Saturday 16 April 2011

aap yahi ho mere paas bahut paas


aap hmse kitna dur hain par hme iska ehsaas nhi hota,

hm to har pal aapke sharir ki khushbu in hawao mein mehsus karte hain,
jo aapko chhu kar aati hai jaise aapka hi koi pyaar bhara sandesh de
rhi ho hme,

jab ye hawa aapko yu chhu k hmare pas aa kar hmare sharir se takraati
to aisa lagta hai jaise aapne hi hme apni baaho mein bhar liya ho aur
pyar jata rahe ho,

jab hm subah uth k sooraj ko dekhte hai to lagta hai jaise wo aapka
subah ka sandesh le kar aaya hai..
Hm aapko bhale na dekh pa rahe ho par ye sooraj saara haal aapka aisa
suna raha hai taaki aapki mohak chhavi mere dil se nikal kar mere
saamne aa jaye.
Ye sooraj kitna khushnaseeb hai jo subah subah aapko nihar to leta
hai, shaayad aisa wo hmare liye karta hai taki wo aapki iss mohak
chavi hme batla sake,

raat ko ye chaand b aapka sandesh le kar aata ha,
aisa lagta hai aapka hi shubh raatri ka madhur sandesh mujh tak pahucha raha ho,
ye b kitna khushnaseeb hai, ye aapko neend k aagosh mein jaate huye to
dekh leta ha..

Uff ye raat b mujse jyaada khusnaseeb hai jo aapko apni baaho mein
lekar meethe meethe sapno ki duniya me to le jati hai,
muje jalati hai ye par saath hi mujse kahti bhi hai tum bhi so jao aaj
wo sapno mein tumse milne jarur aaynge,ye ummid dil mein jaga wo sula
jati hai..



Aur ye wazah hai shaayd aapse itna dur aur majbur ho kar bhi aapki
yaad nhi sataati..
Aap yahi ho mere paas bahut paas,

No comments:

Post a Comment