Thursday 30 July 2015

naman- dr. kalam ke liye meri chand lines

"Abhaavon mein khilaa kamal kalam uska tha,
Jita har Hindustani ka dil shakhs wo mahan tha,
Sadharan vyaktitwa jiska asadharan insaan tha,
Dilon me rahne Wala wo vyakti Bharat ki shan tha"

Wednesday 29 July 2015

ashru poorn alfaz- Dr. Kalam ke liye

1- Bhatat  ki aan tha wo,
     Desh ki shaan  tha wo,
     Kalam   tha    naam jiska,
     Vyakti   mahan  tha   wo,


2-

De kar bahut kuch aaj wo chala      gaya,
Muskurata sadharn vyktitwa chala gaya,
Fir kisi desh fir kisi zamin ko roshit karne,
Bharat ka mahan Kalam wo chala    gaya"

Tuesday 28 July 2015

panchhi ban-kavita

"Panchhi ban main udna chahti hoon,
main bhi gagan ko chhuna chahti hoon,

Yaad rakhe zamana mujhe apne dilme,
Dilon mein yaad ban basna chahti hoon,

Panchhi ban main udna chahti hoon,
Roshit ghar ye aagan bas chahti hoon,

Ban kar Jyoti chamakna chahti hoon,
Suman ki tarah mahakna chahti hoon,

Barkha ban kar barasna chahti hoon,
Hasrato ka dariya bharna chahti hoon,

Adhoore khwaab poore chahti hoon,
Ban kar misaal bas jina chahti hoon,

Panchhi ban main udna chahti hoon,
Main bhi gagan ko chhuna chahti hoon"

dhoondta hoon main-kavita

"Wakt se haara ek kinara dhoondta hoon main,
Hoon besahara, sahara dhoondta hoon main,

Kitna dard mila mujhe in kateeli raahon mein,
Zakhmo ka mara, ek sahara dhoonta hoon main,

Ye haalat kis kadar badal gaye yuh aaj to mere,
Kho chuke apno ka sahara dhoondta hoon main,

Ruswaiyo ke sagar mein aaj yu akela betha hoon,
Tanhaiyon  mein fir sahara dhoondta hoon main,

Us jharokhe se aaj bhi ye nazara dekhta hoon main,
Viran si is zindagi mein sahara dhoonta hoon main,

Apne wazood ke ye nishaan dhoondta hoon main,
Jivan ki is wazah ka sahara dhoondta hoon main"

Sunday 26 July 2015

shayri

1*Tere sang jiya har pal bahut yaad aata hai,
Tere sang jiya har lamha bahut yaad aata hai,
Jo guzari thi shaam Teri baaho mein Maine,
Tere sang jiya wo pal har lamha bahut yaad aata hai,


2* is hawa ke jhoke mein ek tera hi ahsaas hai,
Dur ho kar bhi tu mere kitne paas hai,
Aisa lagta hai jaise har lamha saath hai,
Bewafa dilbar mere liye aaj bhi kitna tu khaas hai,


3* duriyon ki parwah na ki tujhse Milne chali aayi,
Laaj Sharm haya haye sab chhod tere peeche aayi,
Par bewafa tune di mohabbat ki har mod par saza,
Meri chahat dekh ae bewafa teri aankhe na bhar aayi

Saturday 25 July 2015

ae dil bata-shayari

"Ae dil bata is marz ki dawa kya hai,
Siwa mohabbt ke maine ki khata kya hai,
Wo husn ki mallika main dil uspe hara hu,
Ae dil bata usse aashiqi ki waZah kya hai"

sherr

"Hey ishwar mujh par kuch aisi kripa do,
Main hun zamin, falak ka sitara bana do"

manav kar raha atyachaar-kavita

"Har kahi ho rahi hahakar, dekh usse dilse nikal rahi cheetkaar,
Gum ho chuka hai manav dharm, kho gaya shishtaachar,

Rota hai pagal mann mera dekh insaan ke ab achaar-vichaar,
Kisi ko sookhi roti nahi yaha, koi khaye dahi aur achaar,

