladki hone ka dansh wo jhelne lagi jaise ladki hona apraadh hai, bachpan se hi use dooje Ghar me rahne ke liye traind kiya Jane laga jisme uska komal bachpan ghum ho kar rah gaya, iske saath hi bete ki chahat ko badawa mila, ladki chahe jitni Kabil ho par ek din paraye Ghar jaygi aur beta chahe jitna nakabil ho yahi rah jayega, bete ko budape ki laathi, vansh a aage badane wala, ma-baap ko moksh dene wala kah kar uski ahmiyat beti se jyada maan li gayi,

Kintu ye parampara banayi kisne? Purshon ne hi na, purush aurat ko barabari ka adhikaar dena to door doyam se bhi neecha rakhne ka prayas sadiyo se karta raha hai, aur parampara-riti-riwaaz ke naam par aaj bhi uska shoshan kar raha hai, tabhi to vivah ke baad nari par hi Sab-rok tok hai ye kapde mat pahno, bina sindoor mang me bhare na raho aadi-aadi kintu vivah baad purush waise hi rahta hai jaise pahle, shadi ke baad naam va upnaam street ka hi badta hai purush ka nai kyoki ki nari ka daan ho chuka hai vivah me purush ka nahi, naari ab daasi hai pati ki aur wo uska malik bilkul waise hi jaise daan Kare huye pashu ka malik daan lene wala vyakti ho jata hai an chahe pashu ke saath jaisa bhi vayvhaar zindagi use wahi guzarni hai agar wo atyachaar aur kashto se tang aa kar wo waha se bhaag bhi jata to kahi ka nahi rahta, aisi hi sthiti vivah ke baad kanya ke daan ke uprant kanya ki hoti hai,

pursho ne kewal kanyadan rupi pratha hi sadiyo pahle kyo rakhi var-daan ki sath me kyo nahi rakhi aakhir shadi to ladke ki bhi hui hai, is par kabhi kisi be vichaar nahi kiya, street ka hi vivah ke baad vuvahit dukhna evam vivah Ching naari ke liye hi kyon rakhe gaye, pursho ke liye kyon nahi, purush sati kah kar sadiyo se uska shoshan karta raha hai aur wo sati kyon nahi ban Sakta, jaahir hai vivah ke baad bhi anya stree se kaamna se khud ko virakt kar apni indriyo ko vash me rakhne ka usme saahas nahi kintu naari na kisi anya purush se vivahuprant uske jaise sambandh rakh le iske liye use sati shabd me baandh diya, aur naari bhi usme bandh kar pursho ke kotilya bhaaw ko na Jaan saki aur kanyadan evam sati ke naam par sadiyon se aaj tak uska shoshan ho raha hai,

Jahir hai nari ko ek vastu aur sampatti man kar iske saath hi usse purush se kamtar maan kar ye prathaye shuru hui aur nari ko bewkoof banane ke liye is daan ko maha daan ka jama pahna diya, masoom nari apnr mata-pita ko ananya punya ki prapti ho isliye is kupratha ko sadiyo she aaj tak dhoti chali aa rahi hai aur bade hi aashcharya ki baat hai khud ko aadhunik kahne wali naari be isse  pahle shayad hi is vishay par dhyaan diya ho, ummid hai is lekh ko padne ke baad khud ko aadhunik kahne wali streeya is kupratha par ek baar vichaar avashya karengi aur apne shoshankaari pauranik niyamo ke khilaaf aawaz utha kar sach me apne aadhunik hone ka parichay dengi.....













Tuesday 17 March 2015

pyar chahta hu

"Main fir dil ka guitar bajana chahat hu, main fir se mohabbat karna chahta hu, bhool kar sanam ki har bewafai fir ishk ki mehfil mein jaana chajta hu, maana mila hai dard mujhe mohabbat mein, maana mila hai dhokha mujhe is mohabbat mein, bhool kar har sitam aaj fir ek yaar paana chahta hu, zakham apne chhipa kar aaj fir ek dilbar ka bas pyaar paana chahta hu-2

Sunday 15 March 2015

ishwar ki anmol dharohar hoti hain betiya

Ishwar ki anmol dharohar hoti hain betiya,
Khushiyo ki saugaat hoti hain betiya,
Gam apne chhipa kar sabke ashk pochti hain betiya,
Khush naseeb hain wo jinke ghar janm leti hain betiya,


Hoti hain shikaar apno ke hi bhed-bhaav ka,
Hoti hain shikaar duniya ke bhi bhed-bhaav ka,
Sab Jaan kar chup rahti hain betiya,
Kuch kahti nahi kisi se ghut-ghut kar jeeti hain bas ye betiya,

Kabhi durga ban kar to kabhi lakshmi ban kar, ban kar sarashwati duniya ko aaina dikhati hain betiya,
Kabhi ma ban kar to kabhi bahan ban kar apni har bhoomika nibhaati hain betiya,

