Friday 29 January 2016

ishwar vaani-117, ishwar aur bhagwan

Ishwar kahte hain "yadhhapi har wo praani devta athwa bhagwan hai Jo aavshyakta par dusron ki sahayata karta hai, yadi aavshyakta par koi tumhari sahayata kare to wo hi tumhare liye bhagwan hua,

Yadi koi vyakti kisi ek vyakti ki athwa kinhi vyaktiyo ki sahayata karta hai to uska bhagwan hua, aise hi yadi koi vyakti samaj ka kalyan karta hai samaj ki sahayata karta hai to pura samaj usse athwa samaj ka devta kahlata hai,

Yadhhapi main hi praani aur samaj ke kalyan hetu aise vyaktiyo ko dharti par bhej nimn kaaryo ke liye niyukt karta hoon,

Yadhhapi apne bhagwan ki araadhna dwara vyakti mujh tak hi pahuchta hai, ye to maarg hai mere paas aur mere karib aane ke kintu lakshya aur manzil main hi hoon aadi kaal se ananat kaal tak'

Aapka kalyan ho

ishwar vaani116, ishwar aur devta

Ishwar kahte hain "hey manushyon yadi koi tumhe khud ko devta ya bhagwan kahe to usse kisi prakar ki bahas na kare aur na hi nakaratmak soche,

Kaaran koi bhi jiv aatma bhagwan aur devta to ban sakta hai kintu ishwar aur parmeshwar to ek hi hai wo swam main hi hoon,

Devta athwa bhagwan ye naashwan bhautik sharir dharan karte hai evam nishchit samay ke baad unhe iska tyaag karna padta hai, kintu ishwar athwa parmeshwar wo naashwan nahi hote,

Samast grah-nakshatra evam samast brahmand naashwan hai, is dhara par satyug/treta/dwapar/kaliyug mein vibhinn devi devta desh/kaal/paristithi ke anusaar aaye aur ek samay ke baad bhautik deh tyaag kar WO chale gaye, kintu parmeshwar naashwan nahi hai, ishwar aadi kaal se hai the aur rahenge,

Devta ya bhagwan vyakti mata-pita, stree, chikitshak, shikshak aadi ko bhi kahte hai, har wo vyakti devta hai Jo hamari sahayata karta hai chahe uska roop swaroop kuch bhi ho,yadi pani mein dubti kisi cheeti ke tum pran bachate ho to tum uske liye devta huye,

Kintu ishwar ek hi hai Jo main hi hoon, aadi kaal se ananat kaal main hi hoon, samast aatmao ka swami main hi hoon, main hi samay hoon, main hi kal aaj aur kal hoon,

Hey manushyon maine tumhe devta athwa bhagwan aur ishwar ke vishay mein bataya, hey manushyo har wo maanav devta kaha jaata hai jisme saadhu, saint evam sanyasi wale samast gun hote hai, kintu yaad rahe bhautik swaroop ka naash har kisi ka hota hai chahe wo devta ho ya anaya jeev, sirf ishwar hi naashwan nahi hai"


Thursday 28 January 2016

ishwar vaani, saadhu, saint, sanyasi mein bhed-115

Ishwar aaj hame batate hain: "hey manushyo aksar tumne teen naam 1-saadhu, 2-saint evam 3-sanyasi suna hai, kintu inme bhed aur antar kya hai tumhe ya tumme se kinhi ki ye pata hai, aaj vistar se tumhe main inka bhed batata hoon,

Sabse pahle baat karte hai saadhu ki, saadhu wo hai Jo sadhna karta hai, jiska aachar vichaar satvik hai, kintu saadhu grahasth bhi ho sakta hai aur nahi bhi, kintu apni apni saadhna ka prayog wo apne niji swaarth ke saath samaj ke kalyaan ke liye bhi karta hai, niji swaarth aur samaj ka kalyan kaise karna hai ye uski budhhi aur vivek par nirbhar karta hai, kayi baar saadhak sadhna karta hai apni shakti badane hetu, iske saath samaj ka kuch had tak wo kalyan bhi karta hai. Kintu inhe ham saint nahi kah sakte,

