Tuesday 22 December 2015

do shabd mere britani mitron k liye

"jinhe dushman samjh thukrate rahe,
dhire dhire dilke karib wo aate rahe,
aur jinhe samajh dost gale lagate rahe,
har mauke pe chot wo hame dete rahe''


ye alfaz mere kuch britani dosto k liye h, unke bare me vichar kabi mere achhe nai the par jab se Boss ko mujhe Bharat mein inhi britani logon me se gift diya h, unse dosti hui, mere vichar badal gaye, unse baat karke lagta h jitne heartless ham Hindustani h wo nai h, saath hi apne purane un vicharo par achraj hota h, sachh hi to h bina jaane kisi ko hame koi raaye nai banani chahiye

Thursday 17 December 2015

true story

Ek aadmi apne yuwa bete ke saath bus se kahi ja raha tha, raste mein uska beta Jor jor se chilla kar kahne laga 'pita Ji pita Ji dekhiye ye pedd kaise peechhe ki taraf bhaag rahe hain, ye sadak bhi peeche bhaag rahi hai', wo inhe dekhta khush hota aur taali bajata,

Uski in harkato ko bus ke sabhi yaatri dekh rahe the, unme se ek vyakti us aadmi ke paas aaya aur bola 'ye tumhara beta hai, lagta hai isse mansik bimari hai, kisi achhe mansik chikitsak se iska ilaaj karao na ki yu hass keke iska protsahan mat badao',

Ye sun kar WO vyakti bola, 'bhai sahab mera beta bilkul sahi hai. Par abhi abhi ham dono hospital se hi aa rahe hai, mera beta janmandh tha, jiski aankho ka operation hua aur nayi aankhe usse mili, usne ye sab isse pahle nahi dekha tha , aaj dekha hai isliye khush ho raha Hai aur isse dekh main bhi khush hoon' ,


Moral thing: hame kisi ko thik se jaane koi rai nai banani chahiye.

Wednesday 16 December 2015

jaati aur aarakshan-ek lekh

Bharat ke aazad huye lagbhag 70 saal pure hone ko hai, par desh abhi bhi chhuachhut jaisi samajik vikritiyo se ubar nahi paya hai, aaj bhi khud ko uchh jaati ka samajhne wale log unhe nimn drishti se dekhte hai, iske saath hi aazadi ke samay se chale aa rahe aarakshan ke kaaran bhi uchh jaati ke log unhe heye drishti se dekhte hai, unhe lagta hai isse unka shoshan ho raha hai,

Samaj ki jaati vaadi vikriti ko samapt karne ka upaaye aarakshan nahi hai apitu uchh jaatiyo ka shoshan hai Jo ek loktantrik desh mein nahi hona chahiye, Jo desh sabko samaan adhikar dene ki baat karta hai wahi aarakshan iski dogli neeti ko ujagar karta hai, iske saath hi uchh jaati aur nimn jaati ki khai ko aur bhi gehra karta hai,

Is jaati vaadi pratha ko khatm krna hai to pahle jaati vaadi aarakshan hatey uske sthaan par aarthik aadhar par aarakshan mile, iske saath hi logo ko shikshit kiya jaaye, prachin karm pradhan samaj ki jaankari logo tak pahuchai jaaye, antarjatiye vivah ko protsahan evam sarkari sahayta muhaiya karai jaaye,

Jo log nimn jaatiyo ke kaaryo ke kaaran ghrina karte hai,unhe gharo mein nahi pravesh dete mandir mein nahi dete, mera sawal hai WO log kya apni apne ghar ki saaf safai nahi karte, shouch ja ke haath khud nahi saaf karte, jab apna karke WO Pandit mahan hai to jo apne saath saath samaj ki saaf safai karte hai WO nimn kaise? Apitu WO sabse mahan aur uchh huye jo apne saath samaj ko bhi saath le kar chale,

Main khud uchh Brahman jaati se hoon par jaati dharm ke vishay mein kewal kahne ke liye ya updesh dene ke liye ye lekh nahi likha hai maine, kai safai karmiyo se meri dosti rahi hai, khaan paan hua hai. Par Mere kayi jaanne wale uchh jaati ke mitra aur mere ghar ke khud kahte hai ki jaati dharm mein WO bhed nahi karte par sachhai ek dam vipreet hai,  saaf hai log kahte kuch aur mann mein unke kuch hota hai

Sach to ye hai Sarkar ko sakhtai se prachin karm pradhan samaj ki parampara ko laagu karna chahiye, yu aarakshan pratha se kewal manav ki manav se duri badegi na ki kupratha hategi saath hi ek varg ka shoshan hoga, iske liye shiksha aur antarjatiye vivah mahatvpurn yogdaan de sakte hai, atah unhe protsahit kiya jaaye evam adhik se adhik shiksha ka prachaar prasaar kiya jaaye, saath hi nimn jaati ke logon se anurodh hai mera ki WO Sarkar se aarakshan ki mang na kar samanta ki mang kare, jaati-dharm evam upjaati ke sthaan par ek hi naam lagi Bhartiye, agar ham aisa karne mein safal huye to ye sachha uphar hoga hamare purvaj aur Bharat Mata ko hamari taraf se...

Jai hind



Thanks &Regards
   Macks Archu



Sunday 13 December 2015

maar do ma mujhe.................

Aadhunik samaj mein ek ajanmi bachhi ka dard

"Maar do ma mujhe, main nahi duniya mein aana chahati,
Gero ki kya kahu apno ke bhed-bhaaw nahi sahna chahati,
Maar do ma mujhe..............

Main nahi dekhna chahti naaritva ko har din yu lutte huye,
Main nahi dekhna chahati stritva ko ghutke yu marte huye,
Maar do ma mujhe..............

Teri bebasi main dekh rahi hoon, ghar ki garibi bhi dekh rahi hoon,
Tujhe chinta hogi mujhe padane ki, tujhe chinta hogi dahej jutane ki,
Maar do ma mujhe..............

Tere dil ka bojh ban main nahi iss dhara par ab aana chahati,
Mat-pita ki dohari ye prem reet main nahi ab sahna chahati,
Maar do ma mujhe..............

Dansh umar bhar beti ka main nahi aur ab sahna chahati,
Ghar bahar har jagah barabari ka ek adhikar hi main chahati,
Maar do ma mujhe..............

Jo de na sake adhikar samaan samman ka, 
aise samaj mein fir main nahi aana chahati,
Maar do ma mujhe..............

