Thursday 28 May 2015

pani nahi tapka

"Khaali padi hai baalti sookh chuka hai matka,
Kai dino se NAL se ek boond pani nai tapka,

Ab to rah rah kar chhodne lagi hai har aas,
Do boond paani na milega na bujhegi ye pyas,

Nahana to kabka ban chuka hai ek sapna,
Do boon pani nahi kaise ho khana pakna,

Garmi se jal uthaa ye tan-man, ye aag kaise bujhau,
Do boond paani nahi ghar par,ye raakh kaise hatau,

JAL rahi ye dharti tadap raha jeevan yaha,
Kaise mile mukti do boond paani nahi yaha,

Boond boond ko tarsta jan-jan,
pani NAL se nahi aankho se hai tapka,

Khaali padi hai balti sookh chuka hai matka,
Kai Dino se NAL se ek boond pani nahi tapka"



udna chahta hoon

"Pankshi ban aakash mein udna chahta hoon,
us unche neele gagan ko chhoona chahta hoon,

Kuch hasrate hain dilki bas puri karna chahta hoon, udta hua dhara se gagan mapna chahta hoon,

Dekha hai parindo ko aasman mein yuh udte huye,
Khwaisho ke pankh laga ke udna chahta hoon,


Sapno ke hindolo sang bas main khona chahta hoon,
Is unche neele ambar ki gehrai dekhna chahta hoon,


Pankshi ban aakash mein udna chahta hoon,
Us unche neele gagan ko chhoona chahta hoon"-2

ek khat us dost ke naam

"aaj jab dil par itni gehri chot lagi hai tab tumhari kahi har baat mujhe yaad aa rahi hai, kaise tum meri raahon se har kaante nikaal dete the, chot agar mujhe lagti thi dard tumhe hota tha, kaise bina mere kuch kahe tum mere dil ki baat samajh lete the,

Mujhe pata hai aaj tum mere paas aaj nahi ho, par mujhe ye bhi pata hai tum jahan bhi ho khush tum bhi nahi ho, par shayad meri tarah tanha tum bhi nahi ho, jab tum saath the chaahe jisne toda ho mera dil tumse baat karke man ye mera halka ho jata tha, maine tumme usse dekha tha jiska saath barso pahle chhoot gaya tha, tumhari dosti mein maine usse paya tha,


Bhale hamare beech kabhi wo rishta nahi raha aur jisse raha maine usme tumhe hu dhoonda, na sirf usme balki pariwaar mein bhi maine tumhe hi dhoondne ki koshish ki, par tum to tum ho har kahi kaha ho sakte ho, maine tumse na sirf dost aur dosti karna seekha balki nibhana bhi seekha,


Mujhe itna pata hai chahe wakt kitna bhi beet jaye tum jaisa dost mujhe kabhi nahi milega, jaroor pichhle janmo ke punya the Jo tum hamse mile the,
Mujhe aaj bhi yaad hai ki kaise tum mera margdarshan karte the par bina thokar khaaye maine shayad hi tumhari baat suni ho, aaj ghar aur bahar dono hi jagah se thukaraye Jane par tumhari har seekh yaad as rahi hai,

Ummid hai ham fir milenge


My mitra"












Tuesday 19 May 2015

ashk bahati ye duniya

"Ashk bahati ye duniya, fell raha har oor andhyara hai,

Baha kar lahoo bhaiya ka, insaan aaj kaise itraa raha hai,

Sisakti hui dekh suratiya,man jiska na pighal raha hai,

Baha khoon ki nadiya, insaan kaise muskura raha hai,

Karke nam sabki ye akhiya, insanan kaise nach raha hai,

Jaati-dharm ki ye nagariya, insaniyat kaise kho raha hai,

Baarod par baithi ye jagatiya,ye jivan kaise ro raha hai,

Hai bikhari gam ki lachariya, insaan kaise jhum raha hai,

Feli bas ye mazburiya, labh kaise insaan utha raha hai,

Ashk bahati ye duniya, fell raha har oor andhiyara hai-3


Monday 18 May 2015

zindagi daudti rahti hai

"Aandhi aaye ya ho toofan zindagi daudti rahti hai,

Khushi aaye ya mile shamshan zindagi daudti rahti hai,

Zakhm mile ya ho dard ka saaman zindagi daudti rahti hai,

Koi apna mile ya ho jaye juda zindagi daudti rahti hai,

Gam ki baarish ho ya peer ka samndar zindagi daudti rahti hai,

Dhoop jalaye tan ya badti jaaye thand zindagi daudti rahti hai,

Falak pe aaye sooraj ya badta jaye chand zindagi dauti rahti hai,

Din ho jaaye ya dhal aaye shaam zindagi dauti rahti hai,

Kuch mil jaaye kisi ko ya ho jaye kangal zindagi daudti rahti hai,

Nahi thamti kisike rukne se bas ye zindahi dauti rahti hai,
Bas daudti rahti hai

Sunday 17 May 2015

yaad bahut aati hai

"Beete lamhe ki yaad bahut aati hai,
Tere sang guzari WO raat bahut aati hai,

Teri kahi har baat bahut yaad aati hai,
Sang tere guzari WO shaam yaad aati hai,

Kuch kahi ankahi kahani bahut yaad aati hai,
In zazbaaton ki WO bayani bahut yaad aati hai,