 Brasht ho chuki duniya mein kis kadar felaa hai bhrashtachar,
Nirdayi ho chuki duniya mein, nahi hota ab daya ka sanchaar,

Chho chuke bhale aaj gagan ko ham par kho diya ye chamatkar,
Kho chuka ab wo bhai-chara, fell chuka har kahi ye vyabhichar,

Sachhe Prem ke nahi milte kisi shakhs mein ye vichaar,
Raag-dwesh aur hinsa har kahi, roti manavta manav kar raha atyachar,
Manav kar raha atyachaat-4

mehka diya tune-sherr....

"Ye ajib sa ahsaas diya tune,
Aam se khaas bana diya tune,
Bas ek kachhi si Kali thi main,
Bana pushp mehka diya tune"

Thursday 23 July 2015

kitne khaas ho tum-kavita

"Ek khoobsurat ahsaas ho tum,
Dur ho kar bhi kitne paas ho tum,

Kaise samjhau tumhe ae zindagi,
Meri in khaaishon ki aas ho tum,

Rahti hai dil mein moorat jiski,
Mere liye to kitne khaas ho tum,


Meri har umango ka saaz ho tum,
Adhuri si zindagi ki saans ho tum,

Mera din aur meri raat ho tum,
Meri mohabbat ki pyaas ho tum,

Ek khoobsurat ahsaas ho tum,
Dur ho kar bhi kitne paas ho tum

meri shayeri collection-hindi

1\* jab se maine ishk mohabbat ko pana chhod diya, tab se apne liye yaaron maine jeena seekh liya,

Ek wakt tha Jo gujarta tha tere hi GAM ke sahare,
Aaj bhula ke har gam ko maine muskurana seekh liya,


2*\  anjani si in raaho mein chale ja rahe hain ham, na pata hai raahon ka na pata hai manil ka, bas bade ja rahe hain bas bade ja rahe hain,


3\*  zakhm dene wale hi aksar yaad aate hain, warna pyar dene wale ashk hi kahan bahne dete hain,

4*\ dil mein bas kar hi wo dil tod gaya,
Apna bana fir tanha mujhe chhod gaya,
Rahta tha dilme mere Jo khuda ki tarah,
Aaj majhdhar mein akela chhod gaya,


5\* tere intezaar mein ek afsaana likh dala,
Tu na aya bewfa ye sara zamana badal dala,


6*\ tu hi to meri gazal meri har nazm,
Tere hi naam ye zindagi har janm hai,
Guzra kal bata na dur tum Jana mujhse,
Na Ji sakenge tere bin ae mere sanam,


7\* nadi ke do kinaare hain ham,
Ek dusre ke sahare hain ham,
Na mile saath bhale umar bhar tera,
teri hi mohabbat ke maare hain ham


saza maine paayi hai- kavita

"Tujhse mohabbat ki har pal saza maine paayi hai,
Is wafa ke badle tujhse mili mujhe to ruswaayi hai,

Zeevan ki is dagar par ye baat ab samajh aayi hai,
Meri bhalaiyo ke badle mili mujhe kyon tanhai hai,

Karke yad tujhe bhi aaj meri aankhe bhar aayi hai,
Bhula kar bhi tujhe dil mein chhavi teri hi chhai hai,

Ae bewafa tere bina li na Maine koi angdaayi hai,
Tere bin jeene ki koi khwaish is dilme na aayi hai,

Teri yaado ki tashvir  is dil mein yu samaayi hai,
Tere siwa Kisi aur ki moorat dil mein na aayi hai,

Tu nahi hai paas par teri yaadon ki parchhai hai,
Is dilne jagah bas tere liye hi to ab tak banayi hai,"

ishwar vaani-90, ishwar ne atirikt kuch nahi banaya

Ishwar kahte hain "hey manuahyon jis prakaar maine tumhe do aankh do kaan diye hain, jis prakaar maine tumhare shareer par atirikt ang pradaan nahi kiye hain, usi prakar shrishti mein maine kuch bhi atirikt nahi banaya hai,