Sahti hain dansh umar bhar beti hone ka, har pal jeeti hai jeevan doyam darze ka, parampara ke naam par babul bhi saath jinka chhod deta hai ek din,
Daan kanya ka kar harsh paata hai ghar har din,

Door apno se ho kar bhi door nahi hoti hain betiya,
Door ja kar apno se gerro ko apna banati hai betiya,
Pyaar mile ya mile dutkaar sab sah kar bhi har pal mushkurati hain betiya,

Bete to dekhte hain ek Ghar, do-do ghar sawarti hain betiya, apne zakhm chhipa sabko Marham lagati hain betiya, na paati ho pyaar bhale taumar apno ka, tarasti ho do boond mohabbat bhari niharti nazro ka,
Par pee kar har zahar pyaar lutaati hain beshumaar ye betiya,

Pal-pal deti kubaani apno ke liye, har pal lutaati ye zindgaani apno ke liye, na kahti kuch kisise, chup rah sab sahti  hain ye betiya hai, mile chaahe zakhm jitne bhi apno se, na koi shikwa na shikayat karti hain ye betiya,  janmo ke punyo baad ja kar kahi janm leti hai ye betoya, aisi  hoti hain betiya,



Budaape ki laathi kahne wala beta saath jab chhod jaata hai, ban kar dooje Ghar ki dulhan ma-baap ki WO laathi bhi ban jaati hain betiya, mangta hai beta jahan ma-baap ki dhan-daulat, ma-baap ke aashirwaad ko hi sabse badi poonji maan bas wahi chahti hain betiya,


Sach hi to hai ye Ishwar ki sabse anmol dharohar hoti hain betiya, khushiyo ki saugaat hoti hain betiya-4


upar baitha rab wo ro raha hai

Upar baitha rab wo ro raha hai, uski banayi is duniya mein ye kya ho raha hai,
Insaan hi insaan ka lahoo baha raha hai, le kar allah-oshwar-prabhu ka naam hewaaniyat felaa raha hai,

Dekh insaan ki khooni holi aaj wo khud par hi lajja raha hai,
Khoti jaati insaaniyat ko dekh wo bhi aaj ashk baha raha hai,

Bahte huye in ashko ke sath bas ye hi dohraata hai,Banaya tha jise itni shiddat se Maine, bheja tha jise hifazat-ae-zahaan karne, usine ye hai kohraam macha diya,har insaan ne aaj insaan ka lahoo baha  mujhe bhi rula diya,

Hoon main ek hi jagat mein, aapas mein bat chuke insaan ne mujhe bhi kahi khuda to kahi raam bana diya, baat chuke is duniya ko insaan ne mujhe bhi baant diya


Dekh duniya ki ye haalat wo bhi aaj ro  raha hai,
Bheja tha insaan duniya sawarne ko, bheja tha insaan duniya nikharne ko, banaya tha jise apna hi ek pratiroop, di usse shaktiya uske hi anuroop,


Par Bhool kar insaniyat hewaanyat wo felaa raha hai, Insaaniyat ko marne insaan hathiyar uthaa raha hai,apne paapo mein le kar mera naam mujhe bhi yu sataa raha hai, khoon ki holi ke saath-khooni diwaali WO bana rahai hai,


Dekh duniya-daari wo rab bas aaj ye kah raha hai, meri banayi is duniya mein ye kya ho raha hai-2,
upar baitha rab wo ro raha hai, uski banayi is duniya mein ye kya ho raha hai.....



Saturday 14 March 2015

aankhon mein bas paani hai

"Dil mein hai dard aur aankho mein bas paani hai, mere hridaye ki ye peeda bas ye kahani hai, apna jisne bhi kaha mujhe us par hi lutaati ye zindgaani hai, par gairo ki chhodo yaha apno ne bhi na baksha mujhe, apna kah kar apnepan ki saza har pal di mujhe, gairo se kya ummid karu bahte meri aankh se in ashko ko rokne ki, khoon ke rishton ne hi khoon ke sansu diye mujhe, gairo aur apno se mile in jakhmo ki hi ye bayani hai, viraan hai meri ye zindagi sirf ye hi meri kahani hai,  dil mein hai dard aur aankho mein bas paani hai-4

toot kar bikharte rahe

"Toot kar bikharte rahe armaan ye mere, har mod par loot te rahe mujhe mere,

Bahut koshish ki khud sambhlane ki,
Bahut koshish ki auron ki tarah jeene ki


Har kadam pe dhokhe dete rahe mujhe mere,
Kisi gair ki kya shikwa karu, khoon ke rishte hi ashk dete rahe mujhe mere,


Bahut chahat thi is dil ko bhi sambhalne ki,
Aarzoo thi man ko bhi sabki tarah hi chalne ki,


