Ishwar Vaani-18 **satya ki raah**

Ishwar kahte hain “yadi hum satya ki raah pe chalte hain to aisi raah mein kayi aise log hume milenge jo humare param aalochak hounge aur kayi aise log bhi hume milenge jo humare samarthak hounge, lekin hume na to apne aalochakon ki taraf koi dhyaan dena hai aur na apne samarthakon ki oor kyon ki yadi hum apne aalochakon ki baton  ko dhyaan mein rakh kar kaarya karne lagte hain tab bhi na to unhe kabhi khush rakh sakte hain kyon ki unki to aadat hi hoti hai kuch na kuch khaami nikaalne ki iske saath hi hum apne mool kartravayon se bhi dur hote jaate hain, unki aalochana avam unhe prasann rakhne hetu kaarya hume humare mukhya lakshya se dur le jaata hai, isliye hume unki taraf dhyaan nhi dena chahiye, iske saath hi hume apne samarthakon ki taraf bhi dhyaan nahi dena chahiye, kyon ki yadi hum unki taraf dhyaan denge to hume ahsaas hoga ki hum bilkul sahi hai iske saath hi ahankaar ki bhaavna bhi dheere- dheere humare mann mein ghar karne lagegi ki hum sarvashva hain, mann mein ye bhaavana ghar karne lagegi ki hum auron se shreshta hain tabhi to log aaj humare samarthak hain, humare saath hain, iss bhaavana se bhi hum apne mool kartavyon ki bhool kar apne ahankaar mein doob jaaynge, isliye jab bhi hum kisi kaarya ki poorti ke liye kadam badate hain to hume kisi aur ki saraahana ya fir aalochana ki aavashyakta nahi hai bas mann mein drin vishwaas hona chahiye ki hum sahi hai, yadi hum sahi hain, humara apne uddeshya prapti ka maarg sahi hai, to chaahe puri duniya humari samarthak bane ya aalochak hume uski parwah nahi karni chahiye kyon ki yadi hum sahi hai to bhale puri duniya hume akela chhod de kintu wo parmeshwar sadev humare saath hai kintu yadi hum galat marg aur galat uddeshya ki prapti ki oor agrasar hain to bhale  bhaati jaan lein kichaahe saari duniya humari samarthak ho jaaye kintu wo parmeshwar humare saath kadaapi nahi hai, isliye apne uddeshya prapti hetu hume iss mayavi bhotikta se utpann maanav ke samarthan avam aalochan ki jagah ishwar ke saath ko prapt kar apne kaaryon ki poorti ka marg apnana chahiye, bhale hi iss kaarya mein anek kathinaiya aaye, bhale jeevan nark ban jaaye kintu hume sahi avam satya ka maarg nahi chhodna chahiye, mann mein poorn drin vishwaas rakhna chahiye ki yadi hum sahi hai to nishchit hi safata ko ek na ek din hum jarur prapt karenge, paapi maarg bhale hi hume bahut jald unchaiyon par le jaaye kintu wo naashwan hai, jab to nasht hota hai to aakash se gir kar maavan aise zameen mein girta hai jaise aakash mein udne wale pankshi ke kisi ne pankh kaat liye ho aur iss prakaar wo  fir  sambhal nahi paata kintu satya aur sahi maarg par chal kar bhale hi derr se aur anekon kashton ko seh kar hume safta praapt hoti hai kintu wo hume sadev unchain tak hi rakhti hai, kyon satya aur sachhe marg pe chalne walon ke saath sadaa parmeshwar rahte hain aur sadev hi sachhe aur sahi maarg pe chalne walon ka maardarshan karte hain, Ishwar dherya  rakhne walon, doosron ke hit ke liye apne samast sukh ko tyaag kar nihswaarth bhaav se praani kalyaan hetu kaarya mein lage praaniyon ke ko sachhi seva bhavana ko hi sachhi bhakti kahte hain, sadev Ishwar unke saath rahte hain jo sadev doosron ki prasannta avam unke hit ki vishya ke bare mein na sirf sochte hain balki karne ki tatpar rahte huye unke liye kaarya karte hain jinhe iski sabse adhik aavashyakta hai, Ishwar sadev hi sahi avam satya ke path par chalne wale pathik ke saath hain.. ”