Ab baat karte hai saint ki, saint wo hota hai Jo grahasth ho kar bhi sada ishwar ki araadhna karta ho, iske saath apne kartavyo ka palan karne wala, praani jaati ke liye daya, prem, sahanubhuti rakhne wala, dusre ki peeda mehsoos karne wala, nihswarth sewa karne wala hi sachha saint hai, saint ki baat kare to saint sudama ka naam pramukh hai Jo grahsth ho kar apne samast kartavyo ko nibha kar bhi nirantar ishwar ki aaradhna mein lage rahe, sahi artho mein wehi sachhe saadhu aur saint the,

Yadi koi vyakti ishwar ki upasna na kare kintu apne samast kartavyo ka nirwah karta rahe, jisme daya, prem, sahanubhuti, bhauchara, samast jivo ke liye saman prem bhavna evam nimn varnit gun hote hai WO saint ki shtedi mein gina jaata hai,

Ab baat aati hai sanyasi ki, sanyasi wo hota hai jisne samaj se naata tod khud ko ishwar par aprpan kar diya ho, aise vyakti kabhi apne swaarth ke bare mein nahi sochte, pura brahmand hi inka ghar aur samast jiv hi inka pariwar hote hai, ye samaj sudharak aur margdardhak hote hain,

Kabhi kabhi saadhu saint aur sanyasi ek hi hote hai arthat ek hi gun ek vyakti mein aa jaate hai jaise Jesus aur sai baba,
Kintu kuch log naatak karte hai nimn guno ka, aise mein unhe apna guru banane se pahle unki satyata parakh le, aur saadhu, saint evam sanyasi ka bhed thik se jaan lein"

Kalyan ho

Wednesday 27 January 2016

saint archu ki vaani

"krodh hamara sabse bada shatru hai, ye koi atishaktishali bhi nahi hai, kintu ispar vijay prapt karna ati kathin hai, kaaran ham sab kuch kewal apne anukool chahate hai, apni khushi aur santushti chahate hai, ham chahate hai sab hamare anusar ho, aur jab aisa nahi hota tab ham apne is shatru vash mein aa jaate hai, wo ham par haawi hone lagta hai falswaroop kayi baar galat nirnay tak le lete hai jiska pachhtawa baad mein hota hai, isliye is shatru se dur hone ki koshish kare, ye mushkil hai par asambhav nahi,


Iske atirikt hame har paristithi ke anusaar rahne evam dhalne ki chhamta rakhni chahiye, ye jaruri nahi Jo vartman mein samay hai achha ya bura aisa hi rahega, wakt to badlta rahta hai, jarurat hai hame hi har stithi mein khud ko dhalne ki,

Ramayan mein shri RAM Lashman aur mata sita iska pramukh udaahran hai, Jo samast rajkiye sukh vaibhav tyaag van-van abhaavheen jivan vyatit karte hue 14 saal bitaate hai, isi prakar hame bhi unse prerna leni chahiye'



Apka kalyan ho

Sunday 24 January 2016

sachhi kahani

'Sach hi to hai jinhe apno ka pyar apno ke mutabik nahi milta wo aksar gerro mein usse dhundte hai lekin jinhe apno ne na apnaya to gerr se aisee ummid galat hi sabit hoti hai aur natiza dhokha,

Aisi hi ek kahani hai Monika ki, ghar mein do bade bhai aur unse chhoti Monika urf moni, aksar usse lagta ki ek ladki hone ke karan ma-baap uske saath bhed bhaaw karte hai, nanhi Monika iska virodh karti par falswaroop usse upekshha aurw khalipan ke kuch na milta, dikhne mein bhi WO jyada sundar nahi thi isliye usse uski umar ke bachhe dosti nai karte is karan wo is dukh ko andar hi andar piti gayi, ghar mein mata pita ka doyam vyavhar aur bahar badsurat kah kar usse dur bhagte,

Aur is prakar wo anya pashu pakshiyo mein apne liye pyar talasne lagi, lekin jinse bhi usse pyar milta ishwar ko pyara ho jata ya usse dur kisi bhi karan ho jata, aur rah jaati akeli Monika.