Guzare beete lamho ki yaad suhani aati hai,
Tere sang hasin WO zindgani bahut yaad aati hai,

Beete lamho ki yaad bahut aati hai,
Tere sang guzari WO raat bahut yaad aati hai-2"

dil kahta hai kuch likhu main

"Dil kahta hai kuch likhu main, hal-e-dil baya likhu, ya apni zindagi ka hal likhu, dil kahta hai kuch likhu main,

duniya ki laachari likhu, ya bhrashtachar ki bimari likhu, dil kahta hai kuch likhu main,

 ye dange ye fasad aur dehsat ki wo raat likhu, kho chuke apno ke WO zazbat likhu, dil kahta hai kuch likhu main,

Batti hui duniya ki kahani likhu, ya bheegi in nam palkon ki bayani likhu, dil kahta hai kuch likhu main,

aatank ki felli har taraf ye chhaya likhu, ya jhooth fareb ka WO saya likhu, dil kahta hai kuch likhu main,

mohabbat ke badle ruswayi likhu, ya har taraf felli ye bewafai likhu, dil kahta hai kuch likhu main,

desh pe jaan lutane walon ke naam likhu, ya desh ko khane walo ko paigam likhu, dil kahta hai kuch likhu main,

 duniya ki har baat likhu, ya dil todne walon ka WO saath likhu, dil kaht hai kuch likhu main-3"

Saturday 16 May 2015

na rahta tu mandir mein na rahta masjid mein

"Na rahta tu mandir mein na rahta tu masjid mein,
na rahta kisi ghar mein, na hai basta kisi dwara mein,

Na hai koi roop tera, na hi hai swaroop tera,
Man ki aankhose dekha jaisa, bana liya roop waisa,

Kisi ke liye saakar hai tu, kisi ke liye nirakar hai tu,
Koi rakhta tujhe dilme to kisike liye falak mein hai tu

Na jane koi sahi naam tera, na jane kya hai roop tera,
Kahi ishwar to kahi Allah hai ye dhara par naam tera,

Char disha mein bati ye duniya bant gaya yaha bhi tu,
Pahle banta insaan yaha baanta gaya yaha bhi tu,

Man-mandir mein rakh saka har koi na tujhe,
Tabhi madir masjid bane dilme na rakha tujhe,

Tu na mange sona-chaandi, na koi uphar na baandi,
Tu mange pyar sada aur mange hai sabki pareshani,

Na rahta tu mandir mein na rahta tu masjid mein,Na rahta kisi ghar mein na hai basta kisi dwara mein!!!!"

iahwar vaani-77, gaaye ka mahatwa

Ishwar kahte hain "yu to duniya mein tamam dudhaaru pashu hain kintu unme gaaye ko ek vishesh sthaan prapt hai, shastro mein bhi usse gaaye mata ki upaadhi di gayi hai kintu anya dudharu pashuon ko ye upaadhi nahi di gayi hai jabki doodh to sabhi ka  achha aur poshtik hota hai"


Ishwar kahte hain "gaaye ke doodh ki bhaati anya pashuo ka doodh utna shresht nahi  hai, gaaye ke doodh ka Sevan ek navjaat shishu se le kar vayashk tak sable liye upyogi hai bina kisi milawat ke, gaaye ka doodh ek navjaat shishu ke liye ma ke doodh jitna hi upyogi hai jabki anya pashuon ka nahi",


Ishwar kahte hain "iske atirikt pashuon mein shresht aur paadatiya ke vyavhaar ke karan gaaye ko anya pashuo se shresht mana gaya hai evam uske doodh se taiyaat tamam khaadya samagree ko bhi sarvashresht sthaan prapt hai"

jiya nahi jata

"Tujh bin jiya nahi jata, ye zahar aur nahi piya jata, rooth kar chala gaya hai kyon tu mujhse,
Ek talak mud kar to dekh ae mere hamdam,
Tere bin jala ye dil ka diya (deepak) nahi jata,
Tere bin jiya nahi jata

Sunday 10 May 2015

oo ma

'Tujhpe na koi aanch main aane dungi oo ma, chot lage tujhko to marham main banungi oo ma,

Duniya chhod De saath bhale tera, ban kar sahara saath tera pal-pal main dungi oo ma,