Anhoni ghatnaaye part-1

Anhoni ghatnaaye part-1

Humari zindagi mein kabhi kabhi aisa kuch ho jaata hai jis par yakin karna bahut hi mushkil hota hai, yadi iss vishya mein kisi se charcha karo to log ya to haste hain ya fir maze lene ke liye baate sunte hai ya fir dimaagi mareez samajh kar kisi achhe chikatshak se milne ka nihshulk mashvara dete hain, aisa wo log isliye karte hain kyon ki unhe humare baat pe yakin nahi hota, bhala ho bhi kyon aakhir unhone to ya fir unki zindagi mein aisa kuch thode hi hua hai jo wo kisi asambhav se ghatna pe yakin itnee aasani se kar lein, aakhir unhe ispe yakin karne ke liye pramaan chahiye hote hain kintu kuch ghatnaye aisee hotee hain jinke humare paas pramaan nahi hote kintu iskta arth ye kadaapi nahi hota ki jiske pramaan nahi hai wo hai hi nahi iss shrishti pe ya unka koi astitva hi nahi hai,

      Kintu maine dekha hai waise to log aaj ke samay mein kaafi pade likhe bante hai aur kahte hain ki wo kisi aisee ghatna pe yakin nahi karte jiska koi saakshya na ho lekin maine dekha hai ki chori chupke wo bhi yakin karte hain ya fir haalat ne unhe bhi iss par yakin karwa hi diya.

  Ab meri hi baat le lijiye ek waqt tha jab mujhe Ishwar yani ki bhagwan pe sandeh tha ki wo iss duniya mein hai bhi ya nahi, jab bhi baat chalti to mann mein mere bas ye hi khyaal aata ki kya wo parmeshwar, wo khuda wo ishwar hai kya iss jagat mein, kintu august-1999 ki yaani ki mere school ke samay ki baat hai meri kuch saheliya school se chhutti hone pe church jaane wali thi, to unhone mujhe bhi ek baar church chalne ke liye aamanatrit kiya aur maine bhi isse pahle kabhi church nahi dekha tha isliye haan bol diya, lekin waha ja kar ahsaas hua ki jaise khud Ishwar ne mujhe yaha bulaaya ho, wo khud mujhe apne kareeb laana chaahte ho, ek behad ajeeb lekin sukhad ahsaas mujhe waha hua, kintu fir iske baad mujhe church gaye 4 saal ho gaye, 4 saal baad aug.2003 mein main aur mera pareewar waha gaye aur mujhe ahsaas hua shayad ye hi wo jagah hai jo mere liye sahi hai, ashaas hua haan ishwar hai, aur iske baad ishwar ne mujhe kabhi akela nahi chhoda, humesha aur har kadam par wo mere saath rahe,