Kya hoga jo ek din naari nahi duniya mein kahi dikh payegi,
Vilupt ho chuke jeevon mein uski gadna bhi yaha ki jayegi,
Maar do ma mujhe..............

Shayad tab samjh aane lage jag ko naari ki ye ahmiyat,
Badal jaaye sabka nazariya shayad badal jaaye niyat,
Maar do ma mujhe..............

Tab tak main nahi fir ab janm yaha lena hoon chahati,
Apmanit hoti naari, begunahi ki saza nahi pana chahati,
Maar do ma mujhe, main nahi duniya mein aana chahati"

Friday 11 December 2015

ishwar vaani-114, nakshtron ka aakar

Ishwar kahte hain: "is pure brahmand mein sabhi grah nakshatra gol hain, iska abhipraye hai shoonya, is shrashti ki shuruaat hi us shoonya se hui, shoonya arthaat kuch nahi,

Is kuch nahi se hi sampurn brahmand ka nirmaan hua, aur uska praman dene hetu hi maine inka aakar bhi shoonya rakha, mera apna aakar aur prakar bhi shoonya hai in graho ki tarah arthaat kuch nahi, par kuch na ho kar poorn sampoorn jaise ye grah shoonya ho kar bhi sampoorn hai,

Aatma ka aakar bhi yahi hai shoonya arthaat kuch nai aur ishwar ke lok ka bhi yahi hai shoonya aakar arthaat kuch na ho kar bhi sampoorn, shoonya ek aisi kriya hai Jo baar dohrati hai jaise koi gola banao aur usme bhaago, tum jaha se shuru karoge wahi aa jaoge par koi shira na paoge,


Waise hi brahmand ki utpatti ki kriya hai, jeev aatmao ki kriya hai, jo nasht hoti fir banti fir nasht fir banti, aisa ananat kaal se ho raha hai aur hota rahega, aur grah nakshtra apne aakar se iska ullekh karte rahenge"

ishwar vaani-113, aatma aur shareer ka rishta

Ishwar kahte hain: "yadhapi aatma shareer ke bina adhuri aur shareer aatma bina apurn hai, fir bhi aatma ko ek nishchit samay ke baad shareer tyaag naye shareer mein pravesh karna padta hai kaaran: jis shareer mein rah kar uske pichhale karm anusaar is janm mein rah kar karm karne ka avsar usse diya iske upraant usse ab agla janm le kar athwa naya shareer le kar apne uddeshyon ki purti karni hoti hai,

Hey manushyo tum Jaan lo ki tum yaha pahli baar nahi aaye ho, tum jab se ho jab se maine praani jaati ki utpatti ki, tumne maanav se phle kitne hi roop dharan kare isse phle aur aakhir tumhe manav jeevan prapt hua, taki tum satkarm kar moksh ki prapti Karo, ye manav jivan karodo varsho mein hi kisi aatma ko milta hai taki wo aatma moksh pa sake, kintu iska anuchit upyog tumhe hi janm janmo ke is jaal mein ujhata rahega aur tum dukh ke bhaagi banoge"

Tuesday 8 December 2015

Bharat ki baala

"Main Bharat ki baala hoon,
Shaktihin nahi balshala hoon,
Mat kahna mujhe ab tum abla,
Ban chuki ab main sabla hoon,

Main Bharat ki baala hoon,
Gyaan ki paathshala hoon,
Mat samjhna agyani mujhe,
Ved--paath ki jwaala hoon,"

Sunday 6 December 2015

mit raha aaj insaan hai

"Dharm ke naam par mit raha aaj insaan hai,
Fela kar dehsat har taraf bik raha insaan hai,
Khatm ho gayi manavta kho chuki insaniyat,
Adharm ki ye ibaadat likh raha aaj insaan hai,

Bebas aur mazlumo ko maar raha aaj insaan hai,
Baha lahu nirdosho ka kya fitrat uski mahan hai,
Nahi sunta cheekh pukar mazlumo ki ye cheetkar,
Apne swaarth ke liye bana raha jag shamshan hai,

Baat chuki usne dharti saari baat raha aasmaan hai,
Baat diya insaan ko usne ab baat raha bhagwaan hai,
Hindu-muslim karte karte dekho ham aaj bhi ladate,
Nafrat ki is aagse nit roz ban rahe Bharat-Pakistan hai-2"

Bharat ko jaati dharm k naam se baatne walo k naam meri chand lines:

Bharat ko jaati dharm k naam se baatne walo k naam meri chand lines:
'sabse pahle main insaan hoon, Hindustan ki main shaan hoon,
na puchhna tum jati dharm mera,
is dharaa ka main samman hoon..'

Saturday 5 December 2015

bhartiye samaj me nari ki sthiti-ek lekh

"Maine Amar Ujala akhbar me ek lekh pada tha jisme likha tha logo ki dharna h: gaaye abhagi ki marti h aur patni aur beti saubhagyashali ki, maine bhi apni ma ke muh se suna hai beti bhagyashali ki marti h,

Kitni vichtra vidamna h stree ki samaj me ek pashu se bhi doyam atithi h, aur dukh is baat ka bhi h aisi stithi me naari ko dhakelne me nari ka hi purush jitna yogdan h, tabhi to vivah ke naam uska daan uaki daas pratha ko darshata h, vivah stree purush dono ka hota h fir stree ka daan kyon?? Kya wah nirjiv vastu ya pashu h jiska daan hua aur pati uska swaami, issi pratha ne naari ko pashu se bhi neeche pahucha diya,

Haal hi me TV pe dekha ek ladki ne shani ki puja kya karli utpaat ho gya, waha ki lok parampra tut gyi, lok patampara bnai purush aur kuch naari virodhi istreeyo ne , WO b us samay jab nari aur b dabi kuchli avastha me thi, aaj thoda sa samay badla aur nari ne waha puja karli to parampra tutne ka dram logo ne kar diya,

Kul mila ka sakte h Bharat abhi bhi dharm k naam par naari virodhi parampara par chal raha h, isme badlaaw ham aur aap aaj ki peedi kar sakti h tabi aane wali peedi ko ham shresh Bharat de paynge"



Macks Archu(Archana)