Tum swaarth vash, jihwa ke swaad hetu athwa manoranjan hetu kisi nirdosh ke praan har lete ho kintu ye adhikar tumhe diya kisne, jab maine tumhe do ki jagah teen aankhe do ki jagah chaar haath nahi diye fir mere dwaara shrishti pe janme kisi bhi jeev ko maarne ka atirikt adhikaar tumhe diya kisne,

Jis prakaar tunhare shareer par atirikt ang pradaan nahi kare hain maine waise hi na koi jeev-aatma, nadi-naale, sagar-bhoomi, jharne-van(jangle), brahmand ka kan kan maine atirikt aur bina uddeshya ke nahi banya hai,

Ishliye hey manushyo in me se kisi ko bhi haani pahuchana band kar sampoorn manav bano, ek sachha aur sanpoorn manav hi saint kahlata hai kyonki WO sada jagat ke  hit ke vishya mein kriyasheel rahta hai aur is kaar deviye gun prapt kar sabka kalyan karta hai, kuch pakhandi log manav ko devta banane ki baat karte hai, par WO nahi jante devta aur saint aur ishwar mein kya bhed hai, devta chhodo tum pahle maanav to manushya ko bana do,

Ek manav apne satkarmo se saint ban ishwariye kripa pa deviye gun dhaaran kar devta ki shredi mein aa pahuchta hai, devta nishchit kriya ko poorn kar us parmeshwar mein vileen ho jate hain, sansaar mein sabki mratyu nishchit hai siwaaye ishwar ki, samast jeev aatma, samast Brahmans, Brahma, Vishu, Mahesh, samast maha shaktiya jisme ek din vileen ho jayngi WO ishwar yani ki main hi hoon, Jo shoonya arthaat kuch na ho kar bhi San kuch hoon, sabka janak, palak, sanharak aur khud mein samane wala main hi hoon, swarg-narak, khushi-gam ka data main hi hoon,

Hey maanavo abhi bhi wakt hai manav dharm ki rah par chal mujhe apna lo anyatha aage apne vinaash ke tum khud hi zimmedar hoge"







Saturday 18 July 2015

mere paas tu hai-kavita

"Hai nahi tu mere paas par tera ahsaas hai,
hawa ke jhonke ke saath mere paas tu hai,

Chhipa hai kaha is duniya ki bheed mein tu,
Par lagta hai jaise mere aas-paas bas tu hai,

Har ghadi dhundti hai jise meri nazre har kahi,
Milega kahi to mujhe mera wo vishwas tu hai,

Mere dil ki in dhadkano ki aawaaz tu hai,
Mere bekaarar is tanha dil ki pyaas tu hai,

Hai nahi tu mere paas par tera ahsaas hai,
Hawa ke jhonke ke saath mere paas tu hai"

Friday 17 July 2015

meri bhakti meri shakti hai ma-kavita

"Meri bhakti meri shakti hai ma,
Mere nihshab ki abhivyakti hai ma,

Dur ho kar bhi har pal pas hoti hai ma,
Rahu chahe jahan dilme rahti hai ma,

Chot mujhe lagti to roti hai ma,
Dard chhipau lakh par jaan leti hai ma,

Kabhi Bahan kabhi saheli banti hai ma,
Kabhi dantti kabhi dularti hai ma,

Kabhi bahu to kabhi saas banti hai ma,
Har rishte se bas pyaar barsati hai ma,

Ishwar ka roop nahi ishwar hoti hai ma,
Ghar ke deepak ki Jyoti hoti hai ma,

Bina kahe kitna kuch kah deti hai ma,
Chup rah kar bahut kuch bata deti hai ma,

mere dil ki aawaz bas ye hi kahti hai,
Ma mein hi nav-durga to rahti hai,

pyar ki moorat duniya use kahti hai,
barsaye pyar sada ma hi to wo vyakti hai,

har mod par bas uski anubhuti hoti hai,
Hai amulya jagat mein WO Moti hai ma,

Har pal har lahma to uski jarurat hoti hai,
Soti hai santan chense jab jagti hai ma,