    Lekin Ishwar aur mera ye rishta sirf itnaa hi purana nahi hai, Ishwar aur mera ye rishta to janm janmantron se raha hai, mujhe yaad hai bachpan mein jab meri maa mujhe maarti peet ti thi aur aur khaane peene ko bhi kuch nahi deti thi, jab ghar mein vibhinn tarah ke atyaachaar mujhe pe hote the tab akele mein ek aurata mere paas aati thi, aur jab jab maine usse puchha kit um kaun ho to wo kahti ki main tumhari maa hoon, aur mere muhh se nikalta ki meri maa to wo jo mujhe maati peet ti hai, atyachar karti hai, iss vishya mein wo kuch nahi kahti, kahti to bas itnaa ki wo meri maa hai aur ek din mujhe yaha se jarur le jaaygi, bhookh pyaas se vyaakul mera mann hota to wo mujhe meri pasand ki har cheez khilati thi lekin wo kabhi mere siwa kisi aur ko nazar nahi aayi, jab bhi maine khud ko akela paaya to uss aurat ko apne kareeb paaya, fir jab mera 11^th class mein kisi doosare school mein daakhila hua to waha mera vishya tha manovigyaan, jisme maine pada ki kabi kabi humare andar ki kalpana humare kaalpnik roop mein hume nazar aane lagti hai, hum usse baat karte, uske saath khelte hain kintu asal mein wo kuch nahi bas humari kalpna hoti hai, praachin Bharat mein isse bhool preton ka saaya bhi kahte the kintu aaj ye ek dimaagi beemari hai jo vibhinn kaaranon se hoti hai, so meri samajh mein ye to aa gaya tha jo aurat mujhe dikhai deti hai wo meri bas ek kalpana hai kintu mujhe wo mann ki kalpana achhhi lagne lagi, mujhe usse behad pyaar milta tha jo mujhe kabhi kisi se nahi mila, wo kalpana mujhse kahti thi ki ek din wo mujhe yaa se jarur le jaaygi kintu abhi sahi samay nahi aaya hai par ek din wo jarur le jaaygi, aur issi ummid mein maine apni zindagi ke 16 saal jab tak ki manovigyaan ka wo chapter nahi pada tha tab tak ummid rahi ki ek din wo lady mujhe yaha se le jaaygi apne paas uss duniya mein jaha sirf aur sirf pyaar hoga, koi kisi ka dushman nahi, koi bhed-bhaav nahi, bas waha hoga to pyaar, pyaar waha bas bikhara pada hoga, lekin manovigyaan ke uss chapter ne mujhe kalpana ki uss udaan se jaise zameen pe la diya,

   Lekin waqt ke saath mujhe ahsaas hua jise maine apne mann ki kalpana samajh liya tha wo meri mann ki kalpana nahi balki saakshat Mother Marry thi, unka ye kahna ki ek din wo mujhe apne paas jarur bula lengi ka arth tha ki ek din wo mujhe parmeshar ki sharan mein jarur kheech lengi, mere mann mein jo ye dvand chalta tha ki Ishwar hain ya nahi iss dvand se unhone mujhe na sirf baahar nikala balki jo wo bachpan se kahti aayi thi ki ek na din wo mujhe apne paas bula lengi unhone wo hi kiya, aur rahi baat pyaar ki, jaha koi berr bhaav nahi, jahan koi bhed-bhaav nahi to aisa sthaan sirf Ishwar ki sharan ke atirkt hume aur kahan mil sakta hai,  

   Iske saath hi ek aur Ishwariye ghatna mere saath bachpan ke samay mein hui thi, mujhe yaad hai meri umar uss waqt 8 ya 9 saal ki rahi hogi, mujhe aur bachhon ki tarah hi ghar ki deewaron pe drawing kar ke unhe bigaadna kaafi achha lagta tha, uss din navraton ka shayad pahla din tha, maine deewar pe mata ki drawing banana shuru kar di, maine Mata ki 3 bahut hi khoobsurat c drawing banai, lekin jaise hi wo drawing poori hui to maine dekha ki unme halchal c hone lagi hai, mata ki aankhon ghoom rahi hai aur wo muskura rahi hai, main jaha mudu mata ki aankhe wahi ghoom jaaye aur iske saath hi mata ke hounthon pe pyari c muskaan bhi jhalak rahi thi, iss drashya ko dekh kar meri to haalat hi buri ho gayi aur darr ke mare mujhe to bukhaar tak aaya gaya,

    Ye to ghatnaaye thi jo mujhe Ishawar ki taraf kheech rahi thi, aaj Ishwar ke kareeb aa kar maine unki shakti ka aur bhi anubhav kiya hai, haalaki meri paas Ishwar ki shakti avam meri saath jo unhone ye leelaye rachi unka koi praman ya saakshya nahi hai kintu iska arth ye bhi nahi hai ki aisa biklul bhi hua na ho ya maine thodi c bhi kalpna kar ke aapko ye baat batayi ho,

Doston mere iss ank mein aapne Ishwar ki shakti ke bare mein pada, aapne pada ki Ishwar ne kis prakaar mujhe apnee oor kheecha, doston aisi hi kuch ghatnaye hai jinme longon ne ishwar ke vipreet roop yani ki bhoot-preton ko mehsoos kiya hai, wo kahaniya agle bhaag mein..

