saath nibhati hai tu

Sooraj ki saheli hai tu, fir bhi kitni akeli hai tu,

Baith akele sochta hai man, bas ek paheli hai tu,

Hole-hole chali aati hai tu, har darwaza khatkati hai tu,

Meethi nidiya se jaago pyaro, hui bhor utho dularo khati hai tu,

Davey paaw se aa kar,chidiyo sang gun gunati hai tu,

Sapno se jaga kar, ho gayi hai subah ye batlati hai tu,

Chadta hai sooraj falak par, roop sunhara dikhlati hai tu,

Hoti hai jab sardi, aati hai har kisi ko bas teri baaho mein masti,

Jab banta hai sooraj aag ka gola, Teri baahe lagti bedardi,

Chahe tujhe koi ya na chahe, har mausam saath nibhati hai tu,

Roop sunehara madmast teri chaal, dekh tujhe hoye har koi behal

,

Karti jaati ghayal har kisi ko, kabhi dikhati adaa kabhi satati hai tu,

Nakhre dikha sardi mein, door khadi muskuraati hai tu,

Karna chahe aalingan tera, door ja kar itna kyon ithlaati hai tu,

pauranik katha-7, Bhishm ka aathwa janm

"Mahabhart mein jab Bhishm baan-shaiya par kasht bhog rahe the tab Shri Krishna unke paas aa kar bole "tumhe pata hai kis poorva janm ke karm se tumhe ye kasht praapt hua hai?"

Bhishm bole "main apne pichhle saat janmo ko jaanta hoon, par unme maine aisa koi bhi kaarya nahi kiya jisse mujhe ye dand mile",

Bhagwan Shri Krishna bole " kya tumhe aathwe janm ke vishy mein gyaat hai?"

Bhishm bole "nahi ye mujhe gyaat nahi hai",

Shri Krishna bole "apne aathwe janm mein tumne ek saanp ko ghaayal kar kaanton mein faink diya tha, jiske kaaran uska shareer kayi jagah se lahoo-luhaan ho gaya, kayi jagah se uski chamdi utar gayi, is prakaar usse asahniya peeda prapt hui, ussi ke kaaran tumhe ye dukh prapt hua hai"

pauranik katha-6, Abhimanyu Arjun ke pita

"Mahabhatat ke yudhh mein Abhimanyu ki mritu ke baad Arjun bahut dukhi rahne lage, ek baar ati vyakul ho kar WO adhir ho kar gir pade, tab bhagwan Shri. Krishna ne unhe swarg le ja kar abhimanyu se milane ka nirnay kiya,

WO unhe swar le kar aaye, swarg mein Abhimanyu ko dekh Arjun bhaaw-vibhor ho gaye aur use gale laga liya, iske baad Abhinanyu ne Arjun se kaha "aap dukhi kyo hote ho, hamne isse poorv bhi anek janm liye hain aur mritu ko prapt huye hai, aap to mere is janm mein pita bane the kintu isse poorva kitne hi janmo mein main apka pita bana tha,"

Ye sun jar Arjun ki vedna aur moh khatm ho gaya aur wo dharti par wapas laut aaye"

pauranik katha-5, crodh ka gulaam

"Ek baar ki baat hai, jab Sikandar ki behad thaki hui senaa ne ghar wapas chalne ke liye sikandar se kaha, WO bhi iske liye maan gaya, lekin apne saath wo  ek saadhu ko le Jana chahta tha, us saadhu ki waha badi hi charcha thi,

Sikandar saadhu se Milne aur apne saath chalne ka nivedan karne unke pass pahucha, saadhu nirvastra ho kar dhyaan kar rahe the, sikandar saadhu ke dhyaan se bahar aane ka intzaar karne laga, jaise hi saadhu dhyaan se bahar aaye sikandar ne unhe apne saath chalne ka nivedan kiya, is par saadhu maharaj bole tumhe jana hai jao main nahi jaunga, is par sikandar ke senik bhadak uthe aur bole tujhe pata hai tere samne kaun khada hai, is par saadhu bole mujhe pata hai, par mujhe kaha jana hai kaha nahi meri ichha par nirbhar karta hai na ki kisi aur ki,

Ye sun kar sikandar bhadak utha, usne talwar nikaali aur saadhu ke gale par rakh ke bola an chaloge ya nahi, sadhu ka jawab tha nahi, sikandar aag babula ho gaya, aur saadhu ka sarr dhad se alag karne ke liye jaise hi talwaar uthaayi wo saadhu bole, tum mujhe bhale maar mujhe aaj do par iske baad khud ko sikandar mahan mat kahna, sikandar ne kaha matlab kya hai tumhar?