Har gam mera use mil jaye,
In ashko ko dekh ye hi kahti hai ma,

Zindagi ko har pal sawarti hai ma,
Har rishte nibha insasn banati hai ma,

Tabhi dil se ye hi aawaz aati hai,
Mere jivan mein jhalak uski dikh jati hai,

Patjhad se jivan mein haryali lati hai ma,
Dilpe pathar rakh beti Vida karti hai ma,

Kal ki beti hi to banti hai aaj ki ye ma,
Tere bin to ishwar bhi ashakt hai ma,

Tabhi Meri bhakti meri shakti hai ma,
Mere nihshabd ki abhivyakti hai ma,

Meri bhakti meri shakti hai ma
Mere nihshabd ki abhivyakti hai ma"

ae khuda

"Ae khuda na maangu tujhse ye dhan-daulan aur ye aasman, maangu to bas do gaz zamin zism ki bandish ko todne ke baad"

koi kaaran hoga- kavita

"Kadi dhoop mein daud lagaye fir bhi naukari na paaye koi kaaran hoga,

Garibi ghar mein perr jamaye har din wo to badti jaye kaaran hoga,

Karz beemari badti jaaye fir bhi kaam na koi dilaaye koi kaaran hoga,

Mehgai bhi badti jaye koi sarkar na kam kar paaye koi kaaran hoga,

Laachari bhi bahut sataye bebas aankhe kahti jaaye koi kaaran hoga,


Kisi ko ameeri khoob sataye kahi karibi badti jaaye koi kaaran hoga,

Koi paisa kaha chhipaye is chinta mein dooba jaye koi kaaran hoga,

Kisi ko roti  bhi na mil paaye kaise apna ghar chalaye koi kaaran hoga,

Koi chhappan bhog banaye koi Paani pee so jaaye koi kaaran hoga,


Kahi diwali roz manaye koi andhere mein din bitaaye koi kaaran hoga,

Kadi dhoop mein daud lagaye fir bhi naukari na paaye koi kaaran hoga-2



Thursday 16 July 2015

kis oor hai mujhe to bas jana- kavita

Aaj na chhat hai na hai koi aashiyanaa,
Mujhe nahi pata kis oor hai mujhe to bas Jana,

Zinda hoon kyon aaj tak main jahan mein,
Bahut dhunda par is wazah ko nahi pahchana,

Chalta raha har pal in pathrili raahon mein,
Girta raha sambhlta raha par na mila koi thikana,

Thak chuki meri ankhiya manzil ke intezaar mein,
Bahut chaha par nasib mein nahi tha bas use pana,

Nasib se aaj haare is kadar ham to jaha mein,
Varna kisi mein na dam tha hame hara paana,

Loot chuki zindagi mujhe na raha koi gharana,
Bebas aakhe kahti hai aaj nahi hota aur ye sah pana,

Aaj na chhat hai aur na hai koi aashiyana,
Mujhe nahi pata kis oor hai mujhe to bas jana-2

Wednesday 15 July 2015

pauranik katha-8, sabse pavitra

"Ek samay ki baat hai saint kabir kisi samaroh mein gaye, waha ke ek vikhyaat pandit aur saint kabir ke beech shashtarth ki pratiyogita ke aayojan ke vishya mein waha ke panditon ne saint kabir aur un mahatma se baat ki, WO dono iske liye taiyaar to gaye kintu shashtarth poorva WO ek doosre se mile tak nahi the kintu ek doosre ki khyaati avashya unhone suni thi,

Kintu shashtrath wali subah jab WO pandit shauch kriya ke baad apni kuttiya mein laut rahe the tabhi kabir das ji waha se nikle unhone pandit Ji se kaha ram-ram par unhone koi uttar na diya is tarah kabir das Ji ne kayi baar ram ram kaha par pandit ji ne koi uttar na diya,

Jab shashtrath ka samay hua to dono vidwaan aamne samne baithe, kabir das ko in pandit msharaj ne unhe pahchan liya kintu apne ahankar mein choor pandit apne ko hi abhi tak shreshth samajh unhe harane par hi vichar mein vyast tha, kintu shashtrath shuru hone se poorva kabir das Ji ne pandit Ji se puchha aaj subah jab aapse Maine ram ram kaha to aapne uttar kyon nahi diya??