Dhanyawaad

Archu

jal bin tadapti machhali hoon main

“jal bin tadapti machhali hoon main, patjhat ka sookha hua patta hoon main, bujha hua sa koi chiraag hoon main, saagar ki leharo se takara kar doobi hui si koi kashti hoon main, kya batau ab tujhe main, tere bin na roti aur na hasti hoon main, thehar si gayi hai ye zindagi meri tere bina, ae kaash jara tu dekh le ek baar mudkar to mujhe, tere hi to bas pyaar ki pyaasi hoon main, nahi hai koi aakansha dil ko mere iss duniya mein chha jaane ki, hai to bas itne si abhilaasha tere laut aane ki, maana bahut sataya tujhe maine, maana bahut rulaaya hai  tujhe maine, par puchh to ek baar dil se apne kya tune kabhi hasaya hai mujhe, chhod beeti wo kadwi yaade aa ab tu laut aa, na tu mujhe ab aur tadpa kasam hai tujhe ab tu laut aa aur dekh jara ki kis tarah tere bin bikhari hui si hoon main….”

adhuri si lagti h ye zindagi tumse dur jane par-अधूरी सी लगती है ये ज़िन्दगी तुमसे दूर जाने पर

 "अधूरी सी लगती है ये  ज़िन्दगी तुमसे दूर जाने पर,झूठी सी लगती है हर ख़ुशी तुमसे रूठ जाने पर,जब  आती है तुम्हारी वो प्यार भरी बातें जुदा तुमसे होने पर कमी उनकी खलती है,आता है ख्याल मन में मेरे शायद दिलों में ही कम था प्यार हमारे,शायद चाहतों सैलाब कम था ज़ज्बातों में हमारे तभी आई बीच हमारे ये दूरिय,पर इन दूरियों के बाद क्यों आस सी दिल में जगी रहती है,क्यों आज भी मुझे तुमसे मिलने की उम्मीद होती है"। 

"adhuri si lagti h ye zindagi tumse dur jane par, jhuthi si lagti h har khushi tumse ruthh jane par, jab yaad aati h tumhari wo pyar bhari baate juda tumse hone par kami unki khalti h, aata h khyaal mann mein mere shayad dilo mei hi kam tha pyar hmare, shayad chahat ka sailaab kam tha zazbato mei hmare tabhi aayi beech hmare ye duriya, par inn duriyo k baad q aas si dil me jagi rhti h, q aaj bhi mujhe tumse milne ki ummid hoti h.... "

pyaar chaahat hai ya srif dhokha...-story

Note: ye kahani poori tarah se satyataa par aadharit hai, iss kahani ke paatron ki ichha se unke naam yaha badal diye gaye hain taaki unki samaj mein pehchaan ujaagar na ho kintu isse iss sachhi ghatna ke mool tatva mein koi pareevartan nahi aaya hai, paathak isse bade aur jo sawal isme puchha gaya hai "pyaar chahat hai ya dhokha?" iska jawab dhoond kar comment box mein comment kar ke apni pratikriya abhivyakt karein dhanyawad….