Thursday 3 December 2015

Ham Bharat ki naari hai,

"Ham Bharat ki naari hai, sushilaa aur shishtaachaari hai,

Mat karna ab shoshan hamara, ham duniya par vaari hai,

Nahi sahenge aur anachaar,har atyaachar tumhi par bhaari hai,

Bahut sah liya hamne dard, ab doyam ki tumhari baari hai,

Karte hai bhed-bhaaw mat-pita Jo, unse ye maang hamari hai,

Karta nahi bhed ishwar, fir kyon unhone betiya mari hai,

Jab aadhi dhara par raaj hamara, fir kyon nahi jivan ki adhikari hai,

Ham naari hai to hua kya, nahi asadhya koi beemari hai,

Fir kyon hamein janne mein tumhe ye kaisi laachari hai,

Adhikar do beton jaisa bas ismein hi tumhari aabhari hai,

Nahi kewal ek nari, beti bahan bahu aur ham hi maahtari hai,

Ham durga aur Kali hai, sachhe samaan adhikar ka abhiyan ye jaari hai,

Le kar rahenge har adhikar apna, ham na kisi se haari hai,

Nibhaynge har farz bhi apna, ham bhi bitiya tumhari pyaari hai,


Ham Bharat ki naari hai, sushilaa aur shishtaachaari hai,

Mat karna ab shoshan hamara, ham duniya par vaari hai-2"



insaniat kho gayi hai-kavita

"Aaj fir hridaye mein peeda ki ye tees hai aayi,
Daal roti sang pankh laga ye mehgai chali aayi,

Thanda pad gaya ye dekho choolha gareeb ka,
Din-raat mehnat wale ne do wakt ki roti na payi,

Tod kar rakh di kamar janta-ae-aam ki ye jisne,
Matakti huyi mehgai ye dekh kaise fir chali aayi,

Ro rahi aaj maanavata khush ho rahaa hai ye neta,
Khud khata shahi panir janta ne sukhi roti na payi, 

Ye chakh rahe swaad chhappan bhog ka yaha to,
Janta ko daal pyaaj aur ye rukhi roti bhi na milpayi,

Koi pa kar shresht pad duniya daure yaha karta hai,
Marta hai kisan roz maut manvta ki yaha hai ho gayi ,

Dekh nazara Bharat ka sara Archu ki ankh hai ro rahi ,
Badal jaati Surat magar insaniat kahi ab hai kho gayi-2"


Monday 30 November 2015

vichitra sapna-modi bagdadi mulakat

"Ek raat dekha maine vichitra sa ye sapana
Tha samne wo chitra jiski nahi thi kalpana,

Modi Ji gaye pegam e dosti le Iraq aur seriya,
Dekh halat waha ke badal gaya unka nazariya,

Saare niyam tod kar wo duniya ko chakma de aaye
baahein felaaye milne modi ji se daude chale aaye,

Mile dono gale jaise barso ke bichhde bhai ab mile,
Is Milan se shuru ho gaye fir ye dosti ke naye silsile,

Jiske peechhe padi hai aadhi duniya ki ye aabaadi,
Hath mein sharbat le modi Ji ke samne tha Bagdadi,

Gale laga modi Ji ko diya unhe ye vishesh samman,
Sau nirdosho ke sarr kaat pahucha diya shamshaan,

Fir baithaya unhe waha jaha rasiyan ke gole the gire,
Charo aur unke khade the Bagdadi ke ye anek sarfire,

Fir usne muskura ke gaana chalayaa 'chikni chameli',
Thahake laga samne unke zinda jala dedi do ki   Bali,

Iske baad dikhaya usne modi Ji ko apna WO addaa,
Jaha zinda dafnane ke liye khudwata unhise gadda,

Fir Garva se usne modi Ji ko dikhaya WO hi dariya,
Jaha masumo ko usne daal pinjre mein tha duboiya,

Dekh ye nazara modi Ji baithe ab kitne khamosh the,
Dekh ye raktpaat ab to kho chuke hosho hawas the,

aane laga modi Ji ke zahan mein ye ab fir vichaar,
Hindu musalman lada hamne bhi kiya nahi atyachar,

Haalat waha ke dekh modi Ji ka dil bhar aane laga,
Itni Bali dekh kar unhe bhi ab to fir rona aane laga,

Yaha Khoon bahane wala kafir nahi ek hi to bhai hai,
mazham nahi aatank ka ye kya insaniyat ki ladai hai,

Maar raha mazhab ke naam nirdosho ko ye beraham,
Dekh atyachaar uske duniya rahi hai har pal  saham,

Bhool gaye modi Ji fir patrakaro se photo khichwana,
Behtar samjha unhone chupchap waha se wapas aana,

Modi ki is bhet par America France ki bhohe tan aayi,
Sunai di mujhe fir ma ki aawaz aur aankhe khul wayi,

Ab samajh aaya mujhe ye sab tha ek vichitra sapna,
Dekh itna sajiv ye raktpat TV par bhi ye nahi dekhna-2"



Sunday 29 November 2015

ishwar vaani-112, ishwar ke lok

Ishwar kahte hain "yadhapi tum sabhine mere vibhinn lokon ke vishay mein suna hai, Jo jaise karm karta hai jis bhi isht ki upasna karta hai us lok ko ant mein prapt hota hai,

Yadhapi is vishay mein main tumhe pahle bhi bata chuka hoon par aaj ka vishay alag hai, hey manushyo jaise ki tum sabhi jante aur mante ho ki ishwar ka lok is dhara par nahi varan anant chhitij mein kintu bhagwan Shankar ka lok shastra mein yahi is dhara par bataya gaya hai, 

Aaj iska rahasya batata hoon, jaise manushya ke karm hote hai bhakti bhawna hoti hai, usi roop mein mujhe WO prapt karta hai, ishwar ke yani mere bhagwan Shankar ke is dhara par lok ka abhipraye hai samast brahmand mein mera vaas hai, yadhhapi tum janm le is prathvi par aaye ho to koi na koi abhaaw tumhe rahega kintu abhawo mein santusht rah ek khushhaal jeevan vyapt kar prani jaati ka kalyan kar sadachar shishtachar ki bhawna banaye rakhna hai, aur ye hi iska mool uddeshya hai,

Iske atirit ek baat aur main batana chahta hoon Jo manushya us aakashiye sagar par yakin nahi karte WO mujh par kabhi yakin nahi kar sakte jaise WO nazar nahi aata waise main par ham dono ka astitwa hai, WO sagar mera hi ek roop hai jiska pratiroop is dhara par hai, yadi uska astitwa nahi hota to pahado par nadi na hoti, ganga ko aakash se dharti par laya nahi jata, 

Is prakar samast Tara mandal aur grah nakshatra us sagar mein waiase hi terte rahte hai jaise dharti par vibhinn deep samuh"