Tu bhale na chahe mujhe sabki (bhaiyo)  tarah, par tujhpe lutaungi pyaar apni tarah oo ma,

Ho jaungi ek din parayi main nazaro mein Teri, par juda ho kar bhi sada rahegi dilme oo ma"


ishwar Vaani-76 satyug ke devta

Ishwar kahte hain "jaisa ki sabhi manushyon ne yug pratha ke bare mein suna hai, maine bhi aadi satyug aur praani utpatti ke vishya mein bataya, Maine bataya samast manav evam praniyo ke janm data WO jeev hai jinhe duniya karodo varsh poorva mrit samajhti hai, unhi se aaj ke samast jeevo ki utpatti hui, us yug mein manav aur pashu-,pakshhi mein koi bhed-bhaaw nahi tha, sabhi prani mil jul kar ekta se rahte the jiska udhaaran tretaa yug mein bhi milta hai jab vanar aur reechh bhi raja hua kar shashan karte the,

Kintu isse poorva satyg ke madhya aur ant kaal mein jab un jeevo se manav jaati ka uday ho chuka tha, us samay ko swarnim samy kaha jaata hai, kuch dharmik sansthaye ye bhram felaati hai ki tab (satyug ke aadi se) ant tak dharti par devi-devta ka niwaas tha, manavo ki bhaati Lakahmi-Narayan raha karte the,

Kintu ye tathya mithya hai, us yug ko ishwariye yug isliye nahi kahte ki tab dharaa par ishwar rahte the apitu isliye kahte hain ki tab manav jaati mein kisu bhi tarah ki vikrati nahi thi, koi bhed-bhaaw raag-dwesh burai nahi thi, .manav ishwariye niyam ka palan kar prakati aur prani ka khyaal rakhta tha, us yug ka manav mujhe nahi janta tha kyonki wo mere bataye niyamo ka palan suchaaru roop se kar raha tha isliye use meri aavshyata na ho kar apne mein mujhe hi nihit kiye huye tha,

Kintu wakt ke saath yug badla aur manav vyavhaar bhi Jo mujhe use door le gaya, aur manav jaati mein aayi burai ko khatm karne hetu mujhe shrashti mein janm Lena pada"


Ishwar kahte hain "kuch dharmik sansthaye kahti hai tumhe satyug ki bhaati manav se devta banna hai, kintu WO ye nahi jante agyaani devta kaun hai, satug mein kaun rahte the aur kinhe aur kyon devta kahte the, devta arthaat paak-pavitra, har prani ke hit ke liye tatpar, Prani evam prakati ka rakshak,

Ek abodh balak jaisa bhola, kapat heen aur masoom wohi hai dewta dewiye gun wala sachha manav aur aaj ka maha purush aur devta,

Pakhandi log aadhyatm ke naam par galat seekh de kar logo ko behka rahe hain, unhe jaroorat hai sahi gyaan ki Jo kisi naami sanstha ki apeksha khud apne bheetar ishwariye kripa se mulegi ya fir in mere vachano se"



Saturday 9 May 2015

ishwar vaani-75, ishwar ka roop swaroop

Ishwar kahte hain "aksar manav mere roop aur swaroop ke vishay mein charcha karte hain kintu vastav mein mera roop swaroop kaisa hai koi nahi janta,

Main JAL (paani) jaisa bhaar yukt, vaayu jaisa paardarshi, Kali se adhik komal hoon, pathhar se bhi adhik sakt hoon

Mera rang vaayu jaisa mera bhaar JAL jaisa aur meri sharirik rachna Kali se bhi adhik komal hai aur paashad se bhi adhik kathor hoon,
Iske atirikt  bhakto ki ichhanusaar mera roop-swaroop banta rahta hai,bhakt mujhe jaise chahe main vaisa hi ban jata hoon

Thursday 7 May 2015

ishwar vaani-74

Ishwar kahte hain "manav jaati ko shreshth manav banne ki oor agrsar hona chahiye, ek shrashth manav hi manav dharm ka nirman kar manav jaati ka udhhaar kar sakta hai, jis kaarya ke liye manav ki utpatti maine ki hai usse poorn kar meri kripa pa kar apne jivan ka udhhar kar sakta hai"

gila shikwa aur shikayat nahi hoti

"Dosti mehaz chand alfaz nahi hoti,
Dosti kisi khubsurati ki mohtaz nahi hoti,
Ye to ek khubsurat sa rishta hai dilo ka,
Jisme koi gila shikwa aur shikayat nahi hoti

Friday 1 May 2015

meri har yaad mein hai tu

"Meri har yaad mein hai tu, meri har baat mein hai tu, dilki ki gehraiyo mein bhi rahta hai sirf tu, aur kya kahu tujhse ae mere hamnashin, mere to har zazbaat mein basta hai sirf tu"