Kadam-kadam par thokare dete rahe mujhe mere,
Har kadam par giraate rahe mujhe mere,


Bahut koshish ki duniya mein rahne ki
Bahut chahat ki sabki tarah hi rahne ki,


Kadam-kadam par tanha chhodte rahe mujhe mere,
Har mod par akela hi chhod gaye mujhe mere,


Beti-bahan ban kar bahut kuch diya unhe,
Apni khushi bhula kar har modpe balidaan diya unhe,


Loot kar mere laboon ki hasi khud mushkurate rahe ye mere,
Akela mujhe bana kar apni zindagi sazate rahe ye mere

Toot kar bikharte rahe armaan ye mere-4




Friday 13 March 2015

mile dhokhe zamane se

Mile dhokhe zamane se mujhe bahut,
Mile ashk zamane se mujhe bahut,Kadam kadam pe dil todne wale mile mujhe bahut,
Har mod pe zakhm dene wale mile mujhe bahut,


Mile fareb zamane se mujhe bahut,
Mile dard zamane she mujhe bahut,
Kisi mod pe thaam kar mera haath chal sake saath,
Wo dilbar wo hanashin na mil saka umar bhar,

Kadam par prem-khilaadi hazaar mile mujhe,
Jo bana sake apni zindgi nibha sake is rishte ko har baar,
bas wo hi prem-pujari na mil saka mujhe,
Ishk ke naam par ye mohabbat ke saudagar baar-baar mile mujhe


only for my god

Meri har khushi ho ab tum,
Mere labon ki hasi ho sirf tum,

Mere dil ki dhadkan ho ab tum,
Mere to har zahan me ho sirf tum,

Meri har saans mein rahte ho ab tum,
Mere har vishwaash mein baste ho sirf tum,


Meri zindagi ki har aas ho ab tum,
Meri aastha ki pyaas ho sirf tum,


Meri daulat bhi ho ab tum,
Meri to shohrat bhi ho sirf tum,


Meri har ummid ho ab tum,
Meri to zindagi ho sirf prabhu Ji tum,


Meri bhakti bhi tum,
Meri shakti bhi ho prabhu Ji sirf tum,

Mere jeene ki wazah ho ab tum,
Kya kahu tumhe, duniya ke har kone me ho sirf tum,


Meri har khushi ho ab tum,
Mere labon ki hasi ho sirf prabhu Ji tum-2

















Wednesday 11 March 2015

haatho mein jaam lena..





"Haathon mein jaam lena bhi mujhe aata hai, subhah aur shaam  khud ko duboye isme rakhna mujhe bhi aata hai,

 ab to har zahar peena mujhe bhi aata hai, hai aarzoo yaha khud ko mita dene ki,

kambakht ye vish ka pyala har baar yu hi jaane kyon fisal jaata hai,

jee chahata hai kho jaau kahi is nashe ki mehfil mein main bhi,

par jaane kaun har baar mujhe yaha se kheech laata hai, hai maut ko gale lagane ki chahat ab dilko,

 jaane har dafa zindagi ki oor fir mujhe koi le jaata hai.....


Haatho mein jaam lena mujhe bhi aata hai-4

A True story(ek sawal)

Kabhi kabhi aisa kuch ho jata hai ki hamare sapne hi hamare dushman ban jaate hai, wo sapne jinhe poor a karne ke liye jee-jaan laga dete hai aur fir aisa kuch hota hai WO hi khwaab hame rulaane lagte hai,


Ye kahani kisi aur ki nahi balki meri apni hai, ek aam ladki ke hi sapne the meri in aankho me, ek aam ladki si hi zindagi jeene ki hasrat thi meri, aankho mein chhote chhote khwaab ek aam ladki jaise,

Par kismat me meri ek aam ladki ki zindagi nahi likhi thi, Maine bahut koshish ki apne sapne poore karne ki par main asafal rahi,

Bachpan se hi ladke ladki ka bhed-bhaaw sahti hui main jab kishoravastha me pahuchi to sochne lagi ek din meri zindagi me wo aisa shakhs aayega Jo mujhr is bhed-bhaaw bhari doyam darje ki zinadgi se door me jaayga, bas isi  ummid me jeene lagi, fir ek din usne mere jeevan me dastak di, Maine bhi usme uski shakl-soorat, gora,-kala,jaati-dharm aur tamam tarah ki deewaro se pare usse pyaar kiya, uski khushi ke liye na sirf apni khushiyo ka gala dabaya balki apne aatm samman ka bhi gala ghont diya taaki WO khush rahe aur taaumar meta haath thaam kar chal sake met sahara ban sake, par usne na sirf  thess pahuchai balki mere vishwaash ko bhi taar-taar kar diya,