Saturday 28 November 2015

betiya kya nakusha (anchahi) hai- ek laikh

'Abhi haal hi mein maine ek lekh pada ki Maharashtra mein kuch sangthano ke sahyog se jin ladkiyo ko 'nakusha' bulaya jata tha ya mata-pita evam pariwar ne unhe ye naam diya tha unka naam pariwartan kiya ja raha hai aur kayi ladkiyo ka ho bhi gaya hai aur waha isse khush bhi hai,

'Nakusha' arthaat anchahi, Jo beti anchahi hoti hai usse is naam se pukara jata hai, par sawal ye hai betiya to anchahi hi hoti hai, jitni prathna beto ke janm ke liye log karte hai, unke liye vrat upwas unki lambi aayu ke liye karte hai beti ke liye koi nahi karta, sach to ye hai khud ko aadhunik kahne wale Bharat bane India ki soch wahi rudiwadi aur pichhdi hai, aurat ko doyam darza dena aur usse maatra bachha janne, ghrah karya wali naukrani, pati ki khaas dasi ke atirikt kuch aur nahi samjha jata,

Hal hi mein Taslima Nasrin Ji unka parichay dene ki jarurat mujhe nahi hai unke vichar pade, wo kahti nariwadi hote huye bhi wo beti ko janm nahi dena chahti, wo nahi chahti unki beti ke saath chhed-chhad, balatkar, dahej pradna jaiai ghatnaye ho, bhale usse gharbh mein maar diya jaye aur ye aurat ka hak hai kise WO janm de aur kise nahi, WO kahti hai is prakar ki ghatnao ke karan ladkiya 'nakusha' hain,

Par sawal ye uthta hai unhe janm na dena ek behtar vikalp hai, pahle mujhe bhi lagta tha bhed bhaw wale jivan se maut bhali, par kewal ladki kyon iski Bali chade, ek ladki/mahila ke saath durachar karne wala purush hai to dand usse mile,kyon beto ke janm par utsav sa mahol aur beti ke janm par gamgeen, aakhir jab beti ye soch ke anchahi ki uske saath kuch galat na ho jaye ya bhari dahej ka bojh sarr mad gaya, to beta janne par kyon nahi sochte ek aur balatkari aur dahej lobhi as gaya,

Samasya ka hal kisi bhi bhed bhaaw aur janm na dene ke faisle se nahi niklega, aur na hi pradhan mantri ke 'selfi with daughter' abhiyan se, samasya ka hal betiyo ko kanooni WO bhi sakhtai se betiyo ko petrak sampatti mein hak, shiksha mein barabari ka hak, career banane mein poorn adhikar, iske saath ek aur kanoon Jo mere bachpan se hi zahan mein raha hai, aur Maine bhi bhed-bhaaw ke dansh ko saha hai, wo ye ki bhed bhaaw karne wale mata-pita ke khilaaf kanooni karwahi, kam se kam 2 saal ki saza aur nagad zurmana, jisse sakhti se lagu kiya jaye, yadi aisa ho to kisi ladki ka naam na to 'nakusha' hoga aur na badna padega. Iske saath hi Jo unke saath kaisa bhi durvyavhar kare sakht karyawahi ho, tab shayad is desh mein nari hi sadiyo purani 'nakusha' sthiti mein sudhar ho..'



Friday 27 November 2015

jaati-dharm ke naam-kavita

"Jaati-dharm ke naam par ye fela kaisa vivaad  hai,
Chahu or bikhara mazab ke naam aaj atankwad hai,

Ho rahi hinsaa har taraf ro rahaa ye aaj insaan hai,
Duniya ki hinsaa mein shahar huye  shamshan hai,

Dehsat bhari duniya mein aatank ko hi samman hai,
Ashko ki duniya mein insaniyat ka na koi nishan hai,

Hathiyaro se khushi dhundta shakhs nawo nadan hai,
Dekh inhe roti dharaa wo rab bhi  aaj bada herana hai 

Har taraf bikhare yaha lasho ke dher gam hi abaad hai,
Vibhajan bhari is duniya mein dard hi aaj zindabad hai,

Jaati-dharm ke naam par ye felaa kaisa vivaad  hai,
Chahu or bikhra mazhab ke naam aaj atankwad hai-2"

Wednesday 25 November 2015

haathon mein jaam-kavita

"Haathon mein jaam hai,
Kya ye hasin shaam hai,
Baithe hai yaad mein teri,
Us bewafa ka dil gulam hai,

Tere bina jeena mera haram hai,
Tere bina na mera koi naam hai,
Dubi hu mohabbat mein teri aisa,
Mujhpe duniya ka ye ilzaam hai,

Uski nazar mein mohabbat ka ek daam hai,
Uski nazar mein mohabbat to bas aam hai,
Roz milte hain yaha usse uspe marne wale,
Uski nazar mein dil todna ishk ka inam hai,

Uske liye hi hoti meri subah aur shaam  hai,
Uske bina jeena ab to  ye  mera  haram  hai,
WO mujhe chaahe ya   na chahe marzi  uski,
Uski yaadon mein khona hi mera kaam hai"

Tuesday 24 November 2015

neta saare

"Kar shararat oochi oochi ithlaate neta saare,
Dekh imaarat unchi-unchi itraate neta  saare,

Kyon bebas tadapti bhid unhe nahi dikhti hai,
Mehgai ki maar dekh muskurate neta hamare,

 karti aatm hatya ye janta unhe nahi dikhti hai,
Nirdosho mazlumo ki maut pe haste neta saare,

Bhukhi-pyaasi janta unhe kaise hasin  lagti hain,
Behte in ashko pe muskutate hai neta hamare,

Do wakt ki roti ki khaatir kitno ki asmat lutti hai,
Sun kar unki ye chitkar haste hain neta saare,

Ye rahte mehlo mein garib ki jhopdi na dikhti hai,
Tod aashiyana garib ka ithlaate hain neta saare,

Kitni ummidon se ye janta unko to bas chunti hai,
Kar bewafai sabhi se ithraate ye hain neta saare,

Aur gaddar na dekhe kabhi  Bharat mahan mein,
Archu kahe unhe dekh kar ye hai mere neta pyaare"

Monday 23 November 2015

ishwar vaani-111

Ishwar kahte hain "Jo vyakti kisi se ghrana karte hain, upekshha karte hain, WO shaakshat meri upekahha karte hain, mujhse ghrana karte hain, kyonki sampoorn shrishti evam sampoorn jeev aatma ka janm data main hoon,