Jab wo 23 saal ki hui to apne padosi kiraydar ke ektarfa prem mein pad gayi lekin usse wo iska izhar karti usse phle hi dur kisi shahar mein chala gaya, akeli rah gayi moni,

Lekin kismat ne saath diya uska aur us ladke ka pH. Number aur email id usse mila, usne usse mail kiya aur ladke ne Monika se pH karne ko kaha, moni ne call kiya mail se usse prapose kiya jise ladke ne accept kiya aur dono ki love story shuru ho gayi,

Par iske baad Monika ki zindagi nark hoti gayi dhire dhire, socha to tha usne ki ab mere dukh aur akelepan ka ant hoga par usse yaha bhi shoshan ke saath dhokha mila, dusri baar bhi usne fir prem karne ki galti ki par fir shoshan aur dhokha mila,

Zindagi se thak haar kar aaj WO sanyas Lena chahati hai aur legi bhi, WO ek aisi insaan hai agar aap do shabd pyar ke usse bol do apke liye jaan tak de de, dost kah do umar bhi isse nibhaye, premika bana lo to umar bhar Nina shart saath nibhaye aur jivan saathi bana lo to kismat par fakra karo hamesha,

Lekin usse mila sirf akelapan aur tanhai, kewal samaj se usne prem manga tha jiske badle ye mila, ek aam ladki ki zindagi jina chahati thi WO par ab ekaaki jivan jine pe mazbur hai, bas ek sawal hai kya khata ki thi usne????'

Sunday 17 January 2016

mera dard meri kahani

'khata bas itni c hai mere dosto ki main ek insaan hoon,
aansu nahi dekhe jaate mujhse,
kyon ki main na hi bhagwan hoon,
lutai hai apni har khushi jinhe apna maan kar,
unhi ki di ruswai se main pareshan hoon,
kyonki main ek insaan hoon'


'ye duniya kitni beraham hai,
har taraf bas gam hi gam hai,
pyaar bik chuka har rishte se,
shayd isliye ye ankhe nam hai,'


'mujhe insaan kah kar gaali na dena dosto
kyonki insaan banna mujhe aaj tak aaya nahi,'
hote hai jinke dil kuch aur juba pe alg afsane,
bas wo roop dharna mujhe aaya nahi'

meethi-khushi ka dard

"Zindagi ne bahut rulaya mujhe,
Zindagi ne bahut sataya mujhe,
Kitni koshish ki ashk chhipane ki,
Zindagi ne bahut tadpaya mujhe,

Puchhti hai sabse ye sawal 'meethi'
'khushi' ka ek pal mil na paya mujhe,

Kyon mili har dafa askon ki ye ladiya,
Kyon mili mujhe maut ki hi ye ghadiya,
Aakhir zindagi ki chahat maine hi ki thi
Shayd aise jivan se maut hi hai badiya,

Lutaya is ghar par apna ye nazrana,
Khatm kar diya apna sab ye khazana,
Bas badle mein mihabbat ki chahat thi,
Lut mujhe apnone bana diya begana,

Roti hai 'meethi' aaj apne hi jajbaat par,
Kho gayi har 'khushi' aise hi haalat par,
Duniya ke gam par roti 'meethi-khushi'
Hai tanha aaj itni apni hi issi baat par,

Friday 15 January 2016

maut kitni beraham hai

'jab bhi mujhe tum yaad aate ho,
har raat khwaab mein milne aate ho,
ye mohabbat ka hai asar apni shayad 'Meethi',
'Khushi' zindgi ke bad bhi itna mujhe chahate ho,'


'Dekh tu jara tere jaane ka kitna mujhe gam hai,
Tere bin kitni ye aankhe bhi meri nam hai,
Sitaro mein dhundti hai 'meethi' tujhe aaj bhi,
'Khushi' se juda karne wali maut kitni beraham hai'

Wednesday 13 January 2016

tum dikhte ho

"Ugate suraj mein bhi tum dikhte ho,
Balkhati sham mein bhi tumhi hote ho,
Ye tum ho ya sirf tumhara ahsaas hai,
Dil hai ye mera dhadkan tum lagte ho",

"Uff ye hawa bhi koi geet mujhe sunati hai,
Uff ye fiza bhi mujhe chhede yuh jaati hai,
Tere pyar mein hui bawali aise mere piya,
Ye raat bhi tum bin kitna mujhe satati hai,"