Pandit Ji ne uttar diya tab main ashudh avashtha mein tha, to kabir das Ji bole arthaat? Pandit Ji bole main shauch kriya karke laut raha tha isliye ashudh tha tabhi aapko uttar na de saka, is par kabir das ne kaha aap fir shudhh kaise huye, pandit Ji ne kaha mitti aur JAL se, is par kabir das Ji bole kintu mitti aur jal bhi to ashudh hai, sansar mein aisi kaun si vastu hai Jo shudhh hai kewal ram ke naam ke siwa, Maine to aapko sabse shudhh karne wale ka smaran karne hetu ram ka naam liya aur pratuttar ke sthaan par aap bina kuch kahe chal diye,

Ye sun kar  pandit Ji ne shashtrath nahi kiya apitu saint kabir ke shishya ban gaye.."






Tuesday 14 July 2015

ishwar vaani-89, manav dharm

Ishwar kahte hain "yadhapi kaliyug mein anek jaati, dharm, aur sampradaayon ka uday hua hai, kintu isse poova aisa nahi tha, manav jaati ke shuruaat mein na jaati na dharm aur na sampradaaye the, manav aur uske karm hi itne paswan the ki mujhe (ishwar) ko is dharti par manav ko paap ke raaste se mukt karane hetu unhe shikshit aur gyaan dene yaha aana nahi padaa,

Kintu samay ke saath anek vikratiya maanav jaati mein aane lagi falswaroop unhe door karne ke liye jaati aur sampraday ka nirman hua, kaliyug mein paap sthaan-sthaan par itna bad gaya ki mujhe dharti par aa kar maanav jaati ko paap aur dukh se mukti dilaane hetu aana pada, desh/kaal/paristithiyon ke anusaar main dharti par avtarit hua, apne gyaan ko duniya mein dohraya, us gyaan par chalne aur maanne wale aur na maanne wale dono hi tarah ke logon ne isse ek naye dharm ke roop mein liya, jabki iska mool uddeshya log bhool gaye, mere gyaan ka mool uddeshya tha manav vikrati ka ant aur sampoorn manav dharm ki sthapna na ki anya dharm ki, kintu manav ne meri shiksha ke viprit khud hi naye naye dharm ka nirmaan karte gaye, aur falswaroop aaj jagat mein raag/dwesh/hinsa ka shukaar khud hi ho rahe hain, Jo vyaktu manav dharm ko bhool kar meri di shiksha ka galat arth nikalega waha ye sab to hoga hi,

Yadi samay rahte manav ne manav dharm ki raksha hetu kartavya nahi kare to sheeghra hi na manav bachenge aur na unke hi jaati-dharm-sampraday na manav jaati, aur iska jimmedar khud manav hoga.."






Saturday 4 July 2015

ishwar vaani-88, barf aur aakashiye sagar

Ishwar kahte hain "aakash se girne wali nadi Jo barf ke roop mein dharti par aati hai, WO aakashiye sagar ke dwaara hi aati hai, yadi usse barf ka roop na diya jaata to uska vaig itna tez hota jisme poori dharti doob jaati, isliye usse pahado par barf ka roop diya aur pahadon ke tede-mede pathrile raaston se ho kar uska vaig kam hota jaata hai,


Samast glacier aur samast pahad ishwariye chhavi aur samast prathvi ke rakshak aur paalak hain, Jo meri satta ki parichayak hai"



mohabbat yaha kam hai

"Hai itni badi duniya par mohabbat yaha kam hai,
Hai log yaha har taraf par dildaar yaha kam hai,

Gam aur askho ka yaha kaisa ye samandar hai,
Isme doobne se bachne wala hi aaj sikandar hai,