Maine is sampurn brahmand mein kuch bhi atirikt evam anavashyak nahi banaya hai, apni apni sabki upyogita hai,

Isliye hey manushyon kisi se kisi bhi jeev se na ghrana karo na hey drishti se na dekho, Jo vyakti aisa karta hai wo meri kripa khota hai"

Thursday 19 November 2015

aata hai ye vichar-kavita

"Mere mann mein aata hai  ek    vichaar,
Dekh duniya mein itnaa ye   vyabhichar,

Kyon na kanooni ho jaaye bhrashtachar,
Purashkrat ho WO Jo karte hai atyachar,

Saza mile usse Jo dikhaye shishtachaar,
Jail jaye shakhs jo darshaaye   sadachar,

Unche ohade mile usse kare     anaachaar,
Unche samman payeJo kare     duraachar,

Mot mile use jo darshaye uch achar-vichar,
Tabi uncha uthega desh jab gunjegi chitkar,

Garib ashaayon ki hogi chahu oor   hahakar,
Na suni hai na sunega unki koi fir    pukaar,

Ram nahi Rawan ka hi dikhega yaha    darbar,
lazzit ise ho shayad jan-jan me laute sanskar,

Mita ke apni har burai fele fir yaha sadachar,
Aata hai man me mere Bharat ke liye ye vichar-3"

Wednesday 18 November 2015

har khushi mil gayi hai-kavita

"Tumhe kya bataye kitna chahte hain tumko
Apni har khush mein bas paate hain  tumko,
Kaise toot kar bikharte hain ham zamin  par,
Kya tumhe bataye dilme basate hain tumko,


Meri khushi ka sahaara  tumhi   ho,
Meri Is zindagi ka aasra  tumhi   ho,
Nahi guzarta ek lamha bhi ab mera,
Meri khwaaisho ka kinara tumhi ho,

Tum bin hamari ye tanha thi zinadagi,
Tum bin hamare na dilme thi bandagi,
Suni si in raho pe akele raahi the ham,
Tum bin hamare  na koi thi bulandagi,

Tum Jo mile ho har khushi  mil   gayi  hai,
Kho chuki in labon pe hasi  mil   gayi   hai,
Jo akele mein rote the din  aur  raat   ham,
Tum jo mile ho har madhoshi mil gayi  hai



Tumhe kya bataye kitna chahte hain tumko
Apni har khush mein bas paate hain  tumko,
Kaise toot kar bikharte hain ham zamin  par,
Kya tumhe bataye dilme basate hain tumko"

Tuesday 17 November 2015

ek lekh-shoshankari tyohaar

Mere mann mein bahut baar ye baat uthti hai ki hamare samaj mein jitne bhi tyohar hai lagbhag kaafi saare purush pradhan hai aur jinhe streeya bade hi chaaw se manati hai, yaha in tyoharo ka naam le kar unki manyta ko thess pahuchane ka uddeshya mera nahi hai par hint kaafi hoga batane ke liye,

Jane kab se mahilaye pursho ke liye kabhi patni ban vrat upwaas rakhti taki unki umar lambi ho aur WO jeete Ji suhagin rahe, kabhi bhai ke liye bhooki pyaasi rah puja karti hai taaki bhai ki aayu lambi ho aur WO uski raksha kare to kabhi putra ke liye mahilaye vrat upwas karti hai taaki unki aayu lambi ho,

Jaane kisne ye parampra banayi aur kabse mahilaaye isse manati as rahi hai WO bhi khushi khushi, par sawal ye hai mahilao ke liye koi tyohar kyu nahi bana aaj tak ya hua aaj tak, Jo aalochak hai mere vichaaro ke WO kahenge aakhir navtatri hai na mahilao ke liye par usme chhoti bschhiyo ka pujan apne swaarth sidhhi hetu log karte hai na unki lambi aayu aadi ke liye saath hi ek ms ek bahan ek patni ki lambi aayu aadi ke liye purush dwara koi anushthan wala koi tyohar nahi hai,

Agar dekha jaaye to iske peeche sadiyo pahle ki purush pradhan soch aur un par nirbharta rahi hai, jise dharm aur aastha ka naam le kar streeyo ko moorkh bana tyohar ya utsav ka roop de diya gaya, aur vidambna dekhiye aaj ki aadhunik aur padi likhi mahilaaye bhi is shoshankari riwazon ko khushi khushi aage bada ek nayi dabi kuchli peedi taiyaar kar rahi hai, aur is prakar ye sadiyo purani parsmpara aage bad rahi hai,

Par Jo bhi ho, bhale aaj ki naari har kaarya mein shashakt ho par in riwazo dwara wo nari ko 21vi sadi mein bhi peeche thakel rahi hai, mujhe lagta hai ab in tyoharo ka purana uddeshya tyaag kewal ek saath khushi manane ka uddeshya yaad rakhna chahiye tabhi shayad nari jaati ka paaramparik shoshan kam ho sakega aur samaj ko naya sandesh milega kyu ki is rudiwadi samaj se shoshankari tyohar to ruk nahi sakte, kam se kam shoshankari tatva kam ho sake ..


dilki sogaat layi hai..

"Aaj fir mere is dil ne li angdai   hai,
Aaj fir chalte chalte teri yad ayi hai,

Barso se akeli hoon  in raaho  mein,
Fir kyu udaasi mann mein chhai hai,

Kahne ko hoon akeli is bheed   mein,
Par saath mein meri hi ye tanhai hai,

Tu samajhta hai dur mujhse khudko,
Par Sang mere teri hi parchhayi   hai,

Zakhmo ke ye tohfe diye   tune  bahut,
Har sitam par maine muskan sajai hai,

Kabhi rahta tha tu hriday mein hardam,
Aaj beech apne kaisi  milo ki  khayi  hai

Tu bhula chuka hai meri ye   mohabbat,
Par Archu tere liye dilki sogaat layi hai"

Monday 16 November 2015

geet... geet gaata hoon

"Geet gaata hoon geet gaaunga geet hi main gun gunaunga,
Saath nibhaata hoon saath nibhaunga saath hi rah main jaunga,

Mohabbat karta hoon karta jaaunga nahi tujhko tanha kar jaunga,
Pyaar mein tere marta hoon umar bhar ke liye fana ho jaunga,

Dil ek tujhko diya maine, hamsafar bas tujhko chuna maine,
Jeevan ka rahi maana tujhe maine, apna hamrahi banaya tujhe maine

Geet gaata hoon.............................................