Meri saheli ki ek saheli hai naam hai uska shaalini, padi likhi hai, samajhdaar hai, dikhne mein bhi jyada khubsurat nahi lekin theek thaak kah sakte hain, dimaag to uska masha allah bada hi meri nazar mein to moorkhtana hai par wo khud ko bada hi smart samajhti hai, usse pada hi azeeb sa shauk raha hai bachpan se, usse bachpan se ladkon se pyaar karne ka bada hi ajeeb sa shauk tha, ab ye shauk usse kya kya gul khila chuka hai kya batau main, jab wo chhoti thi aur TV pe kisi film mein koi romantic song sunti ya romantic film hi dekhti to uska mann mein ye jigyaasa utpann hoti ki kaash usse bhi koi aise hi pyaar karne wala mile, fir usne socha koi nahi ji kaun si abhi umar nikali ja rahi hai jab badi hogi to usse bhi koi aise hi chaahane wala mil hi jaayega,

   Jab wo aath(8 years) saal ki hui to uske ghar mein uske bade bhaiyon ke dost aane lage to usne socha ki kaash inme se koi aisa mil jaaye jo usse pyaar karne lage lekin ya kya wo sab to usse bachhi keh kar bulate the, fir usne socha arre abhi uski umar hi bachhi jitnee hai, thodi badi ho jaaygi to apne aap koi na koi usse pyaar karne wala ladka mil hi jaayega, fir wo jab 10 saal ki hui to apne saheli ke bhai ko pasand karne lagi jo usse kareeb 10/12  saal to bada hoga lekin fir wo hi baat wo bhi usse bachhi hi samajhta tha, bechaari badi pareshaan ho gayi, 10 saal ki uski umar ho gayi par abhi tak usse koi bhi pyaar karne wala nahi mil pa raha tha, sab kuch ek din usne bhagwan ke haath chhod kar apni padai mein mann lagane ki thaan li,

   Aur kahte hain na jab jab jo jo milna hai tab tab so so milta hai, iske saath bhi kuch aisa hi hua, jab usne kisi ke pyaar ki ummid tak chhod di thi, ladkon se dooriya bana li thi tab usse achaanak ahsaas hua ki wo fir se kisi ke pyaar mein hai, ab uski umar bhi 13 saal ho chuki thi, kishoravastha se jawani ki seediya wo chadne lagi thi lekin ab wo pahle jaisa bachhon ki tarah pyaar pane ki laalsa ki jagah kuch samajhdaari dikhne lagi thi, jab usse ahsaas hua ki wo kisi ke pyaar mein (apne classmate ke)  hai par saath hi usse iss baat ka bhi ahsaas hua ki wo ladka bhi uske pyaar mein hai, usse bahut hi jyada khushi hui aur sabse jyada iss baat ki hui kyon ki wo poore school ka sabse jyada hansome and smart ladka jo tha aur wo humari pyaari Shalini ke pyaar mein ab ghaayal ho chuka tha,dono hi ab aankhon hi aankhon mein pyaar bhari baate karne lage the, kareeb aa kar bat karne ki himmat na to uss ladke ki hui aur na Shalini ne usse apne kareeb aa kar baat cheet ka koi mauka diya, ab wo badi ladkiyon jaise nakhare jo dikhane lagi thi, unka pyaar gupchup tareeke se parwan chadta gya.

    Par fir Shalini ke iss tarah uske rude behavior ke kaaran wo ladka usse door hone laga, Shalini samajh gayi shayad wo usse bhaav nahi de rahi ya fir show nahi kar rahi isliye ye ladka usse door ja raha hai par usne usse rokne ki koshish hi nahi ki aur na ye jaahir hone diya ki usse uske jaane ka jara bhi dukh hai, usne socha agar wo usse pyaar karta hoga to jarur uske paas wapas aayega, par uske door jaane par uss ladke ko ek nayi ladki mil gayi, usse uski dosti ho gayi, dono ek doosre ke saath kaafi samay bitane lage, sab kuch humarei bechaari Shaalu ke saamne hi hone laga par ek baar bhi humari Shaalu ne ye nhi dikhaya ki usse kisi bhi baat se thodi bhi jalan ho rahi hai, usse fir bhi yakin tha ki ek na ek din wo ladka uske paas jarur aayega aur isliye usse jalna nahi chaahiye, fir ek din wo ladka uske paas aaya kyon wo ladki uska dil jo tod kar usse alag ho chuki thi par waqt ka ferr dekhiye wo tab uske paas aaya jab Shalini bhi wo shahar chhod kar kisi aur shahar aur kisi aur school mein jane wali thi, iss ummid ke saath Shalini fir usse juda ho gayi ki jab hum fir milenge to tab tak uss umar ke ho chuke hounge jab hum apne pyaar ko duniya ke saamne na sirf jaahir kar sake balki ek doosre ka haath thaam kar humesha humesha ke liye apna bana sake, aur tab tak unhe apne padai likhai par poori tarh dhyaan dena chahiye, bas mann mein ye dharana rakh kar wo usse juda ho gayi,