Sadhu maharaj bole tum khud ko mahan raja kahte ho par asal mein tum mere gulaam ke tum gulaam ho, Sikandar ne kaha abhipraaye kya hai spasht kahe, saadhu maharaj bole Maine crodh ko apna gulaam banaya hai, jab tak main nahi chahta WO mujhe nahi aata kintu tum uske gulaam ho WO jab chaahe tumhe apne vash mein le letaa hai,


Saadhu maharaj ki baat sun kar Sikandar unke perro par gir pada, aur shhama magne laga, saadhu ne usse maaf kar diya aur sikandar bina unhe liye waha se chala gaya"

mili hai mujhe ye saza-Geet

"Mili hai mujhe ye saza, mohabbat mein mili hai daga,
Tha ye dil jis par fida, di hai usine mujhe ye saza,

Toot kar yuh bikhare hain arman mere, toot kar bikhra hai dil ye mera,-2

Mili hai mujhe ye saza, mohabbat mein mili hai daga,

Do palki khushi ki mili hai saza, mera hamdam to hai bewafa,-2

Rooth kar yuh kyon tu door ho gaya, de kuch to wazah-2,

Toot kar yuh bikhare hain arman mere, toot kar bikhra hai dil ye mera,


Hai aaj bhi tu meri yaado mein, saanso se door kyon nahi tu gaya,-2
Meri dhadkan mein rahta hai aaj bhi tu, kyon door dilse tu nahi gaya,-2

Meri wafa ki di tune kyon ye saza, ki thi bhala maine khata-2

Mili hai mujhe ye saza, mohabbat mein mili hai daga-4

na samjhe wo

"Dilki baat na kahna  aaya hame jhuki palko ka raaz na samjhe wo,

Apne zazbaat na kahna aaya hame khamosh juban ki baat na samjhe WO,

Bekari is dilki na samjhana aaya hame khamoshi in labon ki na samjhe wo,

Sharma kar yuh na gale lagana aaya hame laachari is dilki na samjhe wo,


Dilki kitaab ko kholna na aaya hame band kitab ke panno ko na samjhe wo,

Dhadkano mein naam dikhana na aaya hame mohabbt ka Sar na samjhe WO,

Dilki baat na kahna aaya hame jhuki palkon ka raaz na samjhe wo-2"

pauranik katha-4, bhakti ka marg

"Ek baar ki baat hai Chetanya Mahaprabhu Ji ne jangle ke raste kisi nagar mein Jane ka nirnay liya, us jangle mein bhayank pashu-pakshi aur jeev-jantu rahte the, isliye Mahaprabhu Ji ke sadhako evam shishyon ne us marg se unhe na jaane ki salah di,

Par mahaprabhu Ji ne nagar ke liye WO hi marg chuna, is tarah Mahaprabhu Ji us marg se nagar ki oor jaane lage, lekin jaise hi WO beech jangle mein pahuche to waha bhayanak jaanwaro ne unhe gherr liya, prabhu ki bhakti mein leen Mahaprabhu Ji bhajan-keertan karte ja aage bad rahe the, fir unhone dekha ki WO to chaaro taraf se in bhayanak janwaro se ghir chuke hain,