Mann mein rahti hai tu mann mein basaunga mann ke mandir mein tujhe sajaunga,
Saanso mein tahti hai tu dhadkan banaunga tujhse juda ab na ho paunga,

Teri hi mohabbat ki ek pyaas hai mujhko bin tere pyaasa rah jaunga,
Door tujhse ja kar bahut jiya hoon par ab door tujhse rah kar na Ji paunga,

Tere liye hi to aaya hoon tera saath hi nibhaunga tujhe sang apne le jaunga,
Bahut akela raha hoon is mehfil mein bin tere ab har lamha tujhe saath apne paunga,

Kitna rota tha kitna roya hoon tujhe kya pata kya main khoya hoon,
Bas ibaadat teri karta tha main to ibaadat teri karta jaaunga,


Geet gaata hoon geet gaaunga geet hi main gun gunaunga,
Saath nibhaata hoon saath nibhaunga saath hi rah main jaunga-2"









banti hai kavita

"Wakt Milne se nahi shabdo se banti hai kavita,
Khushi Milne se nahi ashko se banti hai kavita,
Yu to likhne wale bahut hai duniya ki mehfil mein,
Ahsason ko shabdo mein pirone se banti hai kavita"

Sunday 15 November 2015

mit rahi zindgi hai

"Sisak rahi maanavta ro rahi bandagi hai,
Dharm ke naam par mit rahi zindagi hai,

Bhula insaniyat shetaniyat aaj bikhari hai,
Dekh ye duniya-daari ro rahi bandagi hai,

Behta rakt dekh rota hai rab mera aur tera,
Apno ko marta insaan ro rahi bandagi hai,

Khoon ki holy khelta insan bada abhagi hai,
Dekh zakhm masumo ka ro rahi bandgi hai,

Na baati rabne duniya baat diya insano ne,
Dard bhari duniya dekh ro rahi bandagi hai,

Sisak   rahi maanavta ro rahi  bandagi  hai,
Dharm   ke  naam par mit rahi zindagi  hai"

Monday 2 November 2015

mombatti- kavita

"Jalti pighalti hoon tab ujiyara hai hota,
Dekh mujhe aise chiraag sada hai bolta,

Jalti pighalti andhere mein roshni karti,
Dekh Teri ye kismat dukh mujhe hai hota,

Nahi sochti apne liye mit ti sabke liye,
Dekh Teri ye kurbani man mera hai rota,

Mitaati haste haste apni is hasti ko tu,
Mita ke tujhe ye zamana chen se hai sota,

Tu to khoti hai apni ye zindagi saari yaha,
Bhula kar tujhe ye sansaar kya hai khota"



एक स्पेलिंग मिस्टेक की वजह से एक किताब की 10 लाख कॉपी दो दिन में ही बिक गईं।

 दरअसल, ये गलती उस किताब के टाइटल में हो गई थी।

 किताब का नाम था-
'एक आइडिया जो आपकी Life बदल दे'

और गलती से हो गया-
'एक आइडिया जो आपकी 'Wife बदल दे'
😄😄😄😄😄😄😄😄😄

Saturday 31 October 2015

nafarat ki aag.....

"Nafarat ki aag mein aaj ye jal raha insaan hai,

Baha rakt nirdosho ka ye duniya desh mahan hai,


Jaati-dharm se naata jinka iska hi ye parinam hai,

Dwand ki is agni mein duniya bani shamshan hai,


Behte ashko ki peeda na puchhe koi ab to yaha,

Rote-bilakhte mazloomo ka hi ab to ye zahan hai,


Mar chuki insaaniyat yaha chhayi to shetaniat hai,

Hridayhin is duniya ka aaj devta hi bana shetan hai,


Kabhi zindagi bhi mahakti thi yaha gulshan mein,

Aaj dikhte nahi yaha aise kahi wo nishaan hai, 


Lut rahi khushi kahi to lut rahi yaha insaaniyat hai,

Lutera in bebasi ka wo shakhs kya yaha nadan hai,


Feli har taraf ye cheetkar behti rakt nadiyo ki dhaar,

Har taraf ashruon ka fela pada yaha ye saaman hai,


Maar kar aaj apno ko kaise fakra karta khada hai jo,

Kuchal dharaa ko perro tale muskura raha insan hai,

Nafarat ki aag..............."

aaj hi ka din hai jab tum-kavta

Archu
"aaj hi ka din hai jab tanha tum kar gaye the,
aaj hi ka din hai jab akela tum kar gaye the,
roti bilakhti din-raat tadapti tumhare intzar mein,
aaj hi ka din hai jab dil tum mera tod gaye the,
aaj hi ka din hai jab tum dur mujhse ho gaye the,
aaj hi ka din hai jab tum khwab mera tod gaye the,
khushi ki ik hasrat hi to maine tumse bas ki thi,
aaj hi ka din hai jab tum rula kahi chale gaye the"

Thursday 29 October 2015

do alfaz

"ek teri hi aas hai dil mein
bas ek Teri hi pyas hai dilme,
tujhe kya pata ae hamdam,
har pal tera hi ahsas hai dilme,"


"Tumse milan ki aas hai dime,
Ek tere  ishq ki pyas hai dime,
Dur   raho yà   raho   tum  paas
Har lamha tera ahsas hai dime"



ishwar vaani-110, ishwar aur devta

Ishwar kahte hain ''yadhhapi mera koi roop rang aur aakar nahi hai, bhakto ki ichha anusar evam desh/kaal/paristithyo ke anurup main roop leta hoon,

Kintu main hi shrishti nirman hetu vibhinn roop mein sarvapratham utpann hua jinhe log bhinn bhinn naamo se log desh/kaal/paristithyo ke anusar jante hain,

Mere yahi roop bhi ishwar aur devta mein bhed ka pratik hai,

Main tumhe aaj fir saral shabdo mein ishwar aur devta mein bhed batlata noon,

Ishwar usse kahte hain Jo sarvashaktiman to hai kitu uska apna koi aakar nahi hai, jisko kisi ne janm nahi diya na uska ant hoga,

Devta yadhhpi usme mere saman hi shaktiya hoti hai kintu meri ichha anusaar hi uska sansar mein janm hota hai aur nishchit samay baad uske bhi bhotik swaroop ka ant,