"Mere mann ki gehrai mein tumhi hote ho,
Meri har parchhayi mein tumhi dikhte ho,
Tum dur ho bhale mujhse aaj mere piya,
Meri is tanhaayi mein sirf tumhi hote ho,"

"Meri zindagi ki shuraat tum hi ho,
Zindagi ki har baat bas tum hi ho,
Na tanha kar jana mujhe tum kabhi,
Mera har din aur ye raat tum hi ho,"

"Tum bin na aur ab fhir ji paaungi,
Tum bin jogan ab main ho jaungi,
Jo tod diya dil ye tumne ab mera,
Tum bin mere piya ab mar jaungi"

geet"Tera mera pyaar hai kitna gehra

"Tera mera pyaar hai kitna gehra,
Fhir bhi hai kyon itna yaha pehra,

Tod ke rasmo-riwaaz ki har zanzir,
AAja ghar mere bandh ke tu sehra,

Pyaar hai mujhe tujhse itna
Dhadkan ko dil se hai jitna,

Mita in duriyo ko mere paas aaja,
Bhula in mazburiyo ko pass aaja,

Bana mujhe apni sargam ae sanam,
Ban ja mera sangit tu mere hamdam,

Andhere mein kyon chhipa baitha hai tu,
Kar andhera dur dikha sabko apna chehra,

Gira ke har deewar aaj thaam kar ye haath,
Kar ailaan main hoon sirf teri tu hai mera,


Main hoon tere chit ki chorni,
Tu hai mere mann ka luteraa,

Tera mera pyaar hai kitna gehra,
Fhir bhi hai kyon itna yaha pehra-2

Tuesday 12 January 2016

mohabbat ki thi

''Bas ek khushi ki chahat ki thi,
Din raat bas ye ibaadat ki thi,
Saath unka chaha tha umar bhar,
Haan maine bhi mohabbat ki thi

Ek zindagi mein ye himakat ki thi,
Meethi ne khushi ki kawayad ki thi,
Shayad yahi ek gunah hua mujhse,
 Haan maine bhi mohabbat ki thi'

Dard bewafai ka saha Nahi jata-kavita

"Dard bewafai ka ab aur saha Nahi jata,
Bin tere aur ab akele jiya nahi jata,

Hai jaam aaj zahar ka haath mein,
Teri yadke saye mein piya nahi jata,

Har pal tujhe pukarta ye pagal mann,
Tere bin kuch aur ab kiya nahi jata,

Hai duniya ki 'Khushi' dwaar par meri,
'Meethi' se kuch aur ab liya nahi jata,

Mile fir milan ki aas mein ham bichhde,
Milan ka lamha khudase diya nahi jata,

Har pal ye maut hi hame hai juda karti,
Ye wo vastra hai jise fir siya nahi jata,

Dard bewafai ka ab aur saha Nahi jata,
Bin tere aur ab akele jiya nahi jata"


'Meethi' ne bhi haan mohabbat ki thi-kavita

"Zindagi mein bas ye himakat ki thi,
'Meethi' ne bhi haan mohabbat ki thi,

'Khushi' se bas ek ye hi shrarat ki thi,
'Meethi ne bhi haan mohabbat ki thi,

Din raat bas 'Khushi' ki ibaadat ki thi,
'Meethi' ne bhi haan mohabbat ki thi,

Har lahma 'khushi ki ik kawayad ki thi,
'Meethi' ne bhi haan mohabbat ki thi,

Monday 11 January 2016

Kar kurban ye zindagi tanhaiya hi milti hai- kavita

"Bahte hai ask din-raat ye aankhe roti hai,
Kar kurban ye zindagi tanhaiya hi milti hai,

Luta di har  rishte pe apni ye zindagi saari,
Fir bhi aankho se girte pal pal ye moti hai,

Aakhir hua kya gunah tujhse meri 'meethi',
'Khushi' har pal ye mujhse hi puchhti hai,

Bahut dhunda jawab fir dilse ek awaz aayi,
Bas ek ladki hone ki saza hi tujhe milti hai,

Tu nibhaati hai har rishta jinhe apna maan,
Ladki hone ki ek khata jisse nahi suhati hai,

Ger mein dhunda pyar Jo tune mili bewafai,
Apno ka wo pyar ger mein kya dhundti hai,