Lekin bina kisi bhay ke WO bhajan-keertan karte aage badte gaye, fir kuch chhad baad unhone dekha ki WO bhayanak jeev bhi unke saath bhakti may ho kar jhooom rahe hain, is prakar shri Chetanya Maha Prabhu Ji ne na kewal maanav ko bhakti ka maarg dikhaya apitu bejubaan in bhayanak jeev-jantuo pashu-pakshiyon ko bhi bhakti ka maarg dikhaya...
"

ishwar vaanu-86, sampoorn manav

Ishwar kahte hain:" manushya ka shareer vibhinn kriyao ka yog hai, aur aatma is kriya ki sanchalak, arthaat vyakti achha ya bura jo bhi karta hai, apni budhhi aur vivek se hi karta hai, in sab par niyantran aur aadesh aatma hi deti hai,


Aatma parmatma ka hi ek swaroop hai, aatma apni shakti us parmeshwar se hi prapt karti hai, vibhinn aashram manav ko devta banane ki baat karte h, vidwaan kahte hai WO swam ishwar ka roop hain, kintu manushya ko manushya banane ki baat WO nahi karte aur na hi manav shareer mei rah kar bhi sampoorn manushya hain,

Ek sampoorn manushya hi apni aantrik shaktiyo ko jaagrat avastha mein LA kar ishwariye shakti prapt kar sakta hai,

Ishwariye shakti hi vyakti ko purush se maha purush banati hai, kintu ishwariye gun hone ke baad bhi manyshya swam devta arthaat ishwar nahi ban sakta kyonki WO to ek hi hai Jo main hoon,

Kintu aatma mein mere dwara hi mere tulya shaktiya hi hain, kintu inhe wohi prapt kar sakta hai Jo khud mein sampoorn manav banne ki lalsa aur abhilasha ho aur Jo iske liye sadev praysarat ho kar mere dwaara bataye marg par chalne ki drad ichha skati ho kar uska palan kare,

Isliye Jo bhi sansthaan aur dharm guru manav ko devta banane ki baat karte hain unhe is vishya par dhyaan dena chahiye aur ek sampoorn manav jaati ka nirmaan karna chahiye...




Aapka kakyaan ho"

ishwar vaani-85, bhandare ka mahatwa

Ishwar kahte hain: pratek vyakti ko apni saamarth anusaar saal mein ek baar avashya bhandara karana chahiye iske saath hi bhandare hetu daan-dakahina avashya dete rahna chahiye,

Bhandara na kewal bhookhe manushya ki bhookh shant karta hai apitu Jo vyakti kisi kaaran athwa pashu-pakshiyon ko pasand nahi karte unhe bhi chahte na chahte inke liye bhoojan ke liye vyavshta ho jati hai, kyoki bhandare ka bhojan Jo manav dwaara bach jata hai wo inhe prapt hota hai,

Is prakar bhandaara na sirf manav ki shhudha bhookh shant karta hai apitu anya pashu-pakshiyon ki ki bhi shhudha bhookh shant karts hai,

Aisa daan aur aisi dakshina hi main sweekar karta hoon Jo sadaa doosron ke hit aur jarurat-mandon ke liye kaam aata hai"

ek katha

"Tum kahti ho Deepa usse bhula kar zindagi ki ek nayu shuruaat karu, par kaise samjhau tumhe uski bewafai ki peer is dil ko aise ghayal kare huye hai ki kambakht kisi aur ko dil mein basne hi nahi deti, bahut koshish ki khud ko sambhalne ki, usse bhulaane ki, par dilse zahan se uski yaad nahi jaati,"


"Par shilpa tum kab tak yu hi uski bewafai par aashu bahati rahogi, Jo chala gaya bhul kar usse aage bado, dekho ye duniya kaise baahe felaaye tumhara intzaar kar rahi hai, tumhe apne aap ko sambhlna aur aage badna hoga, jitna hoga kyonki duniya usse asweekar nahi karte Jo thokar kha ke girte hai, balki unhe nakarti hai Jo firse uth khade hone ka hosla kho dete hain,

Mana vishwash par gehra aaghat hua hai tumhare, par isse jivan ka ek ant na maan ek seekh maan wage bado, apne jivan ke anubhavo mein isse utaaro, fir dekhna tumhe kya milta hai"