Kintu isme do raaye nahi hai ki sabkuch meri ichha se hota hai, kahi na kahi ye sab mujhse juda hai, isliye tum chahe jis roop aur jaise bhi mujhe ya mere kisi bhi roop ko yaad Karo par karo jarur, ishwar ya devta jise pukaro par pukaro WO hi tumhara kalyan karenge, ye WO vibhinn maarg hain jin par tum chal kar mujhe prapt karte ho,

Jesus Jo mera arthaat ishwar ka putra kahlaye unki bhakti tumhe mujh tak hi pahuchati hai, iske saath hi ishwar aur devta mein Jo antar hai WO darshati hai yadhapi jesus mein mujhse kam shaktiya nahi thi kintu wo ishwar ka putra hi rah, usi tarah mere anya roop hai, tum chahe jiski aaradhna karo par mujh tak hi pauchoge, aisa nahi hai log 33 karod mere roop mante hain aur unke alag lok, priye bhakto lok to ek hi hai WO hai mera kintu jiski bhakti karte ho WO mujh tak tumhe laane ka mere dwaara hi banaya gaya marg hai"


Tumhara kalyan ho






ishwar vaani-109, ishwar ke grahasth hone ka pratik

 Ishwar kahte hain "hey manushyo yadhapi tumne mere adhiktar grahasth jeevan ke darshan kiye hain, kintu shayad hi iska abhipraaye aur pratik pata ho,

Aaj main tumhe iska abhipraye aur pratik batata hu,
Mere grahasth aur shadishuda is baat ka sanket hai sansaar mein stree-purush dono hi behat mahatwapurn hain evam sansar mein utpatti ke liye inki kitni aavshyakta hai,

Iske saath hi ye is baat ka pratik hai ki main hi tumhara evam srashti samast ka janak palak aur sanharak hoon"


Tumhara kalyan ho

Saturday 24 October 2015

muktak-ek masoom si kali

'ek maasoom si   kali ho  tum,
mujhse kabhi na  mili ho  tum,
samai par ho mann  mein aise,
banke pushp dilme khili ho tum"

Friday 23 October 2015

dhokhe hazar hain-rachna

"Mohabbat ki mehfil mein dhokhe hazar  hai,
Dur talak dikhne par ye lagti kitni gulzar  hai,

Ishk ki chahat liye har dil kaise  tadaptaa  hai,
Mohabbat ke liye aaj saje jismo ke bazar  hai,

Mohabbat   ke to aaj saudagar hai  beshumar,
Sachhi chahat ki aaj ye dekh bani mazar   hai,

Ishk ke naam  par aaj jismo ke hai  karkhaane,
Kisi ko marne ka ishk ab ek behtarin auzar hai,

Mohabbat   ki mehfil  mein dhokhe   hazaar  hai,
Dur talak dikhne par ye lagti kitni gulzaar hai,-2"

Thursday 22 October 2015

na jaane kis soch mein hain ham-kavita

"Na jaane kis soch mein baithe hain ham,
Kabhi haste to kabhi rote hain ham,

Kabhi rahte gumsum se to kabhi kahte hai ham,
Kabhi kuch kahte kabhi kahte rukte hain,

Kya ye unse rishta pyar kaYehi soch badbadate hai,
Chalte huye sochte hai Kahi dur na nikal aaye ham,

Wakt aur rasto ka na pata hai kuch,
anjan in rasto par bahak na jaye ham,

Har kisi ko bhula sabse nszar chura
 kis oor bada rahe hain apne kadam,

Sath unka pa hu har kisi se bekhabar
Bhula apni manzil pe bad rahe hain ham,

Na Jaane kis soch mein baithe hain ham,
Kabhi haste kabhi rote hain ham-3"



Wednesday 21 October 2015

ishwar vaani-108, manushya kya ishwar se bada hai? ek sawal..

Ishwar kahte hain "hey manushyon jis prakar main praniyon mein bhed nahi karta, sabko saman prem aur samman deta hoon tum kyon karte ho,

Hey manushyon kya tum mujhse bhi samajhdar aur vayask ho Jo aisa vyavhaar na sirf praniyo apitu apni manav jaati evam apne hi ghar mein bhi karte ho,

Hey manushyo jaise mere grah Jo tumne apni aastha anusaar banwaye, waha tumhare atirikt vibhinn jeev jaise machhar, chhikali, kukoor aadi jeev aa jaate hai kintu main ghrina nahi karta kyonki main janta hoon ye meri hi santaan hai, maine hi unhe janm diya, to bhala apni hi santaan ke saath kaisa bhed bhaaw,

Kintu hey manushyo tum na sirf meri banayi har rachna chahe prani jaati ho ya prakati usme bhed bhaaw evam uska shoshan karte ho, yaha tak ki apne hi pariwaar mein stree-purush mein bhed karte ho, tumhari aisi pravatti manviye nahi hai, yadhhapi tum jaise na dikhne bolne walon ki pravatti tumse shresht hai, WO bhed-bhaaw rahit jeevan jeete hain,

Hey maanavon apni pravtti par ankush lagao, in bhed-bhaaw ke jeevan shely ka ant kar sabhi pradiyo se prem karo, yadi tumne kisi bhi jeev ko kasht diya to WO kasht mujhe milta hai ye jaan lo, tum meri rachna ka uphaas aur upeksha nahi kar sakte, yadi apna vartman vyavhar tumne na sudhara to nishchit hi main manav jaati ka sanhaar karne sheeghra upastith hona jiska uttardayi manav swam hoga"

Apka kalyan ho

Sadguru shri Archana Ji ki ishwar vaani





ishwar vaani-107, sachhe guru ke lakshan

Ishwar kahte hain "priye bhakton yadhhapi aap sabhi ne prithvi lok par apni apni vichardhara ke anusaar guru banaye honge, unka maan samman mere tulya hi karte honge, unki baat brham vaakya maan unke aadesh ka palan karte hone, unki katha aur pravachan sunte honge, ye achhi baat hai, kintu aaj main tumhe batane ja raha hoon ki guru ki kaun kaun si baat hain Jo apko nahi manni chahiye aur kyon.