Par uss naye shahar aur naye logon ko dekh kar usse ahsaas hua ki ab shayad wo uss ladke se kabhi na mil paayegi aur isliye usne apne liye kisi aur ko dhoondna shuru kar diya, usse iske liye bhadkaane mein ab uski kuch saheliya bhi ho gayi, wo unhe dekhti apne apne boyfreiend ke saath to uske mann mein bhaavana aati ki kaash uska bhi koi hota aise hi boyfriend jiske saath wo ghoomti aur zindagi ka  jeene ka aanand prapt karti, jab wo 17 saal ki hui to usse kisi celebrity se lagaw ho gaya, wo uske sapne  mein din raat khoi rahti, usse pata tha ki wo usse mil to kabhi nahi paaygi par apne khwaabon mein aksar wo usse milne lagi, apne khwaabon ko wo hakikat se jyada chaahne lagi,

    Apne khwaabon ko hakikat samajh kar jeene wali Shaalu ki ek din mulaakat ek aise shakhs se hui jise dekh kar uske dimaag ki ghanti fir se bajne lagi, uss waqt uski umar ho chuki thi 21 saal, wo usse dil hi dil mein pasand karne lagi thi par uss ladke ke kuch ajeeb tarah ke behavior ko dekh kar uska lagaav uski taraf se kuch kam ho gaya aur fir se wo kisi aur ki talash mein nikal padi, usne socha jab tak hakikat mein koi nhi milta pyaar karne wala tab tak apne khwaabon mein aane wale iss celebrity se hi romance kar liya jaaye, aur fir iss tarah se wo apni duniya mein fir se gumm ho gayi.

Kahte hain kismat  mein kya likha hai koi nahi jaan sakta, jis shakhs ka vyavhaar usse kabhi ajeeb sa laga tha aur jiske wazah se usne apne mann ko uski oor se kheech liya tha fir se ek baar uski taraf uska mann aakrasht hone laga tha, usne apne mann ki baat apni ek saheli ko batai to usne kaha ki apna lo usse shayad wo hi hai tumhari  zindagi mein, fir Shalini uss ladke ko apne dil ki baat batane ko bechain ghoomne lagi, kuch ek aise sign usne usse diye jisse wo ladka uske mann ki vyatha ko kuch had tak jaan sake jisma result bhi positive hi aaya par fir bhi Shaalu usse mann ki baat na bol sake aur fir wo ladka bhi wo shahar chhod kar chala gaya, Shaalu ne socha shayad ye nahi hoga uski zindgi mein, ab usse bhool kar apne career ke bare mein sochna chaahiye, lekin shaalu usse bhool na saki, laakh koshish ke baad bhi wo usse apne mann se na nikaal saki, wo ladka kahan hai aur kis haal mein hai usse kuch na pata tha par uss par uss rab ki aisee mehar hui ki uss ladke ke bare mein usse saari jaruri jaankari mil gayi, par wo kaise usse baat kare aur kya baat kare ya na samajh mein usse aata tha, fir kareeb 2 saal baad himmat dikha kar uss ladke se shaalu ne baat ki aur e-mail ke jariye apne dil ka haal bayan kar diya, badi khush hui wok yon ki uss ladke ne jo uska purposal accept kar liya tha, kuch waqt to sab theek chala par fir dheere dheere unke beech duriya c aane lagi, shaalu aur wo mile nahi the iss purposal ke baad se lekin fir bhi unke beech dooriya aati gayi, kayi baar dono ne rishta toda aur kai baar joda, iss tod jod se ubta kar Shaalini ne humesha ke liye iss rishte ko todne ka faisla kar liya tha.