Tadap kar 'meethi' ke dilse ye pukar hai nikli,
Har rishta jhootha 'Khushi' sabse ye kahti hai,

Bahte hai ask din-raat ye aankhe roti hai,
Kar kurban ye zindagi tanhaiya hi milti hai"

Saturday 9 January 2016

aazad Bharat mein nari ki Dasha-ek lekh

'Bade dukh ki baat hai Bharat ko aazad huye 70 saal  hone ko aaye par yaha ke logon ki soch wahi purani rudiwadi purush pradhan hi hai, kahawat hai is desh ki "yatra nariyantu pujyante ramante tatra devta" yani ki jaha naari ki puja hoti hai devta waha rahte hai, aur is desh mein kewal mandir mein hi uski puja hoti hai,

Waise to nari ka shoshan sadiyo se aaj tak har desh aur sampradaye mein hota raha hai aur ho raha hai, par aaj baat kewal Bharat ki karenge kyonki naari ko pujne ki baat kewal ye hi desh karta hai par hakikat se koson dur hai,

Aaj bhi chahe pariwar ameer ho ya gareeb beti ke janm par khush nahi hota, haan kuch log jarur kahi kahi dikhane ke liye jarur mithai aadi beti ke janm par dete hai par dilse rote hai aur dua karte hai agli santan beta ho,

Mere Bhi kuch friends hai, relatives hain and meri family bhi hai, jaha bete beti mein bhed bhaaw sareaam kiya jata hai, friends to meri umar ke hai wo aisa karte hai to herani hoti hai ki aaj ke modern time mein aisa WO karte hai, rishtedar unki kya kahu aakhir hamare pujniye mata-pita wahi se to nikle hai, aur family hame WO hi to degi jo pichhali peedi ne unhe diya hai bhed-bhaaw,

Apne pariwar mein sabse chhoti santan hone ke naate maine apne pariwar ke liye kya kuch nahi kiya,
Maine apni shaadi ke liye bhi apni cousins ki tarah zid nahi ki, par is pariwar ne mujhe hurt karne ke siwaaye kuch nahi diya, manovigyan kahta hai jab hame apno se apekshhit prem nahi milta to ham wo hi prem dusre mein dhundte hai fir chahe wo normal insaan ho, lengik samlengik ho, ya fir pashu pakshi,

Meri taraf se bhi wohi hua, par kahte hai na jab apne hi hamari izzat nahi karenge to gerr kya hai, natiza fareb, par fir bhi khud ko sambhala aur family ke liye jine ka faisla kiya, shayad ye bhi ek galti, ek ladki ki family parents nahi uska pati aur sasural hi hoti hai shayad ye hi kuch feel kiya maine,

Bachpan se ab tak Jo ban saka WO kiya maine, haan ye baat aur hai agar ek purush kuch kar de pariwar ke liye ya pariwar ki stree ke liye kuch to sab uska hi gungaan karte hai aur ladki usse kahi guna jyada bhi kar de to koi uska naam nahi leta, wahi purush ke liye kahte hai aisa bhai aisa beta nasib se milta hai,

Rahi baat meri to mera pariwar Jo mere bare mein kuch nahi sochta aur jiske upar main ek anchaha bojh hu mujhse bachpan se nakhush hai, kaaran maine stree-purush bhed bhaaw ka jam kar virodh kiya, ma-baap se barabari ka hak maanga, ye baat aur hai mujhe wo mila nahi, maine dekha hai waise to sabhi ko mere aandolan se problem hai par ma ko jyada hi hai, kahte hai na "aurat ki dushman aurat hi hai",

Kherr ye kahani mere akele ki nahi meri ek friend Ritu ki bhi yahi kahani thi aur bhi kai saheliyo ki yahi kahani hai par WO iska virodh nahi karti aur is kupratha ko aage badaati hai, sach to ye hai is kupratha ko rokne ke liye har ladki ko ghar mein hi aandolan chala ma-baap se barabari ka hak mangna chahiye, 

yaad rahe bahar hamare upar anaachar hota hai kyonki aisa karne wale apne ghar ki streeyo ko daba kuchla dekhte hai, yadi stree purush bhed khatm pariwar Kare, ladki kewal naukarani aur choolha-chauka sambhlane wali hi na maan kar har chiz mein barabri ki hakdar hai ye samajh samaj ko aa jaye, stree purush dono ki ahmiyat aur izzat karne ki aadat tatha Samanta pariwar mein  sthaan le le, aurat surakshhit raat ko ghar aa ja sake nidarta se tab samjhna wakai bharat ek aazad mulk hai, anyatha ham gulam hai apni pichhadi aur shoshankari dohari bhed bhaaw purn mansikta ke..




