"Shayad tum sahi kahti ho sakhi, par kahna aasan hai karna utna hi mushkil, jisko dilme, zahan mein, aatma mein, saanso mein basaya ho aur ussi ne is kadar vishghaat kiya ho, is zakham ka dard wohi samajh sakta hai jisko ye dard mila ho, par tum bhi apni jagah sahi ho, par mujhe kuch wakt aur do sakhi usse bhulaane ka",

"Jitna wakt Lena hai tum lo Shilpa, main har mushkil ghadi mein tumhare saath hoon, par tumhe khudse soch samjh kar ek paripakwa faisla lena hai, aur ek haari hui nahi balki ek mazboot iraado wali aadhunik stree banana hai na pursho par aashrit ek kamjor mahila, jiska laabh aksar ye purush uthaate hai, fir tum jaisi kamjor stree ko apni zindagi se tumhari tarah hi nikal dete hai",

"Tumne each kaha Deepa, agar main kamjor na ho kar ek mazboot iraado wali aurat hoti to mere saath kisi bhi purush ki aisa karne ki himmat na hoti, par kasoor samaj ke us parivesh ka hai jaha naari ko bachpan se hi ek puruah ke adhin hone ki naseehat di jaati hai, kabhi pita to kabhi bhai to kabhi pati, khud ko mazboot aur aatm nirbhar aur khud ko purush ke adhikaar shhetra se alag hone ki seekh kahan milti hai, agar sakhi ye seekh mile to mere jaisi mahilaao ki Zindagi yuh barbad hone se Bach jaaye,

Sakhi maine socha hai kyon na nari jaati ke uthhaan ka hi main kaarya karu aur unhe pursho ke haatho barbaad hone se bacha saku"

"Bahut khoob Shilpa, tum bulkul sahi soch rahi ho, apni nakaratmakta ko sakaratmak bana rahi hi, tum ek nek kaam karne ja rahi ho, dekhna sekdon mahulaao ke saath khud parmeshear ishwar tunhare saath khada ho tumhari sahayta karega, tum ek misaal banogi sampoorn nari jati ke liye, sampoorn nari samaj tum par naaz karega meri sakhi"

dil mera tod kar

"Dil mera tod kar ae meri zindagi kidhar tu chali,
Hai padi sooni kitni mere dil ki ye gali,

Sookh chuka tere bina meri mohabbat ka ye kuaa,
Hai padi kitni murjhai meri chahat ki ye Kali,

Bahti thi thandi purwaai jaha, khil uthti thi har dali,
Felli rahti thi har taraf khushiyo se bhari hariyali,

Dil ko khilona kah khailne wali kahan tu chali,
ae dil ki khiladan kis oor tu kiski hone chali,

Dil mera tod kar-4

ishwar vaani-84, ishwar aur shaitaan ki rah

Ishwar kahte hain "Jo vykati mera naam to lete hain, meri poorn vidhi-vidhaan se aaradhna bhi karte hain kintu yadi WO kisi bhi prani evam prakati ko nuksaan pahuchaate hain, WO meri kripa khote jaate hain,

Bhale aise log shaitaan poojak na ho lekin is prakaar ke kaarya karne wale chahe jitni meri upaasna aur bhakti kar le par WO upasna aur bhakti main na sweekar kar shaitan sweekarta hai,

Issi prakaar bhale hi koi vykti shaitan ki bhakti aur upaasna kare kintu prakati evam praani jagat ko haani na pahuchaaye uski upasna main hi sweekarta hoon,

Ramayana mein issi prakar ka jikra hai, bhale Ravan mahan Shiv-bhakt tha kintu karm anusaar WO ek dusht raakshash tha, aur issi kaaran jab usse sabse adhik aavshyakta apne isht dev ki padi tabhi unhone bhi usse thukra diya,
Iske vipreet vibhishan Jo raakshash kul ka hone ke baad bhi ishwariye marg par chal prakti aur prani jagat ki bhawana dil mein rakh Ram ke saath satya ke maarg par chala, to Lanka ka chir-sthaayi raja bana, bhale usne yugon ki badnaami apne sarr le li kintu galat ka sath nahi diya, isliye mera WO priye hua,

Usi prakar yadi koi vyakti burai ka aur prani evam prakati ko nuksaan pahuchata hai, bhale WO khud ko kita hi shreshth khud ko bata le, WO meri kripa ka paatra nahi banta, evam yugon tak dukh paata hai,
Shrishti ke vinaash ke samay un logon ko iski keemat chukaani hogi, kintu Jo log neki ka rasta apns prani aur prakati ki hifazat karenge WO ananya sukh bhogenge.