    Ab wo fir se apne liye ek naya boyfriend dhoond rahi thi jo na sirf uska boyfriend bane balki aane wale samay mein uska hamsafar bhi bane, uski iss baat ka faayda uski ek net friend ne uthhaya aur uski dosti ek aise ladke se karwai ye keh kar ki wo usse bahut pyaar karta hai aur usse humesha bahut hi khush rakhega, uss ladke ne apni umar Shaalu se kuch kam hi batayi bt fir bhi wo usse apni girlfriend banana chaahta tha, apne uss x-boyfriend se dukhi Shaalu ne iss ladke ka haath thaamna manzoor kar liya ye jaan kar bhi ki ye uski zindagi ka sabse bada risk hai, par iske saath Shaalu uss ladke se bhi apne rishte poori  tarah to nahi tod paayi thi haan kuch had tak dooriya jarur bana daali thi, par waqt ne fir se usse dhoka diya, zindagi ka risk le kar Shaalu ne jiska haath thaama tha usne bhi bas uska istmaal kar ke chhod diya ye bol kar ki humari umar match nahi karti, shaalu bahut hi jyada dukhi thi aur kya kare kuch samajh nahi aa raha tha, zindagi ka risk keh kar jo haath thama tha usne uska, aise ki kisi pareenam se wo anjaan to nahi thi fir bhi usne aisee naadani ki shayad sachhe pyaar pane ki uske hasrat ne hi usse aisa karne par mazboor kiya tha.

    Apne iss break up ke baad shaalu ne uss ladke se baat cheet fir se pahle jaisee hi shuru kar di   jisse dukhi ho kar usne kisi se naya rishta joda tha, Shaalu ko ahsaas hua ki usne iss ladke ko chhod kar galti ki thi, wo praayshchit  karna chaahti thi, koshish bas ye hi karti ki ab isse kabhi na chhodu main, koi dukh na pahuchau isse main, uskee khushi ke khaatir wo usse milne akele kisi tarah uske shahar bhi pahuch gayi, galti bas usne ye ki saath mein kisi ajnabi ladke ko le gayi, wo ladka uskee saheli ka koi dost tha, ab shaalu ka saath aur kareebi doston ne nahi diya yaha tak ki maine bhi nahi diya to wo kya karti, usse akele jaane mein darr lag raha tha par wo uss ladke ki khushi k liye usse milne wo waha jaana chaahti thi, isliye ye bhi risk le kar wo waha gayi wo ladka isse naraz ho gaya ki wo akele kyon nahi aayi, usne uski bhaavan ko nahi dekha ki wo itnee door sirf usse milne aayi bas ye dekha ki wo kisi ko saath le kar aayi, uske iske baad unme fir se anban shuru ho gayi,

Shaalu ne apne iss rishte ko bachaane ki bahut koshish ki, wo jyadatar uss ladke ki jyaadti ka jawab nahi deti thi taaki unke rishta bana rahe par wo lakda uski iss baat ko uski kamjori samajh kar uski beizzati karta raha, fir wo ladka Shaalu ke shahar aaya, shaalu usse milne gayi, par waha uss ladkne ne shaalu ki bahut hi beizzati ki, shaalu ne bahut koshish ki koi jawab na de aisa jisse unke rishte par fark pade, chup chaap sab sehati rahi par uss ladkne ne haalat aise bigaade ki ab shaalu se chup rahna muskil ho gaya, waha to kuch na kaha par ghar aa kar bahut kuch kah daala par uss ladke ne apni galati ke liye maafi maangne ki  jagah fir shaalu ko bahut kuch bura bhala keh daala, jis rishte ko shaalu bachaana chaahti thi wo ab usne khud hi tod daala,