Fareb se Jo shoharat paale wo hi aaj kalandar hai,
Itni badi duniya mein satywaan aaj kam hai,


Ishk ke naam par lela-majnu sultan aaj kam hai,
Hai Itni badi duniya par mohabbat aaj kam hai-2"

mera dilbar mera hamraz

"Dur kahi paas kahi to hoga mera dilbar mera hamraz,
 Jiski hai mujhe talash kahi to hoga mera dilbar mera hamraz,

Nazare baithi meri palke bichhaye, jaane kitne asaad aur saawan aaye,
Bhigo diya sab tan-man mera bhigo diya ghar-angna mera,

Chidiya chahki koyal boli, royi ankhiya aur dhadkan boli,
Bagiya ne kitne phool khilaaye, par sazan Ji na mujhe mil paaye,

Beet gaye har saal kho gaya har saaz, adhoore rah gaye har khwaab,
Na suni unki koi awaaz, na mila saka mujhe mera dilbar mera hamraz,

Adhoori rah gayi dilki har baat, na dikhi yaha mujhe to koi aas,
Na mit saki mohabbat ki ye pyas, na mila mujhe mera dilbar mera hamraz"

Wednesday 1 July 2015

ishwat vaani-87, ishwar ek hi hai

Ishwar kahte hain "yadhpi hey manavo tum mujhe anek roop aur swaroop mein mante ho, mujhe anek naam se mantle aur pukarte ho, koi mere sakar roop ko pujta hai to koi nirakar, par us ek aatma arthaath parmatma yani ki mere vasatvik roop ko koi nahi janta, sach to ye hai mera koi roop aur swaroop nahi hai, na to main sakar hoon aur na nirakar hoon, jaise jeev mujhe manta hai main wohi ban jaata hoon, par main hoon to ek sarvshaktiman parmeshwar,


Jaise ek mata-pita ki anek santane ho, WO Sab unhe vibhinn naamo se pukarte ho par mata-pita sunte to sabki hain, chahe koi unhe ma-baapu kahe, mummy-papa kahe, ammi-abbhu kahe, kintu mata-pita apne sabhi balako ko saman sneh karte hain, sabka samaan dhyaan rakhte hain aur unki sun kar har ichha puri karte hain,

Waise hi samast praani mere balak hain, WO mujhe chahe jis naam se pukare, main sabki samaan roop we sunta aur pyaar karta hoon, chahe balak mujhe jis naam se pukare par pukare aur mujhe jaane-maane jarror, par mere kisi ek naam ko hi kewal satya na maane, aur na hi mere ek naam aur roop swaroop ko anya kisi par thope, bas har manav ye jaan le main ek hi hoon dooza koi nahi mujsa shaktiman tumhara aur jagat ka janm data, swarg-narak ka swami main hi hoon, tumhara palak aur sanharak main hi hoon, samast aatmao ka swami mai hi hoon. Chahe tum mujhe jis naam aur roop mein maano, main pal-pal tumhare saath hoon aur tumhare achhe bure ka bahi-khata pal-pal ka apne pass rakhe huye hoon, aur tumhe iss shareer hi nahi apitu kayi janmo tak tumhe tumhare karmo ki saza milegi kintu achhe karmo se sukh ko prapt hoge kyonki karmanusar sukh aur dukh dene Wala main hi hoon,

Main hi aadi kaal se tha, main aaj bhi hoon aur anant kaal tak main hi rahunga, par satya main hi hoon, mujhse bada satya koi nahi, meri satta na manne wala, mere bataye marg par na chalne wala, bure karmo mein leen rahne Wala, aise manushya mere kadapi priye nahi, WO burai ka marg apna sadaa jhooth ka saath dete hain, WO hi janmo tak dukh bhogte hain,

Main har janm mein karm sudharne ka avsar deta hoon kintu Jo log iska laabh pa kar karm sudhar lete hain WO anya jeevan mein us janm ke karm aur is janm ke karmoanusaar sukh paate hai kintu Jo laabh nahi lete WO sadaa dukh paate hain"