Tumhara kalyan ho"

ishwar vaani-83, dharm ka vastavik arth

Ishwar kahte hain "mera vastavik swaroop nirakar hai, bhakto ki ichha anusaar main roop dharta hoon, lekin kaliyug mein manushya mujhe vibhinn naam aur roop mein maan meri aaradhna karte hai kintu kuch moorkh aur papi manushya mere naam aur roopon ka bhed kar samaj mein arajakta felaate hain,

Kuch pakhandi aur dharm ka rakshak kahne wale manushya jinhe vaastav mein mera na to sahi roop pata hai aur na hi naam, aise log vyaktiyo ko gumraah karte hai aur manav ko manav ke khilaaf karke ladwaate hai,

Vibhinn dharmik granthon mein mere un maton aur us naam ko na maanne wale ko gerr-dharmi mana jata hai, yaha tak ki manavta ki saari had tod kar manav par amanviye vartaav kiya jata hai,

Aise dharmavlabi yebataye kya granth mein ye croorta Maine batlaayi hai, Maine kewal ye hi kaha hai ki mere atirikt kisi aur ki aaradhna na karo, mere bataye path par chalo, meri baatayi baato ko apne andar dhaaran karo, khud ko pak rakho, kaam-krodh-lobh-moh-ahankaar ko khud se door rakh mera hi naam japo,

Kintu Maine ye to nahi kaha mere vibhinn roopon ki avhelna karo, mere doosre roop aur baato ko maanne wale ki avhelna kar unka apmaan kar amanviye vyavhaar karo,

Maine adharmi ko kaha hai ki uska saath na do, adharmi kaun???? Adharmi arthaat Jo manavta ka dushman hai, Jo prakati aur praani jagat ka dushman hai, Jo shrishti ko nuksaan pahuchata hai, burai ka saath deta hai, shetaani takat ki pooja karta hai, sadev doosron ko kasht pahucha sukh ka anubhav Jo karta hai, WO adharmi vyakti hai, aise vyakti ka samaj se bahiskaar karna chahiye,


Khud ko samaj ke dharmik guruon ka gulaam na maan kar apni budhhi ka upyog kar nimn baaton ka palan karna chahiye, WO agyaani manushya koi mujhe jyoti manta hai to koi bindu, par WO nahi jante main to na jyoti hoon na bindu, main vaayu se bhi adhik pardarshi, JAL she bhi abhik bhaar yukt, nadi we adhik veg yukt, pathhar se adhik kathor aur Kali se bhi nirmal hoon...



Aapka kalyaan ho"

meri zindagi tumse hai

"Meri zindagi tumse hai, meri bandagi tumse hai, tumse hai meri har kahani, meri aawangi tumse hai, meri deewangi tumse hai, har khushi tumse hai, meri zindagi tumse hai-2"

ishwar vaani-82, ishwar ka saakar nikar swaroop

Ishwar kahte hain "yadhapi manushya mujhe vibhinn naamo se pukarte hain, mere vibhinn naamo ko lekar evam meri baaton ko vibhinn mato ka aadhar maan kar ladte jhagdte rahte hain kintu vaastav mein wo meri baato aur mere naam ka arth nahi samajhte,


Main hoon ishwar ish-war, jiske vardaan swaroop swaroop samast shrashti ka nirmaan hua hai,

Ye naadan aur moorkh manushya nahi jante mera vastavik roop to niraakar aur pardarshi hai, jis bhaaw se vyakti ne mujhe yaad kiya wohi sakar roop Maine apna usse darshan diye, iske saath hi desh/kaal/paristithiyo aur manavta ki haani hone par mujhe vibhinn roopo mein aana padta hai,