Aksar guru kahte sune jaate hain Maya ka tyaag karo, bahut se to kahte hain apni dhan-sampatti mujhe do, taki aashram vasiyo ka palan poshan ho sake,

Kintu bhakto aisa kadapi na kare, kaaran main batata hoon, yadi guru sachha saint hai to usse is maya aur dhan-dampatti ki kya aavshyakta, usse daan ye yadi tum doge to tum bhi paap ke bhaagi banoge aur WO bhi, kyon?? Kyonki tum ye sab de kar usse moh Maya mein uljha rahe ho jabki WO iska tyaag kar chuka hai, iske saath hi wo is daan ko sweekar karta hai to wo paap ka bhaagi hota hai, saath hi ye uske paakhand ka pramaan bhi hai, ek sachha saint tumhe maya tyagne ki baat avashya kahega kintu kisi bhi roop mei tumse bhi na lega,

Maya tyagne ka asal abhipraaye jitni tumhari saamarth hai, jitna tum apne guru ko daan dene ki ichha rakhte ho, utna daan jaruratmand insan, pashu-pakshi ki sewa aur bhalai mein lagao, aur Jo guru aashram ke vasiyo ke liye dhan mangte hain, bhoomi aadi kuch bhi mangte hai, mat do, karan aisa karne se unme aalasya, dharm ke naam par thagi, aur maya dosh lagega aur tum bhi barabar ke bhaagi hoge,

Isliye jo aashram karmi sharirik roop se swasthya hai, wo prachin bhiksha vidhi, guru shishya parampara anusaar guru dakshina mein kuch dhan arjit kar sakte hain jintu utna hi guru dakshina mein le sakte hai Jo uchit ho aur jiska moolya ameer-gareeb mein bhed na karta ho,

Aisa saadhak hi sachha guru hai, anyatha pakhandi"


Aapka kalyaan ho

Sadguru Archana Ji ki ishwar vaani






Monday 19 October 2015

ishwar vaani-106, sadguru shri Archana ji ki ishwar vaani- yug kya hai..

Ishwar kahte hain "yadhhpi tum sabhi ne yug pratha ke vishay mein sun rakha hai  pratham yug Satyug dwitiye Treta tratiye Dwapar chaturth Vartman yani ki kaliyug,


Aksar vibhinn dharnao ke log manavo ko bhramit karne hetu ye kahte jaate hain 'kaliyug jaane wala hai satyug aane wala hai, kintu unhe yug vaastav mein hota kya hai ye nahi pata


Yug koi devta ya shetan nahi hai jiske aane jaane se achha ya bura hoga, vaastav mein ye shrasti ki avasthaaye hai jaise ek vyakti ki chaar avasthaaye mukhya hai-sheshvastha, balyavastha, prodavastha, vradhhavastha, iske baad uske bhautik shareer ka ant aur aatma ek nayi kaya aur naye kaarya hetu chali jaati hai,

Usi prakar hai yug pratha Jo shrashti ki chaar avasthaye hain, Satyug hai sheshav avastha, us kaal ke log ek shishu ki bhati nihswarth aur pavitra hote the, saatvik hote the, samast buraiyo se dur unka mann ek shishu ki bhaati sachha pak aur paawan hota tha,

Fir aaya Treta yug, yaani ki yug ka balyakal, ek balak ki bhaati us samay kuch kuch swaarth to kuch kuch bholapan ek shishu ki bhaati raha, is yug mein shetaan balak ki bhaati kuch manushyo ka vyavhaar raha jise raakshhash ki Santa di gyi,

Fir aaya Dwaapar yug athwa prod yug, is yug ke maanavo ka vyavhaar prodon ke saman swarthy tha, chori, jhooth, fareb, streeyon evam bujurgon ka apman, satta aur shakti ke liye apno ka rakt bahana, is prakar ka vyavhaar us yug mein manav ka raha,

Fir aaya vartman kaliyug, ye ek vradhh yug hai, is yug mein maanav ki budhhi bradht evam bujurgo jaisi hogi, paap aur swaarth apne charam par hoga, apne bheetar sabhi yugo ka anubhav isse hoga kintu umar ke is padaaw ke kaaran sahi aur galat mein bhed na kar payega, aur is tarah nishchit samay baat mritu ko prapt hoga, jiske falswaroop samast brahmand nasht hoga, jeev nasht honge kintu is yug mein bhi satyug jaisi soch aur kaarya karne wale log hi jeevit bachenge aur shashreer ishwar ke paas jaynge aur fir se is yug pratha mein sarvprtham janm lenge"

Apka kalyaan ho









Friday 16 October 2015

mera naam dil-geet

"Tera naam kya ,mera naam dil,tera naam kyamera naam dil,
Tera kaam kya,Mohabbat hai mera kaam,Suna hoga premiyo se naam,
Tera kaam kya,Mohabbat hai mera kaam,Suna hoga premiyo se naam,
Tera naam kya?Dhadkan hai mera naam,
Tera naam kya?dhadkan hai mera naam,
Tera kya kaam,Dilme rahna mera kaam,Bin dhadkan dil to hai beman,
Tera kya kaam,Dilme rahna mera kaam,bin dhadkan dil to hai beman,
Sun haan sun,dil tu to jara sun,
Kyo aksar tu kho jata hai,Tera sauda ishq mein kyon ho jata hai,
Rahta hai tu kisi ke seene mein,Fir kaise premiyo ke paas chala jata hai,

Ae meri dhadkan sun,Mujhme basne wali tu bhi ye sun,
Hoon main mohabbat mein badnaam,Bin mere aashiq ka kya hai kaam,
Aakhon se utar karMohabbat mujh take aati hai,
Pahle milte hain nena,Aankhon aankhon mein baat ho jati hai,Dil mein basti hai soorat sanam ki,Dhadkan to hoti hai seene mein,Aashiq usi se ho jaati hai,
Do nena sanam ke mujhe chura le jaate hai,Rahe chaahe dur jitna WO sajan se,Har taraf usse hi to wo paate hain,
Sun dhadkan ye hai mera kaam,Isliye hoon main to badnaam,
Sun dhadkan sun,Haan sun dhadkan sun,
Rahti hai tu mujhme par hai tera kya kasm,Oo kya hai tera kaam,
Sun dil deewane meri bhi tu sun,Haan sun dil deewane meri bhi tu sun
Chala jaata hai tu premiyo ke sang,Par bin mere bekar hai shareer ka tu ang
Dil ka sauda karte hai premi,Par dhadkano par tasvir uski lagate hai,Muh se kuch na bole WO par,Dhadkano se hi pukarte hai uska naam,
Ae sun dil deewane jaan le tu bhi mera ye kaam,Bin mere tu kuch bhi nahi hai,Jo main nahi to dil ho ke bhi nahi hai,Hoon main khaas kitni ye tu bhi le ab man,

Oo tera naam kya,mera naam dil,
Tera naam kya,Dhadkan hai mera naam,
Tera naam kya,Mera naam dil
Tera naam kya,Dhadkan hai mera naam"