Wakt ke saath maine paya ki mohabbat ke mamle mein main kitni galat thi, usne  meri bhawnao aur zazbaato se khilwaad karke apni zindagi se yu  nikal diya jaise doodh me se makhi kaaran usse mujhse apaar dhan dahej ke roop me chahiye that WO nahi mil raha tha, wo mujhe apni hawas poorti ke liye rakhail banane ko to taiyaar tha par shaadi ke liye nahi,


Usse khud ko door karne ki koshish me thi main ki dosto ne aur logon bhe mujhse kaha har purush ek jaisa nahi hota. Tumhe ek achha sa ladka firse dhoondna chahiye, Maine internet ke dwaara firse naya pyaar paya bhi par usne bhi wahi kiya Jo pahle ne kiya,


Wakt ke saath mujhe pata chala har purush aisa hi hota hai, fir ek din ek purush ne hi mujhse kaha tumhare andar WO baat hi nahi ki koi purush tumse pyaar Kare kyoki na tum aakarshit karne wali ho na ameer ho aur na hi professional,


Iske baad mujhe ahsaas ho gaya ki mere saath aisa kyo hua, meri saheliyo ki love marriage Lekin mujhe na Ghar se pyaar mila aur na...kaaran kya tha us purush ne bata hi diya tha, pata chala pyaar aur shaadi kya dekh ke ki jaati hai aur jin ladkiyo me paas ye na ho WO kreal pursho ka dil behlaane me kaam aati hai chaahe wo veshya na ho par har purush ki nazar me unke pariwaar me bahar ki ladki kisi veshya se kam nahi hoti,
.

Aaj jab Maine is sachhai ko Jana to mere hi sapne muje darane lage hain, Jo bhi mere saath hua iske baad do hi raaste mere pass bache pahla to ye ki dukh aur dhokho se tang aa kar maut ko gale laga lu aur doosra raasta ye ki ghar-sansaar chhod moh-maya ka tyaag kar veraargya le lu, Maine doosra maarg chun liya hai veraagya ka,


Par dil mein is baat ki tees mujhe hamesha rahegi ki mujhe mere bholepan ki duniya ne kitni badi saza di, maana main khoobsoorat nahi ameer nahi par main ek bejaan gudiya bhi to nahi, purush pradhaan is samaj mein bachpan se hi kadam-2 par shoshan hua, khata mujhse ek ye aur ho gayi ki Maine unhi pursho se pyaar wafadaari samman aur barabari ke adhikaar ki ummid kar daali,

Aaj sanyaas ka faisla lete huye ye ahsaas mujhe ho gaya hai ye duniyadaari aur ye farebi jhoothe rishte mere liye nahi hai, ye Sab chaalbaaz logon ke liye hain, Jo duniya me mere jaisa seedha saada shakhs aata hai usse ye samaj uske sapno ko hi uske shoshan ka hathiyar bana kar tabah kar deta hai aur WO kahi ka nahi rahta, baad mein use samay se pahle wahi jana padta hai jaha se WO aaya tha ishwar ke pass,

Bachpan mein school mein bachhe mujhse doori bana ke rakhte the kaaran unki nazar mein main duniya ki sabse badsoorat ladki thi. Kaash unki baat maani hoti aur jhoothe  sapne nahi dekhe hotel to aaj mujhe ye tadap nahi milti,  ab hosh aaya hai to ishwar ke alawa koi raasta nazar nahi aata, isliye jisne mujhe bheja hai uski sharan mein Jana hi hitkar hai mere liye aisa mujhe lagta hai, dosto aapko kya lagta hai mera faisla sahi please apni advise jaroor mujhe dein



Ek sawal har padne waale ke liye chhode ja rahi hoon kya khata hui thi mujhse...



A True story

Monday 9 March 2015

mujhe aane laga hai

"akele chalna mujhe aane laga hai, ye tanha jeevan bhaane laga hai, ek wakt that Jo darate the mere hi khwaab mujhe, aaj in adhoore khwaabo ke saath jeena mujhe aane laga hai, toot kar bikhre hai arman yahA Jo mere, samet kar un tukdo fir se in raaho pe chalna mujhe aane lava hai

sadhupan pyara lage

"Main to chhod chali duniya aur desh saadhupan pyara lage-2

Sun ri maiya suno tum bhi bhaiya saadhupan pyara lage,

Main to chhod chali duniya aur desh saadhupan pyara lage,


Sun ri saheli suno tum bhi sakhiya nahi milengi tumse ab ye ankhiya ki saadhupan pyara lage,


Main to chhod chali duniya aur desh sadhupan pyara large,


Suno tum bhi chacha tuno tum bhi taya nahi mileage tumhe mera saya ki saadhupan pyara large,


Main to chhod chali duniya aur desh saadhupan pyara lage,


Suno tum bhi baapu suno tum bhi  daadu ki saadhupan pyara lage,


Main to chhod chali duniya aur desh sadhupan pyara lage-4