Isliye hey nadan manushya tu ye samajh aur jaan le mera saakar aur niraakar roop dono satya hai, main hi kan-kan aur tum sabka nirmata hoon, isliye mujhme naam aur roopon mein na baant kar mere samast roopon maan-samman kar meri aaradhna karni chahiye,



Tumhara kalyaan ho"

samlengikta soch ya bimari- ek lekh

Kuch din poorva ek khabar TV aur akhbaro me bahut aa rahi thi ki Aiim New Delhi ki ek Dr. Aatm hatya kar li aur wazah uske pati ka samlengik hona, is vishya par isse poorva bhi maine ek lekh likha tha, aur aaj ka ye lekh bhi usse jyada bhinn to nahi hai,

Sabse pahle to janna ye hai ki samlegikta kya hai? Kya ye bimari hai ya soch? Aur samkengiko par vibhhinn prakar ke atyachaar kaha tak jayaz hain?

Sabse pahle to ye jaan lijiye samlengikta bimari na ho kar ek soch hai, bilkul waisi hi jaise samanya vyaktiyo ki soch, han inka vyakti aakarshan viprit lingi na ho kar samlingi hota hai kintu ye bimari nahi hai,

Manovigyan ke anusaar kuch samlengik vyaktiyo ko samanya banya ja Santa lekin uske hame ye janna hai ki vyakti janmse samlingi hai ya vayask hone par wo hua,

Yadi vyakti janm se samlingi hai to usse us jaise vyaktyon se milne aur apne hisab se zindagi jine ki hame izazat deni chahiye kyoki agar ham agar uske sath jabardasti karte hai aur apne hisaab se usse dhaalne ki koshish karate hai to ye ek manviye atyachaar hoga, aur aise me agar uska vivah viprit lingi se kara bhi diya to natiza WO hi hoga jo Aiims ki Dr. Ka dilli me hua, isliye hame aur hamare samaj ko dherya se baith kar is gambhhir vishya par nirnay Lena hoga, aur samlingiyo ko apradhik drishti se dekh unhe samaj se bahuskrit karna band karna hoga,ye na bhoole unhe janm dene wale 2 viprit lingi manushya hi the,

Iske saath jin samlingiyo ko thik kiya ja sakta hai unke vishya me jaane, Jo vyakti balayavastha me samanya the kintu vayask ho kar samlingi ban gaye, aise me unke jivan me hui is beech ki ghatnao ka moolyankan karna hoga, samanya tah unhe dhokha-fareb aur unki bhawnao ko viprit lingi be aahat kiya hoga, aur prem tatha sadbhawna ka bhaaw unhe samlingi se mila hoga, samanya taur par aise vyaktiyo ko pariwar ke paraspar sneh aur uchit dekhbhaal  se thik kiya ja sakta hai, isme dost, pariwar aur aaspas ka mahol kaafi had tak sahyogi ho sakta hai, unke paraspar prem aur sahyog se vyakti ka aatm vishwaas badega aur vakt ke saath dhire-dhire wo samanya jivan jine lagega, par isme sabhi ko poorn sahyog karna hoga,

Par iske saath hi ye hame avashya jaan lena chahiye ki samlengikta us vyakti ko janm se hai ya vyask ho kar usme pariwartan aaya hai, aur iske saath hi ye avashya jaan lena chahiye samlengikta soch hai na ki bimari..

armano se bhari zindagi thi meri

"Armano se bhari zindagi thi meri, sabki tarah hi zindagi ki hasrat thi meri,

Chalna chahta tha sabki tarah main bhi, bas aise zone ki khwaish this meri,

Toot kar to sab bikharte log yaha, bas fir se sambhalne ki ye hi chahat thi meri,

Duniya ne thukraya har mod par mujhe, fir bhi duniya mein rahne ki hasrat thi meri,

Karke tanha chhod har koi gaya mujhe, for bhi saath kisi ka paane ki khwaish thi meri,

Berang bani meri ye zindagi jiske sitamse, bas firse rang usme bharne ki hasrat thi meri,