Thursday 7 January 2016

kavita- meethi khushi

"Meethi-khushi ke dilme ye baat aayi hai,
Mann se ye hi aawaz di mujhe sunayi hai,
Abse pahle anjan thi mohabbat se main,
Ishk ki padi mujhpe wo hi to parchhai hai,

Yad mein unki ye aankh bhi bhar aayi hai,
Ishkme ashko ki nadiya maine bahayi hai,
Rah-rah aata hai ek ye khyaal zahan mein,
Kya door baitha sanam mera harzayi hai,

Mohabbat ki di maine to usse duhaayi hai,
Kyon imtihan har mod par zindagi layi hai,
Kar di maine naam apni zindagi jise ye hi,
'Meethi-Khushi' ne bewafai usise payi hai,

Ye kismat kyon mujhe yaha le kar aayi hai,
Kyon mili meri bhalayi ke badle burayi hai,
Jo jaga deep mohabbat ke dur chala gaya,
Aas usiki hai jisne ye aag dilme lagayi hai, 


Meethi-khushi ke dilme ye baat aayi hai 
Mann se ye hi aawaz di mujhe sunayi hai,
Abse pahle anjan thi mohabbat se main,
Ishk ki padi mujhpe wo hi to parchhai hai"


Monday 4 January 2016

naam kar du- kavita

"Aa baith mere paas ye pegaam main aaj likh du,
Tu kahe to tere naam ye subah aur shaam kar du,

Saagar se falak tak ek tera hi chehra dikhta hai,
Tu kahe to Saara aasman ye tere naam kar du,

Meri har dhadkan mein aaj rahti hai tu 'Meethi',
Teri muskan pe 'Khushi' se jaan tere naam kar du,

Chhod chali gayi mujhe tum ek martba yu tanha,
Aa mere paas har saans aaj ye tere naam kar du,

Zindagi ne milaya maut ne zuda kiya hame 'Meethi',
'Khushi' se har janm main aaj ye tere naam kar du,


Aa baith mere paas ye pegaam main aaj likh du,
Tu kahe to tere naam ye subah aur shaam kar du"


beete huye lamhe-chand panktiya us dost ke naam

"Beete huye lamhon ki har baat mujhe satati hai,
Chalte huye in rahon par teri yaad mujhe aati hai,

Jhalak aate hain ye ashk aaj bhi meri aakhon se,
Dilme uthati hai tis juban se ek aah nikal aati hai,

Wo tera hasna muskurana yu baahon mein lena,
Aaj tu dekh to teri har baat kitna mujhe rulati hai,

Kabhi diya aur baati jaisa tha saath hamara,
Aaj mere is jivan ko tanhaiya hi khaaye jaati hai,

Sagar se gehra tha kabhi rishta hamara 'Meethi',
'Khushi' apne rishte ki har ye baat bas batati hai,

Tufano se kitna lade ham fir bhi na kabhi hare,
Wakt se hare ashko ki ladi ye gatha sunati hai,

Ek dusre par mitne wale ham dost the kabhi,
'Meethi-Khushi' dosti ka geet fir gungunati hai,

Beete huye lamhon ki har baat mujhe satati hai,
Chalte huye in rahon par teri yaad mujhe aati hai,"


Saturday 2 January 2016

2016 ki sardi par meri kavita

'padi re padi ye garmi padi,
December mein padi
January mein padi,
dilli mein padi u.p mein padi,
uttar bharat mein padi,
padi re padi badi garmi padi,
dakshhin ki dhoop yaha khili,
 pashchim ki hawa yaha chali,
padi re padi badi garmi padi,
WO alaaw ki aag ab na jali,
WO sheet lahar na chali,
kohare ki maar bhi na padi,
muh se bhaap bhi kaha nikli,
padi re padi badi garmi padi"