 Iske baad meri saheli ki sahelli ko akal aayi ya nahi ye to pata nahi ya fir wo kisi aur ke talaash mein juti hui hai, meri jab uss last time baat hui thi to wo bata rahi thi ki ab wo kabhi shaadi nahi karegi, pyaar ke peechhe wo kabhi bhaagati thi ab usse ahsaas hua hai ki wo to kahi hai hi nahi bas mann ki kalpana maatra hai wo, mardon k liye pyaar sirf dilon se khelna hai, aaj wo kahti hai ki wo mardon se nafrat karti hai, galti par thi wo jo ye samajthi ki pyaar karne wala kabhi koi usse bhi milega sach to ye hai jo cheez hai hi nahi wo mil kaise sakti hai, pata nahi wo sahi kah rahi hai ya jhooth ki ab uska mann inn sabse bhar chukka hai ya fir kisi aur ki talash mein wo juti hui hai, par mann mein mere ye sawal jarur uthhta hai ki aakhir shaalini ka kasoor kyat ha, sirf ek sachha pyaar aur ek sachha humsafar paana bas ye hi to uska kasoor tha, uske saath aisa hua kya wo sahi tha, logon ne uski bhaavnaon ke saath khilwaad kar jata diya ki sachh mein aaj ke waqt mein pyaar sirf kitaabon mein, tv ya filmon mein hi milta hai, hakikat mein dhoondon to sirf dhokha hi naseeb hota hai…

So pyaar paathak aapko meri ya kahani kaisi lagi plss aap mujhe jaroor batana, aake viewz ka mujhe besabri se intezaar rahega..

Dhanyawaad

 Archu

Jee chaahta hai tujhe gale se laga lu main

“Jee chaahta hai tujhe gale se laga lu main, jee chaahta hai  door kahi tujhe le chalu main,    jee chaahta hai na aane du kabhi koi gam aur pareshani zindagi mein ab tumhari, jee chaahta hai kabhi na namm hone du ye aankh fir tumhari,  jee chaahta hai de du tujhe apne hisse ki har khushi saari, jee chaahta hai tujhpe kar du apnee kurbaan ye zindagi saari, jee chaahata hai ek baar fir tujhe pukaar lu main, jee chaahta hai tujhe apne paas fir bula lu main, jee chaahta hai toote huye har rishte ho fir jod lu main, jee chaahta hai tujhe mann mein basa lu main, jee chaahta hai tujhe apne aanchal mein chhipa lu main, chaahta hai jee tere sang fir jeene lagu ab main, jee chaahta hai  laut aau tere paas ab main, jee chaahta hai bita du teri baahon mein apni ye poori zindgaani main,  jee chaahta hai ho jaaye tu ab mera aur ho jaau ab tere main”

meri chaahat ki gehrai ko q na tum jaan sake-sad poetry

"meri chaahat ki gehrai ko q na tum jaan sake, karte hain kitni mohbbat tumse q na tum pehchan sake, ruthh kar dur tumse jana to bahana tha karib tumhare aane ka, meri yu dur jaane wazah q na tum jaan sake, teri har berukhi par bhi muskurane ki wazah q na tum pehchaan sake, teri khushi ki khaatir apna har gam chhipa kar teri har ruswaiya sehane ki baat bhi q na tum jaan sake, dukh nhi mujhe tere diye har dard ka, afsos hota hai mujhe jab tees uthti hai mann mere, naadani se bhari muskurahat ke peechhe chhipe uss jakhm ko q na tum pehchaan sake, sehte rahe tera har sitam hasskar har pal aakhir q ye baat bhi tum na jaan sake, mere dil mein the jo armaan sirf tere liye unhe q na tum pehchaan sake.. "