Armano se bhari zindagi thi meri-2"

ishwar vaani-81, pashu-pakshi bhi mante h ishwar ki satta

Ishwar kahte h" yu to maanav ye samajhta aaya h ki uske atirikt koi anya jeev nahi mujhe poojta,kintu ye satya nahi h,

Sabse pahle ishwar ka arth samajhna h, ishwar arthaat WO shakti Jo aapka palan-poshan karti h, suraksha karti h aur aapki samast moolbhoot aavshyaktao ko poora karti h, WO hi ishwar h,

Gharelu pashu-pakshiyon ke liye unka malik hi bhagw q ki wohi unki samast moolbhut aavshyaktao ko poora karte h,

Ishi prakar Jo pashu-pakshi gharon me nahi rahte jis sthaan par rahte h WO unka ishwar h q ki waha uski sabhi moolbhut aavdhyskta pura hoti h,

Jagngle me rahne wale jeev-jantu jangle ko ishwar mante h q ki waha unki aavshyakta puri hoti hai, wise hi sagar me nadi me naalo me gharondo aadi me rahne wale jeevo ka ishwar WO hi sthaan h jahan unki moolbhut aavshyakta poori hoti h,

Han un jivo ki pooja vidhi manaviye vidhiyo se bhinn hoti h kintu unka sneh aur Samarpan tatha  nihswaarth bhaav sachhai hi inki pooja vidhi h,

Isliye ye kahna galat h ki manav ke atirikt koi bhi jeev mujhe nahi poojta meri satta nahi manta,

Shrashti ka nirmata hone ke naate samast shrishti mein mera hi roop virajit h, saakar nirakaar jaise bhi koi mujhe pukarta h uski sahayata hetu avashya me aata hu, yahi main hon Ishwar
...."l

ishwar vaani-80, ansh aur vansh mein bhed

Ishwar kahte hain " sampoorn jeev aatma mera hi ek ansh h jis prakaar ek balak apne mata-pita ka hi ek ansh hota h usi tarah samast prani mera hi ek ansh h,


Kuch agyani samast manushyo ko ishwar ja ek ansh na kah kar unhe ek vansh batate h, unke anusaar samast jeev-aatma ishwar ka ansh na ho kar vansh h, kintu wo nadan nahi jante samast aatmao ki aatma arthat parmatma ke swaroop h, is prakar main unka janak hua, aur jeev aatma meri santaan, is prakar WO mera hi ek ansh hui,


Kintu jiv-aatmaon ko vansh kahne wale ye nai jante ki aatma vansh kaise ho sakti h q ki vansh ek preedi se teesri peedi evam usse adhik ko kaha jata h kintu aatma ki koi peedi nahi hoti, WO mujse hi nikalkar meri aagya anusaar hi jivan grahan karti h, isliye hey agyani gyani maha pursho ye bhram felana chhod sachhai ka marg apna aur jagat ka hriday se bhala kar"

ishwar vaani-79, aatma parmatma, ishwar ka swaroop

Ishwar kahte hain "akdar manushyo ki vibhinn manyatao ke anusaar muje kahi par stree to kahi par purush ki sangya di gayi h, kintu na to main purush hoon aur na hi stree, jis bhaaw se mujhe vyakti ne yaad kiya main usi roop me uska ho gya, haan ye baat bhi sahi h ki main hi desh/kaal/paristirhyo ke anuroop janm leta raha hu aur manav jaati ko usme aayi vikrityo se unhe bachata raha hu, jab-jab manav jaati adhik manavta ki seema todti dikhi aur usne meri satta ko chunoti di main dharti par aata raha fir chahe WO roop nari ka ho ya purush ka, jab jab samaj ne naari ko damit, shoshit aur diyam darza dene ke prayas kiye main naari banke nari ka udhhar karne aaya,

Main hi brahmand rachiya hu, jadugaro me mahan jadugar hu, aatmaon me parmatma hu, main hi samast shrushti aur jeevon ko shakti dene Wala hu, samast grah-nakshtra evam jeev-aatma mujhse hi shakti paati hai, main hi shrishti ka aadi aur ant hu, yadi meri shakti ki Jo bhi manushya upasna karta hai aur mere bataye marg par chalta hai nishchit hi moksh pata hai,


Mera vaastav me koi roop nahi jaise aatma ka nai, kintu aatma ke Jane ke baad shareer mitti ka dherr matra hota hai usi prakar mujhe kisi bhi roop me na manne vaale vyakti ka jivan hota hai q ki main hi hu aatmao ki aatma parmatma ishwar/Allah/god/parmeshwar/malik/jagat mata-pita/swami, aakarheen aur sakar main hu hu, Jo kal tha aaj h aur Jo sada rahega main hu wo..

ishwar vaani- 78,daan ka arth evam daan ka mahatwa

Ishwar kahte hain " yadhapi duniya ki samast vastu ka nirmata mai hi hu, samast shrushti jeev-jantu dhan sampatti dukh sukh hasi ashk har ek cheez ka nirmata main hi hu,

Isliye kuch log kahte hai ki samast vastu ishwar ki hai isliye unhe daan aadi nai dena chahiye q ki sabkuch to unka hi h, ab unki cheez unhe hi dena galat h, lekin WO nadan is dawn ka sahi abhipraaye jaane bina aisa kahte h,


Daan WO vastu h jise vyakti apne hisse me we bacha kar muje arpan karta h, ye satya h muje iski aavshyakta nahi, kintu daan me diya muje diya WO ansh kya h?? Jaise mata-pita apne balak ko apni aaye ka ek hissa apne balak ko jeb khar (pocket money) ke taur par dein aur usi me se wohi balak kuch dhan bacha kar apne mata-pita ke liye kuch samagree athwa dhan apni ichha se unhe de, to his prakar mata-pita ko apne balak is vyavhaar se khushi hogi waisi hi prasannta mujhe hoti h jab koi vyakti apni aaye ka ek hissa mere liye nikalta h, kintu ye jaroori nai ki mere naam ka nikala WO hissa kisi dharmik sthaan athwa dharmik kaarya me hi lagaya jaaye, mujhe atyant prasannta hoti hai jab mere naam se apni aaye ka ek hissa jarooratmand prani (manushyo, pashu-pakshiyo, ped-podhon, nadi-naalon evam prakati ke kalyan) me lagaya jaata hai, aisa daan mujhe bahut priye hai aur isse hi main sweekar karta hu.

dilli shahar tha wo.....

"Dilli shahar tha wo dilwalon ka, dilli shahar tha wo matwalo ka, har fikar ko dhuye mein udake chalte the har pal log jahan, ye shahar tha aise himmatwalo ka,raj dil pe karte the log jaha ke, ye shahar tha aise dildaaro ka,

Pakhand ne pasare hain perr jaha, dilli ab WO shahar hai dalalon ka, jhooth-fareb-dhokhe milte hain pag-pag jahan, dilli WO shahar hai ab halalon ka, lutti hai izzat har roz har sadak par, marti insaniyat ko zinda rakhta hai WO, dilli WO shahar hai ab un misaalon ka "

"gunah tha mera"

"Dil kisi se lagana gunah tha mera,
Kisi ko dil mein basana gunah tha mera,

Apna kisi ko kahna gunah tha mera,
Gerr ko apna banana gunah tha mera,

Sapna kisi ka dekhna gunah tha mera,
Neno mein kisi ka sapna gunah tha mera,

Dhadkano mein yu samana gunah tha mera,
Kisi ka yu dhadkan banjana gunah tha mera,

Saanso mein kisi ka bas jana gunah tha mera,
Zindagi ki saans ban jana kisi ka gunah tha mera,

Ummid mein kisiki ashq bahana gunah tha mera,
Ashqo ka ummid ban jana gunah tha mera,

Hasa kar umar bhar rulaa jana gunah tha mera,
Kisi ko apni hasi banana gunah tha mera,

Zindagi mein panah kisi ko dena gunah tha mera,
Kisi ko apni zinadagi banana gunah tha mera,

Dil kisi se lagana gunah tha mera,
Kisi ko dil mein basana gunah tha mera...-2"